بسم الله الرحمن الرحيم

Роя газетаси:

Идлиб «дўстлик»ни даъво қилган давлатларнинг сўз бериб, ишонтириши ва пайт пойлаб турган душманлар адовати ўртасида қолди

Мунир Носир қаламига мансуб

Қонхўр режим қўзғолоннинг аксар минтақаларини тор-мор қилгандан сўнг, Идлиб жанги ҳақидаги гап-сўзлар бугуннинг мавзусига ва унга ечимлар таклиф қилинган асосий масалага айланиб қолди. Одамлар қўйнини пуч ёнғоққа тўлдириб, уларни хотиржам қиладиган овозлар янграй бошлади. Яъни Идлиб Туркия режими ҳимояси остида, Туркия режимга қарашли минтақалар билан қўзғолон минтақалари ўртасига ўзининг кузатув пунктларини ўрнатган… деган гаплар тарқалди. Ҳолбуки, турк режимининг кузатув пунктлари рус самолётларини истаган пайтда Шом аҳлига қарши қирғин амалиётларини ўтказишига қўйиб берган!

Бошқа бир томонда, ечимга эришиш учун бир холис ҳарбий куч тузиш керак, бу ҳарбий куч хоин раҳбарларни йўқ қилиб, ишлар тизгинини ўз қўлига олади ва дарҳол ҳужумга киришади дейдиганлар ҳам бор. Бироқ бундайлар анави хоин етакчилар қилмишларидан гўё ғафлатда қолишган. Зеро, бу хоинлар Хмеймим аэродроми борасида руслар билан музокара олиб боришмоқда ва «қон тўкилишини тўхтатиш керак», деган шиорларни кўтаришмоқда. Шомнинг кўплаб минтақаларида бўлаётгани каби, одамлар ҳужумларга қарши жанг қилаётган бир пайтда, улар қуролларни ташлашга ва бутунлай таслим бўлишга чақиришмоқда.

Идлиб жанги ҳақида гапириш ғоят муҳим нарса. Чунки у қўзғолоннинг сўнгги қалъаси ҳисобланади. Ҳамма қўзғолонни қутқариб қолиш йўлини изламоқда, уни сиёсий мақсадда берилаётган ифлос пуллар  ботқоғидан ва унга алданган етакчилар зўравонлигидан халос этиш ҳақида ўйламоқда. Зеро, бу етакчилар мусулмон биродарларига ёрдам беришмаяпти. Аксинча, уларнинг қирғин қилинишига рози бўлиб, ҳатто бир-бирларига қарши жанг қилишмоқда… халқаро ва регионал разведка хизматлари билан алоқага киришиб, уларнинг буйруқларини бажаришмоқда ҳамда фронтларни жангдан тўхтатиб, ярашув ва музокара кўчасига киришяпти…

Қўзғолонни қутқарадиган ечим ҳақида гапиришдан олдин шуни англамоқ керакки, дунё давлатлари қўзғолон нон сўрагани ёки мансаб истагани ёхуд конституцион ислоҳотлар талаб қилгани учун унга қарши тил бириктиришмади. Балки қўзғолон Ғарб манфаатларини ҳимоя қилувчи илмоний режимни илдизи билан қўпориб, ўрнига Ислом тузумини барпо этишни талаб қилгани учун унга қарши тил бириктиришди. Шом аҳли эса, тобе ва хор бўлиб яшашни истамади, «етакчимиз тоабад, саййидимиз Муҳаммаддир», «Аллоҳдан ўзгага тиз чўкмаймиз» «ўламиз, аммо хор бўлмаймиз» дея овозлари борича ҳайқирдилар… Шунинг учун ҳам қўзғолон аҳлига нисбатан қатли ом билан ҳамда уй-жойларни вайрон қилиш ва юртдан қувиб чиқариш билан жавоб қилишди… Қўзғолон аҳли буюк Исломга лойиқ тарзда улкан қурбонликлар бердилар.

Шуни ҳам англаш зарурки, қўзғолон етиб келган бугунги ҳолатда кўп яхшиликлар бор: сафлар сараланиб-тозаланди, сиёсий мақсадда берилаётган ифлос пулларга учган етакчилар – ҳатто улардан исломий шиорларни кўтарганлари ҳам – хор бўлди. Чунки бундай етакчилар қўлларини мусулмонлар қонига белаб, уларга ўлпонлар солишди, одамларни музокарага киришиш ва таслим бўлишга мажбур қилишди. Шунингдек, бугунги ҳолатда халифалик эълон қилганларнинг халифалиги сохта экани ҳам фош бўлди. Бундай эълондан фақат ёвуз ният мақсад қилингани ҳаммага аён бўлиб қолди. Уларнинг ёвуз ниятлари мусулмонлар зеҳнидан Халифалик, халифалар ва айниқса рошид халифалар ҳақидаги ёрқин тасаввурни ўчириб, ўрнига хунук тасаввурни пайдо қилишдан иборат эди. Токи, халифалик зикр қилинганда, ўша хунук тасаввур келсин, одамлар рошид Халифаликдан ва уни барпо этиш учун фаолият қилаётганлардан нафратланиб қолишсин… Бу нарса бугунги кунда одамларга аён бўлиб қолди. Зеро, рошид Халифаликни барпо этишга ҳаракат қилаётганлар, бундай тил бириктирувларни фош этишда, сиёсий мақсадда берилган ифлос пулларнинг нақадар хавфли эканини кўрсатиб, Туркия, Саудия каби ўзларини «дўст» қилиб қўрсатаётган режимларнинг роллари нималардан иборатлигини очиб ташлашда тиним билмай ҳаракат қилмоқдалар.

Шунингдек, сафларнинг тозаланиши лойиҳанинг тозаланиши эканини ҳам тушунмоқ лозим. Бугун аксар гуруҳ етакчилари ва сиёсий кучлар кўтариб чиқаётган лойиҳа Ғарб лойиҳасидир. Ҳизб ут-Таҳрир кўтариб чиқаётган лойиҳа эса, Пайғамбарлик минҳожи асосидаги рошид Халифалик лойиҳасидир. Ҳизб ут-Таҳрир одамларни қамоққа олгани йўқ, уларни қийноққа солгани йўқ, аксинча, Ҳизб аъзоларининг ўзи қамоққа олинмоқда, қийноққа солинмоқда… Ҳизб ут-Таҳрир Туркия, Қатар каби давлатларнинг разведка хизматлари билан алоқа қилгани йўқ. Хорижий давлатлар армиялари билан ҳам, халқаро ташкилотлар билан ҳам тил бириктириб, музокара ва ярашувга даъват қилгани йўқ. Билъакс, у бу кабилар билан ҳамкорлик қилишнинг ёмон оқибатларидан огоҳликка чақирди. Ҳизб ут-Таҳрир гуруҳлар ўртасида бир-бирига қарши жанг қилишга тарғиб этмади, балки ундан барча шаръий воситалар орқали қайтаришга уринди. Агар қўзғолонда содир бўлган барча камчиликларга назар ташласак, буларнинг бирортасида Ҳизбнинг қўли йўқлигини, аксинча, у қўзғолондан турли камчиликларни бартараф этишга холислик ва онгли равишда ҳаракат қилганига гувоҳ бўламиз. Ҳизбдаги ушбу онг кураш табиатини, мақсадини ва бу мақсадларни амалга ошириш йўлини, ижро этиш услуби ва воситаларини англашдан келиб чиқди. Ҳизбнинг холислиги эса, ўзининг амали, ақидаси ва ақидадан балқиб чиқувчи аҳкомларни Ислом устига бино қилганидан келиб чиқди. Чунки у мабдага асосланган Ҳизбдир. Шу боис ҳам Ҳизб собит турди, воқега қараб ўзгармади. Аммо Ғарб эса, худди Фиръавн ўз қавмига

﴿إِنََّ هَٰؤُلاَءِ لَشِرْذِمَةٌ قَلِيلُونَ﴾

«Аниқки, улар бир сиқим ялангоёқлардир»  [Шуаро 54]

дегани каби, Ҳизбнинг фаолиятини арзимас нарса қилиб кўрсатишга уринди.

Ўзининг бутун ахборот воситалар машинасини ва норасмий кўппакларини Ҳизбга қарши уруш очиш, номини булғаш, обрўсизлантириш ва ҳақоратлашга сафарбар қилди.

Ҳа, аввало шуларни обдан тушуниб олиш керак, қўзғолонни қутқарувчи ечим ҳақида гапиришга эрта ҳали. Аммо кўпчилик одамлар – то илоҳий қудрат бевосита аралашиб, мувозанатни бузиб, мусулмонларга ғалаба келтирмагунча, ечим бўлмайди, деган хаёлга боришяпти. Тўғри, бундай аралашув, инша Аллоҳ, албатта бўлади. Бироқ у шартли аралашувдир. Бу шартлар анбиёларда ва саҳобаларда бўлган ва бугун улар қуйидаги уч шартда бўлади:

Биринчи шарт: Одамлар илмоний фуқаролик лойиҳасини – хоҳ уни соқоли қиртишланганлар таклиф қилган бўлсин, хоҳ соқол қўйганлар, фарқсиз – албатта рад этмоқлари керак. Кейин эса, Роббимиз ваъда қилган, Росулимиз A башорат қилган Пайғамбарлик минҳожи асосидаги рошид Халифалик лойиҳасини кенгашлари, вакиллари, шахслари орқали қабул қилишлари ва буни зудлик билан амалга оширишлари зарур, чунки масала ғоят жиддий.

Иккинчи шарт: Уммат бу лойиҳани очиқ-ошкор айтиши, барча воситалар билан хабар қилиши керак. Аслида, Халифаликни очиқ-ошкор айтиш, инсонлар билан Аллоҳ ўртасидаги битимдир. Эй Роббимиз, биз Сендан қўрқамиз, бошқадан қўрқмаймиз, бас, бизга қудратинг ила ёрдамингни ва нусратингни бер, дея Аллоҳ билан шартлашадилар. Зеро, Аллоҳнинг

﴿إِنْ تَنْصُرُوا اللهَ﴾

«Агар Аллоҳга ёрдам берсангиз…»   [Муҳаммад 7]

ояти лойиҳани очиқ айтишдир.

Учинчи шарт: Уммат ўзининг кенгашлари, вакиллари, шахслари орқали – қўзғолон етакчилиги айни лойиҳани сиёсий етакчилик сифатида кўтаришга қодир кишиларга топширилсин, холис ҳарбийлар ушбу онгли ва холис сиёсий етакчиликка нусрат-ёрдам берсин, деган талабни қўйиши лозим.

Мана шу шартлар топилса, бу шартлар Аллоҳ Таолонинг нусрат-ёрдами келишига кафил бўлади. Бунинг учун бандалари устидан қудрати улуғ Аллоҳга таваккал қилиш лозим, Ўз ваъдасига ҳаргиз хилоф иш қилмайдиган Аллоҳнинг ваъдасига чуқур ишониб, куч-қудрат фақат Аллоҳ Росули ва мўминлар учун эканига имон келтириш керак. Аммо кутиш позициясини эгаллаш ёки онгли холис сиёсий етакчиликдан узоқ равишда мудофаа билангина кифояланиш эса, яна хоинлик пластинкасини айлантиради, яна очиқ кўриниб турган тузоққа илиниб, шунча берилган қурбонликларни зое кетказади. Албатта, битта тешикдан икки марта чақтирмайдиган мўмин бунга ҳаргиз рози бўлмайди.

Аллоҳнинг Ўз динига нусрат беришига асло шубҳа йўқ. Пайғамбарлик минҳожи асосидаги рошид Халифалик – Аллоҳ изни ила – албатта барпо бўлади. Бизга Росулуллоҳ A

«… ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«… Кейин Пайғамбарлик минҳожи асосидаги Халифалик бўлади». (Аҳмад, Таёлисий ва бошқалар ривояти), дея башорат берганлар. Шу боис барчамиз, Росулуллоҳ A бизга чизиб берган маълум тариқат асосида, бор куч-имкониятимиз ёрдамида ва зийраклик билан барча услуб-воситаларни ишга солиб, ушбу Халифаликни барпо этишга ҳаракат қилмоғимиз шарт. Ана шундагина бутун Уммат хорлик ва хўрлик асридан куч-қудрат ва иззат-ҳурмат асрига кўчади. Зеро, хорлик ва хўрлик асри тоғутлар бошқаруви сабабли келиб чиқиб, унда қатли омлар, қашшоқликлар, номусларни топташлар бўлган бўлса, иззат-ҳурмат асрида Аллоҳ Азза ва Жалланинг ҳукми соясида бахту саодатга эришилади. Бас, фақат шундай ҳаёт учун беллашайлик.

Роя газетасининг 2018 йил 25 июл чоршанба кунги 192-сонидан