Исломий юртлар ҳукмдорлари ва айрим халқаро ҳамжамият раҳбарларининг Ғазо қирғинини қоралаши уларнинг бошқа қирғинларни маъқуллашини англатади
Матбуот баёноти
Исломий юртлар ҳукмдорлари ва айрим халқаро ҳамжамият раҳбарларининг Ғазо қирғинини қоралаши уларнинг бошқа қирғинларни маъқуллашини англатади
2024 йил 13 июл шанба куни яҳудий вужуди Ғазо сектори Хон Юнус шаҳри ғарбидаги Мавосий минтақасида навбатдаги даҳшатли қатли омни содир этди. 90дан ортиқ шаҳид ва 300дан ортиқ ярадор унинг қурбони бўлди. Уларнинг ярми аёллар ва болалар. Бу сон яҳудийлар 2023 йил 7 октябрдан бери Америка кўмагида Ғазода содир этиб келаётган жиноятлар қаторига қўшилди. Энг паст тахминларга кўра, шаҳидлар ва ярадорлар сони қарийб 127 мингга етди, уларнинг аксари аёллар ва болалардир. 10 мингдан зиёд инсон вайроналар остида қолиб, бедарак йўқолди. Ўнлаб болалар очарчиликдан нобуд бўлди.
Яҳудий вужуди Ғазода шафқатсиз қирғинларни бошлаганидан бери мусулмонлар ҳукмдорлари ва бошқа айрим ажнабий раҳбарлардан буларга жавобан фақат қоралаш ва халқаро ҳуқуқни ҳурмат қилишга бўлган чақириқларни эшитяпмиз! Ушбу қоралаш ва норозилик билдиришдан иборат сиёсий ўйинлар одамларни алдаш ва жамоатчилик фикрини йўналтириб, адаштириш учун тахминан икки ой олдин Рафаҳ босқинига қадар давом этди. Америка яҳудий вужудидан ҳаддан ташқари даражада қирғин қилмаслигини, яъни юзлаб эмас, ўнлаб инсонни қириши мумкинлигини хоҳлаганидан сўнг бу қоралашлар ҳам якунига етди! Шунинг учун қўшни давлатлар ва айрим Ғарб давлатларидан айрим қоралашларни эшитган бўлсак-да, кўплаб узоқдаги исломий юртлардан ҳатто бор-йўғи қоралашни ҳам эшитмадик. Куфрнинг боши бўлган Америка сайловлар билан банд бўлгани учунми ёки бу қирғин тасодифий бўлди, бунга ўхшаш қирғинлар бошқа такрорланмайди, деб ўйлагани учунми, бу қирғин ҳақида сукут сақлади.
Кўплаб араб давлатлари босқинчи кучларнинг Ғазо сектори жанубидаги Мавосий қирғинини қоралаб, фаластинликларни ҳимоя қилишга ва яҳудий давлатини жавобгарликка тортишга чақирди. Иордания ташқи ишлар вазирлиги ўз баёнотида «Аммон (Исроил)нинг Ғазо секторига қарши давом эттираётган шафқатсиз тажовузини, унинг мунтазам равишда тинч аҳоли ва қочқинлар лагерларини нишонга олаётганини кескин суратда қоралашини» таъкидлаб, «бу ҳужумларнинг охиргисида босқинчи (Исроил) кучлари Хон Юнусда, (Исроил)нинг ўзи хавфсиз деб таърифлаган ҳудудда қочқинларнинг чодирларини нишонга олганини, натижада ўнлаб фаластинликлар шаҳид бўлганини» билдирди. Шанба куни Миср ташқи ишлар ва миграция вазирлиги берган баёнотда Миср яҳудий вужудининг Мавосий ҳудудини бомбардимон қилишини кескин суратда қоралаб, уни ҳимоясиз фуқаролар ҳаётини паст баҳолашни бас қилишга, тегишли гуманитар стандартларга ҳамда халқаро ҳуқуқ ва халқаро гуманитар ҳуқуқ қоидаларига риоя қилишга чақирди. Худди шу контекстда Саудия Арабистони ташқи ишлар вазирлиги қиролликнинг «(Исроил) уруш машинасининг Фаластин халқига қарши давом этаётган, шу жумладан охиргиси Ғазо секторининг жанубидаги Хон Юнусдаги қочқинлар лагерида бўлган геноцидни кескин суратда қоралаш»ини билдирди. Саудия Арабистони, шунингдек, яҳудий вужудининг халқаро инсонпарварлик ҳуқуқи ва халқаро қонунийлик резолюцияларини доимий равишда бузиб келгани учун халқаро жавобгарлик механизмларини фаоллаштириш зарурлигини таъкидлади. Туркия ташқи ишлар вазирлиги ҳам яҳудий вужуди томонидан Мавосий ҳудудида уюштирилган ҳужумларни «(Исроил) бош вазири Бинямин Нетаняху ҳукуматининг барча фаластинликларни йўқ қилишга қаратилган саъй-ҳаракатларининг давоми» эканини таъкидлади.
Муборак Фаластин заминида яҳудий турар-жойлари лойиҳаси соҳибларидан иборат Ғарб давлатларининг реакциясига келсак, Британия ташқи ишлар вазирлиги матбуот котиби – Лондон Мавосий ҳужуми ҳақидаги хабарларни яқиндан кузатмоқда, деди. Шунингдек, ушбу вазирликнинг «керагидан узоқ вақт давом этаётган ва чидаб бўлмас ўлим ва ҳалокатга сабаб бўлаётган бу можаронинг тугашини кўришни истаётгани»ни таъкидлади.
Шундай қилиб, бу давлатлар яҳудий вужуди ҳар куни Ғарбнинг бомбалари ёрдамида амалга ошираётган ўнлаб қирғинларда ҳеч қандай ёмонликни кўришмади, фақат яҳудий вужудининг юзлаб кишиларни қирғин қилишини маъқуллашмади. Улар бу билан одамлар қони, вақт ўтиши билан уларни давомий ва секин-аста ўлдириш уларни ташвишлантирмаслигини, фақат «оммавий» қирғинлар Умматни портлаш нуқтасига олиб келишини истамасликларини тасдиқлашди! Албатта, бу шармандали позиция Уммат ўзининг Ғазодаги аҳлига ёрдам бера олмаётган, унинг армиялари бу қирғинлар олдида кишанланиб қолган ёки уларни кузатиб, миқ этмай турган бир манзарада содир бўлмоқда. Уларнинг сукут сақлашига Росулуллоҳ ﷺнинг ушбу сўзлари тўғри келади:
«مَا مِنْ امْرِئٍ يَخْذُلُ امْرَأً مُسْلِمًا عِنْدَ مَوْطِنٍ يُنْتَقَصُ فِيهِ مِنْ عِرْضِهِ وَيُنْتَقَصُ فِيهِ مِنْ حُرْمَتِهِ، إِلاَّ خَذَلَهُ اللهُ تَعَالَى فِي مَوْطِنٍ يُحِبُّ فِيهِ نُصْرَتَهُ. وَمَا مِنْ أَحَدٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلاَّ نَصَرهُ اللهُ فِي مَوْطِنٍ يُحِبُّ فِيهِ نُصْرَتَهُ»
«Қайси бир мусулмон бошқа бир мусулмонни обрўси тўкилаётган ва ҳуқуқи поймол қилинаётган ўринда ёрдамсиз ташлаб қўйса, у Аллоҳнинг ёрдамига муҳтож бўлган жойда Аллоҳ ҳам уни ёрдамсиз ташлаб қўяди. Бирор бир мусулмон бошқа бир мусулмонга обрўси тўкилаётган ва ҳуқуқи поймол қилинаётган жойда ёрдам берса, у Аллоҳнинг ёрдамига муҳтож бўлган жойда, Аллоҳ ҳам унга ёрдам беради».
Эй мусулмонлар, эй Уммат қўшинлари!
Биз исломий юртлардаги мавжуд ҳукмдорларга ишончни бутунлай йўқотдик, орангизда бундан бошқача ўйловчи ёки улардан яхшилик кутган бирор киши бор деб ўйламаймиз. Шунинг учун Ғазодаги аҳлингизга нусрат-ёрдам бериш бошқага эмас сизга фарз бўлди. Ўз армияларидаги холис мўминларни жангга тарғиб этиш Умматга фарз бўлди. Намойиш ва ҳайқириқлар Уммат қўшинларининг улардан нусрат талаб қилинаётганини эшитиши ва ўз халқлари олдидаги бурчларини адо этиши учун бўлиши лозим. Ушбу намойиш ва пикетлар армия қўмондонлиги олдида ўтказилмоғи лозим, ароқ ва маст кишиларга тўла саройлар олдида эмас. Чунки улар ҳис-туйғусини ҳам, жасоратини ҳам йўқотиб бўлишган. Шуни билингки, ўз аҳлини ҳаргиз алдамайдиган Ҳизб ут-Таҳрир сиз билан ва сизнинг орангизда. У ҳокимиятни олиб, Пайғамбарлик минҳожи асосидаги Халифаликни барпо этиш ва қўшинларни муборак Фаластин заминини, Ақсони ва Исро ва Меърож масканини озод этиш сари сафарбар қилиш учун куч-қудрат аҳлининг нусрат-ёрдам беришини кутиб, тайёр бўлиб турибди. Аллоҳ Таоло айтади:
﴿اسْتَجِيبُوا لِرَبِّكُمْ مِنْ قَبْلِ أَنْ يَأْتِيَ يَوْمٌ لَا مَرَدَّ لَهُ مِنَ اللهِ مَا لَكُمْ مِنْ مَلْجَأٍ يَوْمَئِذٍ وَمَا لَكُمْ مِنْ نَكِيرٍ﴾
«(Эй инсонлар), Аллоҳ томонидан ҳеч қайтариб бўлмайдиган бир Кун (Қиёмат) келиб қолишидан илгари Роббингиз (чақириғи)га ижобат-итоат этингиз! У кунда сиз учун бирон қочадиган жой ҳам бўлмас ва сиз учун (қилиб ўтган гуноҳларингизни) инкор қилиш (имкони) ҳам бўлмас» [Шуро 47]
Ҳизб ут-Таҳрирнинг марказий матбуот бўлими
