Матбуот баёноти

Ички ишларимизга бурнини суқаётган Британия ва Американи тийиб қўйишга Халифалик давлатидан бошқаси қодир эмас

Британия ҳамда унинг Франция ва Германиядан иборат европалик шериклари ўзларининг минтақадаги малайлари бўлмиш Амирликлар, Кения ва Чад билан ҳамкорликда 2025 йил 15 апрелда Судан урушини муҳокама қилиш учун конференция ўтказишни режалаштирди. Британиянинг Судандаги вакили Краудер ушбу конференцияни 2024 йилда бўлиб ўтган Париж конференциясидан кейин Суданни қўллаб-қувватловчи энг йирик халқаро анжуман, деб атади. Краудернинг бу баёноти Бурҳон билан учрашганидан кейин 2025 йил 9 апрел чоршанба куни чиқди. Бурҳоннинг айни конференциядан ҳам, Британия ва Европа давлатлари хатти-ҳаракатларидан ҳам жаҳли чиқди. Судан Трибюн веб-сайти хабарига кўра, Бурҳон Британия вакили Краудерга бундай деган: «Судан халқи у ер-бу ерда конференциялар ўтказишдан кўра халқаро ҳамжамиятнинг Судан азоб-уқубатларига эътибор қаратишига кўпроқ муҳтож. Бу халқнинг азоб-уқубатлари Тезкор қўллаб-қувватлаш кучлари ҳамда уларнинг Фашир шаҳри ва қочқинлар лагерларидаги тарафдорларининг зўравонликлари оқибатида бўлмоқда», деди! Бурҳон шундай деган эса-да, бироқ Британия вакилини ҳайдаб юборишга ёки ҳеч бўлмаганда у билан учрашишдан бош тортишга журъат қилолмади. Ваҳоланки, у инглизларнинг унинг ҳукуматини писанд қилмай, ўлка ишларига очиқдан-очиқ аралашаётганини кўриб-билиб турибди. Бу заиф ва хор позициядир. Зотан, Судан ташқи ишлар вазирлиги ҳам худди шундай позицияда туриб, режалаштирилган конференцияни ўтказишни эълон қилиш Судан суверенитетини бузиш ҳисобланади, дея кўз-ёш тўкди. Масалан, айни вазирликнинг 2025 йил 6 апрелда чиқарган баёнотида бундай дейилади: «Ташқи ишлар вазири доктор Алий Юсуф британиялик ҳамкасби Дэвид Лэммига мактуб йўллаб, унда Британия Судан бўйича конференция ўтказишга Судан ҳукуматини таклиф қилмасдан, Суданга, унинг халқи ва давлатига қарши урушда шерик бўлган бошқа давлатларни таклиф қилиб ўтказмоқчи, Судан бунга эътироз билдиради, деди». Бу ташқи ишлар вазири менинг ўлкамнинг ички ишларини муҳокама қилиш учун менинг ҳукуматимни таклиф қилмади, деб мустамлакачи Британияни айблаш ўрнига жим қолгани яхши эди!

Янги мустамлакачи Америка ҳам, ўз навбатида, Британия ва Европанинг Судан ишини ўз қўлларида ушлаб қолиш уринишларига жавоб юриши қилди. Бунинг учун Судан уруши масаласини 2024 йил май ойида ўтказган Жидда форуми орқали ўз қўлида сақлашга ҳаракат қилди. АҚШ давлат котиби Марко Рубио билан Саудия ташқи ишлар вазири Файсал ибн Фарҳоннинг учрашуви манзарасида АҚШ давлат департаменти матбуот котиби Тэмми Брюс бундай баёнот берди: «Икки вазир Судан қуролли кучлари билан Тезкор қўллаб-қувватлаш кучлари ўртасида тинчлик музокаралари қайта бошланиши, фуқаролар ҳимоя қилиниши ва фуқаролик бошқарувига қайтиш зарурлигига келишиб олдилар». Буларнинг барчасидан кўриниб турибдики, дахлсизлиги поймол этилган ўлкамиз Америка ва Британия (у билан бирга Европа) ўртасида кураш майдонига айланиб қолди. Ҳукмдорлар, сиёсатчилар ва қуролли ҳаракатлар етакчиларининг хориж билан алоқа қилаётганлиги суверенитет тўғрисидаги гапларнинг сийқаси чиққан гаплар бўлиб, бу мунофиқликнинг бир тури эканини кўрсатмоқда.

Жамиятнинг барча қатламлари ва ҳаётий тармоқларидаги холис инсонлар шуни билсинларки, Сайкс-Пико шартномасида функционал давлатлар сифатида пайдо бўлган кичик давлатлар ҳеч қандай суверен эмас. Чунки мустамлакачилар улар устида кураш олиб боришяпти ва уларни назорат қилиб туришибди. Агар суверенитет, куч-қудрат ва қадр-қиммат лаззатини тотишни истасак, Исломни шаръий тариқат билан соф тоза равишда ҳокимиятга олиб келишга шошилайлик. Шаръий тариқат эса, Пайғамбарлик минҳожи асосидаги рошид Халифаликни барпо этишдир. Токи, мустамлакачи кофирлар нуфузини ўлкаларимиздан ва бутун дунёдан илдизи билан қуритиб, бутун инсониятга эзгулик улашайлик.

Иброҳим Усмон (Абу Халил) Ҳизб ут-Таҳрирнинг Судан вилоятидаги расмий нотиғи