بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Эрдоган АҚШдан давлат тўнтаришга уринишга аралашганлиги учун Гуланни топширишни талаб қилмоқда

Туркия президенти Қўшма Штатлардан Фатҳуллоҳ Гуланни топширишни талаб қилди. Гулан ўтган жума Туркиядаги мавжуд режимга қарши амалга оширилиб, муваффақиятсизлик билан якун топган давлат тўнтариш уринишига алоқадорликда айбланмоқда.

Эрдоган ўтган шанба куни Истанбулда кўплаб тарафдорлари олдида қилган нутқида бундай деди: «Қўшма Штатларни Фатҳуллоҳ Гуланни бизга топширишга чақираман, чунки у давлат тўнтаришдаги уринишга аралашган».

У яна «Қадрли қардошларим, муваффақиятга эришганимиз учун Аллоҳга ҳамд айтаман. Улар кўзлаган мақсадларига эриша олмади. Чунки биз тақдир Аллоҳ Субҳанаҳунинг қўлида эканини жуда яхши биламиз», дея қўшимча қилди. Шунингдек, айни тўнтаришга уринишда хавфсизлик кучлари ва оддий қуролсиз фуқаролар ҳалок бўлганидан таассуфда эканини, жароҳатланганларнинг тезроқ тузалиб кетишларидан умидвор эканини билдирди.

Турк президенти қуролли кучлар бундай инқилобчи тўдадан ўзини тозалашга киришишини таъкидлади. «Арабий 21».

Роя газетаси шарҳи:

Эрдоган Америка Қўшма Штатларини Сурия-Туркия чегараси яқинида курд давлатини тиклашга ҳаракат қилаётганликда ҳамда Туркиядаги портлашларни амалга оширган томонларни қўллаб-қувватлаганликда бир неча бор айблади. Шунингдек, Американи Туркиядаги давлат тўнтаришига уриниш ортида турганликда айбланаётган Гулан ва унинг жамоасига бошпана берганликда ҳам айблади. Бундан бошқа ишларда ҳам айблаб келмоқда. Мана шуларга қарамай, Эрдоган АҚШ билан яхши муносабат ўрнатиб, унинг учоқлари, қурол яроқлари ва аскарларига Шом ва бошқа исломий юртлардаги мусулмонларни қирғин қилиши учун Инжирлик базасини очиб берди. Буларга қўшимча, Сурияда иккинчи Ҳама содир бўлишига ҳаргиз йўл қўймаслигини такрор-такрор таъкидлаб келган Эрдоган – бу тўғрида ҳеч нарса демагандек – Американинг Шомдаги сиёсатини ижро этмоқда. Шом аҳли эса биринчи Ҳамадаги қирғиндан бир неча бор даҳшатли қирғинларни бошдан кечирди…

Шу билан бирга, Эрдоган Туркияда ва бошқа ерларда катта халқ базасига эга. Бироқ у Исломни татбиқ қилишда, Шом аҳлини қутқаришда, яҳудийлар давлати билан муносабатларни узишда, ҳатто уни ушбу Исро ва Меърож заминидан илдизи билан қуритиб ташлашда бундан фойдаланмади. Бунинг ўрнига, ўзининг илмонийлиги ва Исломни татбиқ қилмаслигини эълон қилишга шошиляпти ҳамда яҳудийлар давлати билан алоқаларни қайта нормаллаштириб, илгарги ҳолига қайтармоқда. Эрдоган шунингдек, Ислом ва мусулмонлар душмани Россиядан ҳам узр сўраб, у билан илгарги муносабатларини қайта тикламоқда. Миср ва Тунис аҳлидан рошид Халифалик давлати лойиҳасини қабул қилмасликни, балки илмонийликни қабул қилишларини талаб қилди…

Биз Туркиядаги мусулмонларга мурожаат қилиб, бундай деймиз: Ислом ва мусулмонлар душмани бўлган илмонийларга қарши туришингиз вожиб бўлганидек, Туркия ҳукмдорларига, Адолат ва Тараққиёт партияси раҳбарларига ҳам қарши туришингиз вожибдир. Чунки бу кимсалар илмонийликка қаттиқ амал қилишларини, Ислом ва унинг тузумини рад этишларини туну кун эълон қилишмоқда, кофир Ғарб давлатлари лойиҳаларини ижро этишга шошишмоқда. Шу боис уларни тийиб қўйишингиз, тубдан ўзгартиришингиз, Пайғамбарлик минҳожи асосидаги рошид Халифаликни барпо қилишга ҳаракат қилишингиз вожиб бўлади. Зеро, ушбу Халифалик Исломни рад этиш ўрнига, уни татбиқ қилади, яҳудийлар давлати билан алоқаларни нормаллаштириш ўрнига, бундай давлатни илдизи билан қўпориб ташлайди, Туркия билан Америка бошчилигидаги кофир Ғарб давлатлари ўртасидаги мавжуд алоқаларни узиб ташлайди, Шом аҳлига нусрат-ёрдам бериб, уларни қонхўр Башардан, унинг ортидаги Америка ва Россиядан халос этади. Туркиянинг катта аҳоли сонига, географик жойлашув, ҳарбий потенциаллар, маънавий жиҳат ва бошқа имкониятларга, имтиёзларга эга эканлиги эътиборидан, бу юрт биз юқорида айтган вазифаларни адо этишга лойиқ қудратга эгадир. Агар Туркияда Ислом, уни татбиқ қилиш, Уммат манфаатлари ва муаммоларига қайғурувчи ҳукмдорлар топилса, албатта. Аллоҳ Таоло айтади:

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинглар»    [Анфол 24]

Роя газетасининг 2016 йил 20 июл чоршанба кунги 87-сонидан