بِسْمِ اللهِ الرَّحْمٰنِ الرَّحِيمِ

Имрон Хон раҳбарлигидаги Покистон режими жинояткор Ҳиндистон билан муносабатларни нормаллаштиришга бор кучи билан интилмоқда!

Покистон бош вазири Имрон Хон минтақавий тинчликка чақирди. Ҳиндистон билан Покистон ўртасида дўстона муносабат Жанубий Осиёда тинчликка эришиш учун жуда муҳимлигини таъкидлади. Имрон Хон «Жанубий Осиё ва Яқин Шарқда тинчлик ва тараққиёт» номли 2019 йилги Маргала конференциясининг ёпилиш сессиясида қилган нутқида «Биз Покистон ва Ҳиндистонда бир-биримизга қарши жанг қилиш ўрнига, қашшоқлик, иқлим ўзгариши ва очарчилик муаммоларига қарши курашишимиз мумкин», деди. У Ҳиндистон ҳужумлари сабабли минтақадаги муносабат хатарли эканидан халқаро ҳамжамиятни огоҳликка чақириб, «ҳозир халқаро ҳамжамиятнинг аралашиши учун жуда зарур вақтдир, акс ҳолда, оқибат бутун дунёга таъсир қилади», деди.

Роя газетаси шарҳи:

Имрон Хон раҳбарлигидаги Покистон ҳукумати ташкил топгандан буён Ҳиндистон билан муносабатларни нормаллаштиришга бор кучи билан ҳаракат қилиб келмоқда. Бир вақтнинг ўзида, Ҳиндистондаги Моди ҳукумати ўзини босмоқчи эмас. Зеро, у босиб олинган Кашмирда олиб бораётган ўзининг репрессив сиёсатида ҳамда чегара чизиғида жойлашган Озод Кашмирдаги мусулмонларга нисбатан адоватини давом эттиришда ҳаддидан ошмоқда. Бу душман давлатга адоватларини тобора кучайтиришига эса, Покистон режимининг юмшоқ сиёсати қўл келяпти. Бу – ўтган етмиш йилда яққол намоён бўлиб келган ҳолатдир.

Аммо Исломда ҳеч қандай кофир давлат билан доимий тинчлик имзоланмайди. Ҳиндистон ярим оролида тинчлик, мусулмонларнинг Аллоҳ нозил қилган аҳкомлар билан бошқарган вақтидагина мавжуд бўлган. Зеро, Ҳиндистонни дунёнинг иқтисодий моторига айлантирган Исломдир. Ислом билан ҳукм юритилган даврда Ҳиндистон ярим оролидаги барча миллат ва элатлар тинч-осуда ҳаёт кечирганлар. Аммо у ердаги тузум ва бошқарув шакли ўзгаргач эса, минтақа қашшоқликка ботди. Бироқ Пайғамбарлик минҳожи асосидаги Халифалик орқали қайта Ислом ҳукмрон бўлса, бу капиталистик тузум қасддан жорий қилаётган репрессия, зулм ва қашшоқлик албатта йўқ бўлади.

Роя газетасининг 2019 йил 4 декабр чоршанба кунги 263-сонидан