بِسْمِ اللهِ الرَّحْمٰنِ الرَّحِيمِ

Хўжайиннинг зарбаси бошқа, қулнинг зарбаси бошқа!

Абу Ҳамза Хутвоний

Америка шу ой бошида Эроннинг Ироқдаги жангариларига қақшатқич зарбалар йўллади… Аскарлар ва халқ сафарбарлиги жангчиларидан иборат Эронга қарашли ўнлаб ҳарбий ҳалок бўлди. Америка бу зарбаларда Қосим Сулаймонийни нишонга олди… Сулаймоний Эрон Инқилоб қўриқчиларининг Қуддус гвардияси қўмондони эди. Шунингдек, айни зарбада Сулаймонийнинг халқ сафарбарлиги гуруҳидаги ўринбосари муҳандис Абдулғани ҳам нишонга олинди.

Бу зарбаларга жавобан Эрон ҳам АҚШнинг Анбардаги ҳарбий базасига ва Ироқ шимолидаги Арбил шаҳрида жойлашган ҳарбий базасига бир нечта ракета зарбалари йўллади… Ракеталарнинг ҳаммаси бўшлиқ ерларга тушиб ҳеч қандай зарар келтирмади… Битта ҳам америкалик аскар ёки унинг ҳарбий ускунаси зиён кўрмади.

Эрон Американинг адоватига мана шу жавоб кифоя, деб ҳисоблади. Жавоб ортидан унинг ташқи ишлар вазири Муҳаммаджавод Зариф – агар Америка вазиятни мураккаблаштирмаса, биз мавзуни шу ерда ёпамиз, деди. Трамп ҳам Эрон бомбаларидан бирорта америкалик аскар зиён кўрмаганини билдириб, Америка Сулаймонийни ўлдириш билан Эронни жазолади, чунки бу кимса АҚШ элчихонасига қарши ёмон ниятларни кўнглига туккан эди, деди. Шу тарзда Американинг мутакаббирлиги фақат қилинган ишлар учун эмас, балки ниятлар учун ҳам ҳисоб сўраш ва ўлдириб юбориш даражасига етди.

Биз агар Американинг Эронга йўллаган зарбаси билан Эроннинг Америкага йўллаган зарбасини солиштириб кўрадиган бўлсак, Америка зарбаси хўжайиннинг зарбаси, Эрон зарбаси эса, қулнинг зарбаси бўлганига гувоҳ бўламиз. Бу фарқни қуйидаги пунктларда кенгроқ англаш мумкин:

1 – Зарба операциясини бошлаган ҳам, уни ёлғиз ўзи бажаришга қарор қилган ҳам, бунинг учун муносиб обьект ва вақтни танлаган ҳам Америкадир. У айни операциясини ҳеч ким билан маслаҳатлашмади, ҳатто НАТОдаги энг яқин иттифоқчиси Англияни ҳам зарбадан хабардор қилгани йўқ.

2 – Бунинг муқобилида, Эрон реакция сифатида интиқом зарбаси йўллади ва зарбасидан олдин воситачилар орқали айни қарорини Америкага етказди, эҳтиёт чораларини кўриб олсин учун. Масалан, зарба йўлланишдан олдин бу ҳақда Ироқ бош вазири Одил Абдулмаҳдий биларди, бу ҳақда у баёнот берди. Шунингдек, бу зарбадан Теҳронда АҚШ манфаатлари учун хизмат қилаётган швейцарияликлар ҳам хабардор бўлишган. Бундан ташқари, америкалик ҳарбий манбалар ҳам зарба ҳақида Эрон режимидан маълумот олишган ва Эрон манбалари ҳам буни инкор этишмаган. Аксинча, айрим эронлик расмийларнинг ўзлари – зарба ҳақида қасддан америкаликларга хабар қилишганини, улардан бирортасининг ўлиши ёки яраланишини исташмаганини, айтишди.

3 – Америка Эрон ва минтақадаги ўз малайларига оммавий ахборот воситалари орқали «мужда» юборди. Ушбу таҳдид ва таъзир оҳангидаги мужда – Американинг малайларидан бирортаси Сулаймонийга ўхшаб, унинг қизил чизиғидан чиқадиган бўлса, уни шафқатсиз ва қонли ўлим кутади, бу малайлар Американинг керак бўлганда фойдаланиб, истаган пайтда улоқтириб юборадиган бир воситаси, холос, ўрнига бошқа малайлар касб қилаверади, деган маънони англатади.

4 – Эроннинг ўз жавоб зарбасига нисбатан ахборот воситаларида йўллаган муждасига келсак, бу ҳам ички афкори оммага, ҳам АҚШ ва Ғарбга қаратилган мужда бўлди:

а)   Ички афкори оммага:

Эрон ўзидаги жамоатчиликка қуруқ-сохта хабарларни етказиб, Америка устидан нусрат қучганини даъво қилди ҳамда «қаршилик», деяётган кучларга етакчилик қилишда давом этишини билдирди… Америка, яҳудийлар вужуди, Амирликлар ва Саудияни йўқ қилиш билан боғлиқ субутсиз иборалар ишлатди.

б)   АҚШ ва Ғарбга:

Эроннинг АҚШ ва Ғарбга йўллаган муждасида том маънода хорлик, итоатгўйлик ва таслим бўлиш яққол кўриниб турди. Эрон минтақадаги АҚШ манфаатларига зиён етказиш ниятида бўлмагани, ҳатто Қосим Сулаймонийда бўлгани каби, шахсий хато ҳам содир этмоқчи эмаслигини намоён қилди. Американинг таъзир берувчи муждаларига ҳар қанча шафқатсиз бўлса ҳам рози эканини билдириб, Америка билан биргаликда мусулмон жангчи жамоаларга ва «терроризм» дастаги остида исломий ташкилотларга қарши курашни давом эттиришини таъкидлади.

Мана, биринчи Американинг хўжайинлик зарбаси ва иккинчи Эроннинг қуллик зарбаси. Биринчиси мустақил эркин зарба, иккинчиси, муте қуллик зарбаси.

Шундай қилиб, айни ҳодисалар «қаршилик ҳаракати», дейилаётган таянчнинг кўпик эканини фош этди. Мудом, Эрон айни таянчнинг хор номард етакчиси бўлиб, Американинг қақшатқич зарбаларини шу даражада итоатгўйлик ва олқиш билан қабул қилаётган экан ҳамда катта қўмондонлари ўлдирилса ҳам, муносиб жавоб қайтаролмаётган экан, у ҳолда, унга эргашаётганларга нима дейиш мумкин?!

Эрон раҳбарияти муносиб жавоб қайтаришга нафақат ожиз эканини исботлади, балки, Америка режаларини амалга оширишда мусулмонларнинг Сурия ва Ироқдаги қўзғолонларига қарши тил бириктирувдан асло тўхтамаслигини ҳам яна бир бор тасдиқлади.

Бас, яҳудийлар вужудига қарши жангда бизга ёрдам беряпти, дея Эронга ҳамон ишонаётганлар, ҳақиқатни билиб қўйсинлар. Ҳақиқат шуки, айни мақсадда Эронга ишониб орқа қилишлари ёлғон ва саробдан бошқа нарсага олиб бормайди. Эрон сиёсий қадамларини Америка билан келишмаган ҳолда ташламайди. Кечаги кундаги тўртта битим биз учун етарли ибратдир. Илгари Эрон Ироқ ва Афғонистонда ҳам Америкага ҳамма давлатдан вафодорроқ эканини кўрсатган. Бугун ҳам Эроннинг нопок миссияси мусулмонлар қўзғолонини тириклайин кўмиш ва қонхўр Асад каби тоғутларни қўллаб-қувватлашдан иборат бўляпти.

Барчага айтар сўзимиз шуки, то Пайғамбарлик минҳожи асосидаги иккинчи Халифалик давлати барпо этилмас экан, Ислом Умматининг ҳам борлиги-мавжудлиги кўринмайди. Шундай экан, Ислом ва мусулмонларга ёрдам бермоқчи бўлган ҳар бир киши, ушбу давлатни барпо этишга ҳаракат қилсин. Чунки АҚШ ва бошқа кофир давлатларга қарши туришга, Фаластин ва бошқа босиб олинган ҳамда заиф бўлиб турган исломий юртларни озод этишга, ёлғиз Халифалик давлати қодирдир. Росулуллоҳ ﷺ

«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«Кейин Пайғамбарлик минҳожи асосида Халифалик бўлади», дея ҳозирги золим подшоҳлик замонидан сўнг албатта қайта барпо бўлиши ҳақида башорат қилган давлат ҳам ушбу Халифалик давлатидир.

Роя газетасининг 2020 йил 15 январ чоршанба кунги 269-сонидан