Икки давлатли ечим аср масхарабозлигидир
Матбуот баёноти
Икки давлатли ечим аср масхарабозлигидир
﴿ٱللَّهُ يَسۡتَهۡزِئُ بِهِمۡ وَيَمُدُّهُمۡ فِي طُغۡيَٰنِهِمۡ يَعۡمَهُونَ﴾
«Аллоҳ уларни масхаралайди ва ўз туғёнларида адашиб-улоқиб юришларини давомли қилади»
Ҳизб ут-Таҳрир – Бангладеш вилояти профессор Юнуснинг БМТ бош ассамблеясидаги «фақат 1967 йилдан аввалги чегаралар асосида, "Исроил" билан Фаластин тинчликда ёнма-ён яшагандагина адолат қарор топиши мумкин», деган баёнотини қаттиқ қоралайди. Ҳолбуки, яҳудий вужуди Фаластин аҳлини кўз ўнгимизда қирғин қилаётган ва Фаластиннинг 78 % ерини эгаллаб олган бир шароитда, бу вужудни аҳлимиз билан «тинчликда ёнма-ён» яшашига рухсат бериш қандай қилиб адолатни қарор топтириши мумкин?! Қандай қилиб биз яҳудий босқинчи вужуди ичидаги бу ҳудудни «Фаластин давлати» деб атаймиз, ахир бу «давлат»ни ҳатто мустақил ҳарбий кучи ҳам йўқ бўлса?!
Бу шармандали ҳолат 1988 йил 15 ноябр куни Жазоирда Ёсир Арофатнинг Фаластин давлати тикланганини эълон қилган сиёсий масхарабозлигини ёдга солмоқда. Ўшанда у фақат қоғоздаги давлат бўлган эди ва у Осло келишувларининг натижасига кўра яҳудий қуроллари остидаги ожиз ва тобе маъмурият бўлиб қолди. Шунга қарамай, мусулмонлар ҳукмдорлари орасидаги рувайбизалар, шунингдек Ислом ҳамкорлик ташкилоти ва Араб давлатлари лигаси бу эълонни олқишлаб чиқди. Энг ҳайратланарлиси, баъзи фаластинлик ташкилотлар ҳам уни ўзларининг сабр ва саботларининг самараси сифатида қарши олди, гўёки Фаластин озод этилган-у, яҳудий вужуди бутунлай йўқ қилингандек:
﴿قَٰتَلَهُمُ ٱللَّهُۖ أَنَّىٰ يُؤۡفَكُونَ﴾
«Уларга Аллоҳнинг лаънати бўлсин, нақадар адашишмоқда-а!» [Мунофиқун 4]
Америка ишлаб чиққан икки давлатли ечим, асосан босқинчи яҳудий вужуди билан исломий юртлар ўртасида муносабатларни нормаллаштиришга хизмат қилади. Агар исломий юртлардаги хоин ҳукмдорлар бу вужудни қўллаб-қувватлашмаса, у бир кун ҳам яшай олмас эди, ҳатто Ғарбдан миллиардлаб долларлик ҳарбий ёрдам олса ҳам.
﴿لَن يَضُرُّوكُمۡ إِلَّآ أَذٗىۖ وَإِن يُقَٰتِلُوكُمۡ يُوَلُّوكُمُ ٱلۡأَدۡبَارَ ثُمَّ لَا يُنصَرُونَ﴾
«Улар сизларга озор беришдан бошқа ҳеч қандай зарар етказа олмайдилар. Агар сизлар билан уришсалар, кетларига қараб қочадилар. Сўнгра уларга (ҳеч ким томонидан) ёрдам берилмайди» [Оли Имрон 111]
Америка ўтган асрнинг 90-йилларида «икки давлатли ечимни илгари суриш орқали ўз нуфузини кучайтира бошлади ва бу нуфуздан ўзининг геосиёсий мақсадларини амалга оширишда, яъни ўз васийси яҳудий вужудини мустаҳкамлашда фойдаланди. АҚШ, шунингдек, Ислом Умматини бўлинган ҳолатида сақлаб туриш учун яҳудий вужудини ҳарбий жиҳатдан қўллаб-қувватлаб, уни атрофдаги муҳит билан доимий низо ва беқарорлик ҳолатида ушлаб туриш сиёсатини олиб бормоқда. Бир вақтнинг ўзида, Америка яҳудий вужудининг бутун халқаро тизимни издан чиқариши мумкин бўлган можарони келтириб чиқармаслиги учун мувозанатни қаттиқ ушлаб туришга интилмоқда. Аммо бу назорат ва мувозанатлар тизими, аслида, унинг Яқин Шарқдаги ҳукмронлигини яширадиган ниқобдир. Чунки Америка давлатлар ўртасида мувозанатни сақлаб турувчи адолатли воситачи эмас. Аксинча, у шундай бир тизимни идора қилмоқдаки, унда яҳудий вужуди араблар устидан ҳукмронлик, Америка эса бевосита гегемонлик қилмоқда. Баъзан Америка Эрон орқали билвосита босим ўтказяпти. Буларнинг оқибати ўлароқ, барча томонлар унга қарам бўлиб қолган.
Эй мусулмонлар!
2025 йил 22-30 сентябр кунлари бўлиб ўтган БМТ бош ассамблеясининг олий даражали халқаро конференциясида Британия, Канада, Австралия ва Португалия «Фаластин давлати» деб аталган нарсани тан олди, ушбу эътирофга бир қатор бошқа давлатлар ҳам қўшилди. Конференцияга Франция ва Саудия раҳбарлик қилди. Аниқки, куфр боши бўлган Британиянинг бир неча куфр давлатлари билан биргаликда «Фаластин давлати» деган нарсани тан олишдан мақсади одамлардан, хусусан ўз халқларидан ўзларининг ифлос башараларини яширишдир. Чунки бир неча ахборот воситаларининг хабарларига кўра, улар яҳудий вужудини ҳарбий қўллаб-қувватлашда давом этишмоқда. Масалан, «Анадолу» ахборот агентлигининг маҳаллий ахборот воситаларига таяниб хабар беришича, Британия ўтган август ойида – "Исроил" Ғазода қирғинни авж олдираётган бир пайтда – унга бир ой ичида юз мингдан ортиқ ўқ-дори етказиб берган. Ушбу юк билан бирга танклар, снайпер милтиқлари, автоматлар ҳамда турли хил портловчи моддалар ҳам жўнатган.
1917 йилдаги маккор Бальфур декларацияси орқали Усмоний Халифаликнинг бир қисми бўлмиш Фаластинни яҳудийларга берган ҳам Британиядир. Иккинчи Жаҳон урушидан кейин Британия иқтисодий ва сиёсий жиҳатдан таназзулга юз тутгач, Америка Яқин Шарқдаги вазиятни ўз қўлига олди ва ягона қудратли давлат сифатида майдонга чиқди. Ўшандан буён Америка Ғарб давлатлари билан биргаликда ўша тузоқни, яъни икки давлатли ечимни тиқиштириб келяпти ҳамда яҳудий вужудига Умматни эзиш ва унинг бойликларини талон-торож қилиш учун доимий ҳуқуқ ва имтиёзлар бериб келмоқда. Бу режанинг бир қисми сифатида улар ҳозир «Ғазо бўйича халқаро ўтиш ҳайъати» деб аталган янги халқаро тузилмани ташкил этишни кўзлашмоқда. Ушбу ҳайъатга Ғазо устидан беш йилгача муддатли “сиёсий ва ҳуқуқий олий ҳокимият” ваколати берилиши режалаштирилган. Ҳайъатга 2003 йилда Ироқни босиб олишда иштирок этган Британиянинг собиқ бош вазири Тони Блэр раҳбарлик қилиши мўлжалланган.
Эй мусулмонлар!
Ғазодаги геноцид кўзимиздан узоқ-узоқдаги фожиа эмас, билъакс, Умматимизнинг ушбу муборак заминдаги ёнаётган фронтидир. Фаластиндаги биродар ва опа-сингилларимиз ҳокимият учун ёки ўткинчи дунё неъматлари учун жанг қилишаётгани йўқ. Улар Умматнинг муқаддас заминини муҳофаза қилиш мақсадида, ҳар бир қарич ер учун жонларини фидо қилиб, кофир жиноятчилар ҳужумига қарши посбонлар каби матонат билан турибдилар. Хуллас, мусулмонлар шуни унутмасинларки, икки давлатли ечим муборак заминдаги яҳудийлар босқинчилигига рози бўлиш, демакдир. Бу Аллоҳнинг динида гуноҳи азим саналади. Зеро, саҳобалар ва мужоҳидлар қони билан суғорилган ушбу замин олам бўйлаб мусулмонлар зиёратгоҳи бўлмиш муборак икки Ҳарамнинг учинчиси, Исро ва Меърож маскани ва мусулмонлар ери бўлиб, мусулмонлар унинг бир қаричидан ҳам воз кечишлари жоиз эмас.
Умматимиз бошига тушган энг катта бало анави ҳукмдорлардир. Айнан шу ҳукмдорлар армиялардаги мард ўғлонларимизни казармаларда қамаб туришибди. Уларни геноцид қилинаётган мусулмонларни қутқариш ва биринчи қибламизни мудофаа қилиб, муборак заминни озод этиш учун Ислом байроғи остидаги жангга сафарбар қилиш ўрнига, БМТ миссияси учун мустамлакачи кофирлар қўмондонлиги остидаги жангга юборишяпти.
Юз йилдан кўпроқ вақт олдин Халифалигимиз ағдарилгандан бери мусулмонлар халифасиз қолдилар. Уларни битта байроқ остида бирлаштириб турадиган ва Росулуллоҳ A айтганларидек у билан ҳимояланиладиган ғамхўр раҳбарларини йўқотдилар:
«إِنَّمَا الإِمَامُ جُنَّةٌ يُقَاتَلُ عَنْهُ وَيُتَّقَى بِهِ»
«Имом-халифа қалқондир, унинг ортида туриб жанг қилинади ва у билан ҳимояланилади». (Бухорий ва Муслим ривояти). Шунинг учун, биз ер юзининг барча ерларидаги мусулмонларни ва холис ҳарбийларни бир тану бир жон бўлиб, Ҳизб ут-Таҳрир етакчилиги остида қайта Халифаликни барпо этиш учун ҳаракат қилишга даъват қиламиз. Аллоҳ Таоло айтади:
﴿قَٰتِلُوهُمۡ يُعَذِّبۡهُمُ ٱللَّهُ بِأَيۡدِيكُمۡ وَيُخۡزِهِمۡ وَيَنصُرۡكُمۡ عَلَيۡهِمۡ وَيَشۡفِ صُدُورَ قَوۡمٖ مُّؤۡمِنِينَ﴾
«Уларга қарши жанг қилинглар, (шунда) Аллоҳ уларни сизнинг қўлингиз билан азоблайди, расво қилади ва сизларга уларнинг устидан нусрат бериб, мўмин қавм дилларини қондиради» [Тавба 14]
Ҳизб ут-Таҳрирнинг Бангладешдаги матбуот бўлими
