بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ҳизб ут-Таҳрир-Голландиянинг «Қуддусга ёрдам беринг» номли форуми

2017 йил 17 декабр якшанба куни Ҳизб ут-Таҳрир-Голландия жорий ой бошида Трампнинг Қуддусни яҳудийлар давлати пойтахти, дея эътироф этишига жавоб сифатида «Қуддусга ёрдам беринг» номли форум ўтказди.

Форум биродар Абу Оишанинг ширин Қуръон тиловати билан бошланди.

Биринчи нутқни биродар Абу Ҳишом бошлади. У Қуддус ҳақида сўзлаб, Набий САВ Исро кечасида уни зиёрат қилганларини, Умар розияллоҳу анҳу уни фатҳ қилганини, унинг ҳокими Софрониюсдан калитларини қабул қилиб олганини, сўнг ўзининг машҳур Умарий шартномасини тузганини ва шартномада Қуддусда бирорта ҳам яҳудий яшамаслиги кўрсатилганини баён қилди. Сўнг Қуддуснинг умавийлар халифалиги замонида қандай бўлгани, умавий халифалар унинг таъмирига нақадар аҳамият қаратганлари, аммо аббосийлар халифалигида, уни салибчилардан озод этиш йўлида қирғинбарот урушлар бўлгани, усмонийлар замонида, хусусан, султон Абдулҳамид яҳудийларнинг у ерда яшашга қилган ҳар бир таклифларини рад этиб келгани ҳақида сўз юритди. Кейин Абу Ҳишом, араб ҳукмдорларининг 1948 ва 1967 йилларда Фаластинни яҳудийларга топширишгани, АҚШ ва Британия етакчилигидаги Ғарб давлатларининг бутун Фаластинга, хусусан, Қуддусга қарши фитна тўри тўқишгани ва ҳамон тўқишаётгани тўғрисида сўзлади. Фаластин масаласи араб давлатлари масаласи ҳам, Фаластин масаласи ҳам эмас, балки исломий масала эканини урғулади ҳамда ким истасин-истамасин, эртанги кунда Қуддуси Шариф – Аллоҳнинг изни ила – албатта Пайғамбарлик минҳожи асосидаги рошид Халифалик давлатининг пойтахти бўлиши, чунки уни озод этиш бурчи сон-саноқсиз лашкарлар ва қуролларга эга исломий армия зиммасида экани ҳақида сўзлади.

Иккинчи Ҳизб ут-Таҳрир-Голландия матбуот вакили устоз Окай Пала маъруза қилди. У ўз маърузасида кўп нарсалар ҳақида сўз юритиб, асосан, Фаластин масаласи ҳам, унинг босқинчилик остида қолиши ҳам анча чўзилиб кетганига, устознинг ота-онаси ва бобоси ҳам бу мусибатли даврни яшаб ўтганларига, мана, бугун уларнинг набиралари ҳам туб ечимсиз – муборак Фаластин заминига қарши халқаро ва регионал тил бириктирувлар сабабли – шундай мусибатларга гувоҳ бўлаётганларига тўхталди. Кейин устоз яҳудийлар давлатини тан олиш ҳақида гапириб, ушбу муборак заминнинг бир қаричини ёки Қуддуснинг бир қисмини бўлса ҳам яҳудийларга мансуб, дея тан олиш, гуноҳи азим ҳисобланишини, чунки бу босқинчиликни тан олиш эмас, балки илдизи билан қўпориш зарурлигини таъкидлади. Ҳатто Фаластин аҳли яҳудийлар давлатини тан олган тақдирда ҳам, бу ҳеч қандай қадр-қиймати йўқ ботил тан олиш бўлишини, чунки муборак Фаластин замини Фаластин аҳлининг эмас, Ислом Умматининг мулки эканини билдирди. Сўнг – Трамп қарорига қарши намойиш қила туриб, бир пайтнинг ўзида, Сайкс-Пико байроқларини кўтариб чиқаётганларни танқид қилди ва бу каби байроқлар юртларни мустамлака қилиш учун мустамлакачи кофирлар ишлаб чиққан байёроқлар эканини, мусулмонлар байроғи эса, Росулуллоҳ САВнинг роя-байроқлари ҳисобланишини урғулади.

Сўнг устоз Пала Мьянма, Фаластин, Кашмир каби барча исломий юртлар масаласи мусулмонлар масаласи эканини, агар мусулмонда уларни мудофаа қилувчи, дахлсизлигини қўриқловчи битта давлати бўлганда эди, бу каби масалалар асло юз бермаган бўлишини таъкидлади.

Роя газетасининг 2017 йил 27 декабр чоршанба кунги 162-сонидан