Матбуот баёноти

Икки қибланинг биринчисини менсимаган кимса икки ҳарами шарифни ҳам менсимайди

Ибн Салмоннинг «Визион 2030» лойиҳаси орқали тавҳид диёри ва ваҳий маскани ифлосланмоқда. Бу лаънати лойиҳа Саудлар оиласи томонидан «ҳаёт сифати» дастуридан кўзланган мақсадлар доирасида мамлакатни туризм ва кўнгилочар марказга айлантириш мақсадида қабул қилинган. Шубҳасиз, бу лойиҳа фақатгина Аллоҳнинг ғазабига сабаб бўлиб, унга рози бўлган ёки ҳисса қўшган ҳар бир кишини балога гирифтор қилади! Мана, кўнгилочар бошқармаси бош раҳбари Туркий ибн Абдулмуҳсин Оли Шайх 2024 йилги Риёз мавсуми 6 миллион ташриф буюрувчига етиб, янги рекорд ўрнатганини билдирди! Бу – кўнгилочар бошқармаси раҳбари ва унинг тарафдорларининг қилаётган гуноҳлари бўлиб, бу гуноҳлари ўзларининг ёмонликлари рўйхатига қўшилишини англатади. Уларнинг бу қилмишлари фақатгина ҳалокатни зиёда қилмоқда. Аллоҳга очиқдан-очиқ осийлик қилишни қонунийлаштирган Ибн Салмон ва унинг гумашталари қандай ҳаёт сифати ҳақида гапиришяпти ўзи?! Бу разил кимса ва унинг югурдаклари икки Ҳарам юртидаги ёшларни динларидан узоқлаштириш ва эътиқодларига зарар етказиш мақсадида ўйин-кулги ва янгилик ниқоби остида Ғарб лойиҳаларини қўллаб-қувватламоқда. Масалан, ахлоқсизлик, яланғочлик, фаҳш, рақс, эркак-аёл аралаш йиғинлар, аёлларнинг очиқ-сочиқлиги ҳамда ҳаёни ўлдирадиган зиёфатлар уюштириш орқали, мусулмонлар қадриятларини менсимай, масхара қилишмоқда.

Ибн Салмон залолат ва бузуқликка шу қадар ботдики, ўз бошқарувида барча шаръий қоидаларни бузди. Мамлакатга Ғарбнинг энг хунук қадриятларини олиб келиб, гомосексуалларни мусулмон ёшларга намуна қилиб кўрсатди. Жамиятнинг энг жирканч одамларини ҳурмат-иззат кўрсатиб, икки ҳарам юртига олиб келди. Бир вақтнинг ўзида, ҳаж зиёратини адо этиш учун талбия айтиб келган зиёратчилар бу заминга киритилмай, қалблари эзилган, ўкситилган ҳолда қайтариб юборилди. Ҳатто жаҳолат даврининг ахлоқий тушунчаси ҳам Ибн Салмоннинг ахлоқий тушунчасидан яхшироқдир. Мусулмонларнинг пуллари ана шундай шармандаликларга сарфланар экан, Ғазода мисли кўрилмаган геноцид иккинчи йилига кирмоқда. Бу пасткаш кимса мусулмонларнинг қонини ҳурмат қилмади. Уларнинг Ғазо, Ливан, Судан ва Ямандаги заифлари ва бечораларига раҳми келмади. Аксинча, уларни янада кўпроқ ғазаблантириш учун шармандалик ва разолатнинг энг тубига етиб борган фестивал уюштирди. Фестивал давомида Ғазо болаларининг парчаланиб кетган жасадлари, азадор аёлларнинг чуқур яралари, мазлум эркакларнинг аламлари ҳамда кексаларнинг умидсиз кўз ёшлари устида рақс тушилди. Бу пасткаш ва аҳмоқ кимсанинг Ғазодаги фожиага муносабати ташқи ишлар вазирлигининг бир неча қораловчи баёнотидан нарига ўтмади. Аслида эса босқинчи вужуднинг қўриқчиси, ёрдамчиси ва мададкори вазифасини бажариб, уни барча турдаги қуроллар, ўқ-дорилар ва озиқ-овқат билан қўллаб-қувватлаб келди.

Эй икки Ҳарам юртидаги мусулмонлар!

Биз Ғарб ва яҳудийларнинг дўсти бўлган, қўли мусулмонлар қонига бўялган хоин ва малай Ибн Салмонга эмас, балки сизларга, яъни халқимиз ва уламоларимизга мурожаат қилмоқдамиз: Росулуллоҳ ﷺ бундай деганлар:

«إِنَّهُ سَيَكُونُ عَلَيْكُمْ أَئِمَّةٌ تَعْرِفُونَ وَتُنْكِرُونَ؛ فَمَنْ أَنْكَرَ فَقَدْ بَرِئَ، وَمَنْ كَرِهَ فَقَدْ سَلِمَ، وَلَكِنْ مَنْ رَضِيَ وَتَابَعَ»

«Келажакда сизларнинг устингизда амирлар бўлади. Сизлар (уларнинг маъруф ва мункар амалларини жуда яхши) биласизлар ва (мункарларини) инкор этасизлар. Ким (уларнинг мункар амалларини) инкор қилса, пок бўлади, ким (уларнинг мункар амалларини) ёмон кўрса саломат қолади, лекин кимда ким (мункарга) рози бўлиб, эргашса борми!». (Саҳиҳ Термизий). Шундай экан, маъруфга буюриб, мункардан қайтаришни тарк этманг, чунки бу икки ишни адо этиш билан Уммат бошқа умматлардан энг яхши умматга айланди. Уни тарк этиш бузуқликнинг тарқалишига, бидъатнинг кўпайишига ва одамларнинг ҳалок бўлишига олиб келади. Росулуллоҳ ﷺ яна марҳамат қилдилар:

«إِنَّ مَنْ كَانَ قَبْلَكُمْ كَانَ إِذَا عَمِلَ الْعَامِلُ فِيهِمْ بِالْخَطِيئَةِ نَهَاهُ النَّاهِي تَعْذِيراً، فَإِذَا كَانَ الْغَدُ جَالَسَهُ وَوَاكَلَهُ وَشَارَبَهُ، كَأَنَّهُ لَمْ يَرَهْ عَلَى خَطِيئَةٍ بِالْأَمْسِ، فَلَمَّا رَأَى اللهُ عَزَّ وَجَلَّ ذَلِكَ مِنْهُمْ ضَرَبَ بِقُلُوبِ بَعْضِهِمْ عَلَى بَعْضٍ، ثُمَّ لَعَنَهُمْ عَلَى لِسَانِ نَبِيِّهِمْ دَاوُدَ، وَعِيسَى ابْنِ مَرْيَمَ، ذَلِكَ بِمَا عَصَوْا وَكَانُوا يَعْتَدُونَ، وَالَّذِي نَفْسُ مُحَمَّدٍ بِيَدِهِ، لَتَأْمُرَّنَ بِالْمَعْرُوفِ، وَلَتَنْهَوْنَ عَنِ الْمُنْكَرِ، وَلَتَأْخُذُنَّ عَلَى يَدَيِ السَّفِيهِ، فَلَتَأْطُرُنَّهُ عَلَى الْحَقِّ أَطْراً، أَوْ لَيَضْرِبَنَّ اللهُ بِقُلُوبِ بَعْضِكُمْ عَلَى بَعْضٍ ثُمَّ لَيَلْعَنَنَّكُمْ كَمَا لَعَنَهُمْ»

«Сизлардан олдингилар орасида кимдир гуноҳ қилса, уни огоҳлантиришар эди. Бироқ эртаси куни ўша одам билан бирга ўтириб, еб-ичиб, кечаги қилган гуноҳини кўрмагандек иш тутишарди. Аллоҳ Таоло уларнинг бу хатти-ҳаракатини кўргач, айримлари билан айримларининг дилларига зарба бериб жазолади ҳамда Довуд пайғамбар ва Исо ибн Марямнинг тили билан уларни лаълатлади. Бу уларнинг исёнлари ва гуноҳлари туфайлидир. Муҳаммаднинг жони қўлида бўлган зотга қасамки, сизлар албатта маъруфга буюриб, мункардан қайтарасизлар, жоҳилни қўлидан ушлаб, уни мажбуран ҳаққа бўйсундириб, ҳаққа чеклаб қўясизлар ёки Аллоҳ айримингиз билан айримингизнинг дилларига зарба беради кейин сизларни ҳам Бану Исроилни лаънатлаганидек лаънатлайди».

Ҳизб ут-Таҳрирнинг марказий матбуот бўлими аёллар қаноти