بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Ҳизб ут-Таҳрирдан муборак қурбон ҳайити муносабати билан табрик

Аллоҳу акбар, Аллоҳу акбар, Аллоҳу акбар, ла илаҳа иллаллоҳ,

Аллоҳу акбар, Аллоҳу акбар, ва лиллаҳил ҳамд…

Аллоҳга ҳамд бўлсин, Аллоҳнинг Росулига, ул зотнинг оилалари, саҳобалари ва ул зот билан дўст бўлганларга ҳамда ул зотга эргашиб, йўлидан юрган, Ислом ақидасини ўзининг фикратига асос қилиб олган, шаръий аҳкомларни эса амалларига ўлчов ва ҳукмларига манба қилган зотларга салоту саломлар бўлсин, аммо баъд…

Эй барча жойдаги мусулмонлар…

Биз Ҳизб ут-Таҳрирнинг марказий матбуот бўлими аъзолари Ҳизб ут-Таҳрир амири олим Ато ибн Халил Абу Роштанинг – у кишини Аллоҳ Таоло Ўз ҳифз-ҳимоясида асрасин – муборак қурбон ҳайити муносабати билан бутун Исломий Умматга йўллаган табригини етказаётганимиздан мамнунмиз. Шунингдек, у кишининг табригини эркагу аёллардан иборат барча Ҳизб ут-Таҳрир аъзоларига етказаётганимиздан ҳам мамнунмиз. Зеро, Ҳизб аъзолари зўравонлик даври режимлари билан бўлган олишувларини ҳамда Аллоҳнинг калимасини Муҳаммад CAB башорат берган Халифалик давлатини тиклаш орқали олий қилиш учун олиб бораётган курашларини туну кун давом эттирмоқдалар.

Ушбу ҳайит Уммат жароҳатлари кўпайган бир пайтда кириб келмоқда. Бироқ биз бошдан кечираётган бундай қийинчиликлар ўз ўрнида мустамлакачилик ҳукмронлигидан озод бўлишдаги Умматнинг уйғонишидан бир нишонадир. Дарҳақиқат, 1924 йил кофир Ғарб Халифалик давлатини қулатганидан бошлаб мустамлакачилар Умматнинг устидан ўз ҳукмронликларини ўрнатишган эди. Бугун Уммат уларнинг ҳукмронлигидан озод бўлишга ҳаракат қила бошлади. Уммат бошдан кечираётган бу қийинчиликлар золим-зўравон мустамлакачиликнинг даври тугашига бўлган умидни оширмоқда. Умматга шундай оғир кунлар келган бўлсада биз барчамиз Аллоҳнинг ваъдасига ишонамиз. Аллоҳ Таоло барча динлар устидан ўз динини ғолиб қилишни ҳамда пайғамбарлик минҳожи асосидаги рошид Халифалик тикланиши орқали ўз элчиси Росулуллоҳ CABнинг башоратларини рўёбга чиқаришни ваъда қилган. Шояд, бу кунга оз қолган бўлса. Аллоҳ Таоло бу тўғрида шундай дейди:

وَعَدَ اللَّهُ الَّذِينَ آَمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ

«Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни (ер юзига) халифа қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир»    [Нур 55]

Бу Аллоҳнинг ваъдасидир. Гарчи, миш-миш тарқатувчилар ҳар қанча ваҳима қилса ҳам, алдамчи шиорлар остида Умматнинг кофир Ғарбга қул бўлишини оқлаётган мунофиқлар ҳар қанча мунофиқлик қилишса ҳам Аллоҳ ҳаргиз ваъдасига хилоф қилмайди. Пайғамбаримиз CAB сийратларидан бизга маълумки, Мадина мунофиқларининг баъзилари «Муҳаммад бизга Кисро ва Қайсар хазиналарини ваъда қилган эди, биз бугун ҳожатга ҳам тинч бора олмайдиган бўлиб қолдик», деб айтишган эди.

وَإِذْ يَقُولُ المُنَافِقُونَ وَالَّذِينَ فِي قُلُوبِهِمْ مَرَضٌ مَا وَعَدَنَا اللهُ وَرَسُولُهُ إِلاَّ غُرُورًا

«Ўшанда мунофиқлар ва дилларида мараз бўлган кимсалар: «Аллоҳ ва Унинг пайғамбари бизларга фақат ёлғон ваъда қилган эканлар», дея бошладилар»  [Аҳзоб 12]

Росулуллоҳ CAB Суроқага «Кисронинг билагузугини тақсанг қандай бўлади» деб унга Кисронинг билагузугини ваъда қилган эдилар. Умар PA Кисронинг билагузугини, камарини ва тожини олиб келиб унга кийдириб «Аллоҳу Акбар, Мен одамлар парвардигориман деб айтган Кисро ибн Ҳурмуздан ечиб уни Бану Мудлаждан бўлган бир аъробий Суроқа ибн Молик ибн Жашъамга кийдирган Аллоҳга ҳамд бўлсин», деб айтди.

Бугун, Аллоҳнинг ғалабаси келгунига қадар содиқ мўминлар фақат Аллоҳнинг арқонини маҳкам ушлашлари, фақат унгагина сидқидилдан қуллик қилишлари, Росулуллоҳ CAB ўргатганидек Аллоҳнинг динига ёрдам беришга азм-қарор қилишлари ҳамда Аллоҳнинг фармони (нусрати келгунча) озорларга сабр қилиб сабот билан туришлари лозим.

Шунингдек, мен Ҳизб ут-Таҳрир марказий матбуот бўлими раиси ва матбуот бўлими ходимлари томонидан йўлланган табрикни сизларга ва бутун Исломий Умматга етказар эканман, Мавло Азза ва Жаллага тазарру қилиб, шуни сўрайманки, келгуси ҳайитни Исломий Уммат Уқоб байроғи сояси остидаги ҳаётда бирлашган, ғолиб бўлган, куч-қудратга тўлган ва Аллоҳ изни ила яна етакчи мақомни эгаллаган ҳолатда кутиб олайлик. Албатта Аллоҳ бу ишни эгаси ва бунга қодир Зотдир.

Эй Ҳайй, Қойюм, Ҳаннан, Маннан Аллоҳим, эй самоларни биз кўриб тургандек устунсиз кўтариб қўйган Роббим, бизни кутдириб қўймасдан тезроқ Халифалик давлати билан мукаррам айла. Эй Аллоҳим, рошид халифага байъат беришни бизларга насиб айла. Токи, ушбу халифа халқларни башариятга қуллик қилишдек ифлосликдан озод қилсин, бандаларни бандаларга ибодат қилишдан чиқариб, оламлар Робби Аллоҳга ибодат қилишга олиб чиқсин. Шунингдек, бу халифа инсонларни бу дунё торлигидан дунё ва охират кенглигига, ифлос капитализм ҳазорати зулматидан Исломнинг адолати ва раҳмати нурига чиқарсин.

Аллоҳ тоат-ибодатларингизни қабул қилсин

Вассаламу алайкум ва роҳматуллоҳи ва барокатуҳ

Аллоҳим, Сени барча айбу нуқсондан пок деб, Ўзинга ҳамд айтамиз. Сендан ўзга ҳеч илоҳ йўқ, деб гувоҳлик берамиз, Ўзингдан мағфират сўраймиз ва Сенга тавба қиламиз

Ҳижрий 1437 йил муборак Қурбон ҳайити кечаси

Усмон Баххош

Ҳизб ут-Таҳрирнинг

марказий матбуот бўлими раиси

Манзил: ал-­Мазраа – «Колумбиа Центр» – Блок Б – иккинчи қават

Почта қутиси 14­5010

Телефон: 00961 1 30 75 94

Уяли телефон: 00961 71 72 40 43

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">media@hizb-ut-tahrir.info