Аллоҳга қарши журъат қиласизми?!
Аллоҳга қарши журъат қиласизми?!
بسم الله الرحمن الرحيم
Унутмаган бўлсангиз бундан 23 йил бурун ораларингиздан Ҳизб ут-Таҳрирга аъзо йигит-қизларни аввалги яҳудий, кофир президент қамоққа ташлаганди. Уларнинг бир қисми янги раҳбар келгач, яъни 21 йилдан кейин озод қилинди. Яна қанчаси 23 йилдирки ҳануз қамоқларда сақланмоқда. Улар қандай оғир жиноят содир этган эдиларки, умрларининг ярми зиндон захларида кечмоқда. Келинг, сиз халққа бу “жиноятчиларни” таништирайлик.
Буларнинг бор-йўқ “айби” Аллоҳнинг Китоби ва Росулуллоҳ ﷺнинг Суннатлари бўйича яшайлик деганлари эди, холос. Аммо ҳукуматнинг сиёсатчилари, зиёли аталган ёзувчи-ю шоирлари, режиссёр ва барча ижодкорлари аввалги золим раҳбар талаби ёки таъминоти ёки қўрқитув-босимлари остида ўша муслим-муслималарни элга халқ душмани, ватан хоинлари, “экстремист”, “террорист” ва яна турли атамалар билан танитдилар ва ҳануз танитмоқдалар. Балки сиз азиз халқ жуда кеч бўлса-да, энди ўйлаб кўрарсиз деган мақсадда 23 йилдан бери қамоқда қолаётган сиз унутаёзган мўминлар ҳақида сўзламоқчи бўламиз. Ахир, улардан бугун бўлмаса-да, эртага Аллоҳнинг хузурида сўраламиз.
Аввало ўшаларни номларига чорак асрдан бери тош отаётганларни кузатар эканмиз, уларнинг орасида диний билим эгаларини ҳам учратамиз. Улар гоҳо қўрқитилиб, баъзан алданиб бу ишга қўл урдилар. Элимиз олим дея ҳурмат қилган уламоларимизни бу ишга гоҳо қўрқитиб, гоҳо алдаб мажбурлашлари оқибатида халқ ушбу туҳматларга ишониб ҳам улгурди. Қамоқда эса, ходимлар шу ташвиқотлар таъсирида даҳшатли қийноқлар остида не-не мардларингизни ўлдирдилар, ногирон, майиб-мажруҳ қилдилар. Энди бир ўйлаб кўрайлик. Ахир, чорак аср бир инсон ҳаёти учун оз-мунча муддатми?! Улар ҳукумат айтаётганидек адашган бўлса, уларнинг фикрларини ўзгартиришга барча “оқил ва олимлар” 23 йиллаб вақт ўтса-да қодир бўлолмадилар-ку?! Бу давр ичида турли қийноқлар остида биргина “йўлимдан қайтдим” деган сўзни нега айттира олмадилар?! Ахир, қийноқлар инсон боласи бардоши етмас даражада бўлганди-ку?! Қуённи филман дедиришга қодир золим тузум жаллодлари тергов ва зоналарда бунга нега эришолмади?! Бир неча юзлаб Ҳизб йигитларини ўлдирсалар-да “қайтдим” дедира олмаслик сабаби нима ахир?! Нимадан қайт дедилару улар қайтмоқдан ўлимни афзал билдилар. Нега?! Кўз ўнгимизда қайси тузум шундай собит қаҳрамонларни тарбиялашга қодир бўлолди?! Қолаверса, жонига хатар келганида ҳатто муқаддас нарсаларидан ҳам кечувчилар даврида бу азизларни саботлари сизни ҳайратда қолдирувчи эмасми ахир?! Ҳизб ўша мазлумларга нима бериб “заҳарладики” умри ҳануз зиндонда ўтмоқда?! Бунинг жавоби биргинадир. Ҳизб таълимоти мўминларга бу умматда аллақачон йўқолган соғлом эътиқодни зеҳнларига қайтарди. Бу каби молу жондан Аллоҳ йўлида кечишга қодир кишиларни Росулуллоҳ ﷺ тарбиялаган эдилар, то қиёмат тилларда достон саҳобалар дунёга келган эдилар. Ҳизб тарбияси Росулуллоҳ ﷺ тарбиясига эгизак бўлгани учун бугунги биродарларингиз ҳаёти саҳобаи киромлар дуч келган қийноқларга рўбарў бўлганларида, ўшалардек саботни сизга қайта намойиш этди. Шундай экан, улар ҳақида ўйлаб кўрмаслик тубанликдан ўзга нарса эмас. Аммо динимиз душманлари ҳам анойи эмас. Озодликка бирин-кетин чиқаётган азизлар билан кўришган халқимиз уларнинг даъватларидан таъсирланмаслиги учун янги услубга кўчиб ўтишди. Зоналарда турли фитналар остида ҳар қандай жирканч ишларга қўл уриш даражасида тубанлашган кимсаларни бугун қаршингизга чиқара бошлади. Ўша бечора заифлар зоналарда Ҳизб ут-Таҳрир йигитларини зарарига не-не туҳматлар қилишга мажбурландилар. Уларнинг баъзиларидан озодликка чиққач ҳам ҳукумат фойдаланиб келмоқда.
Аслида уларнинг номларини сизга ошкор этиб, раддия билдирмоқчи ҳам бўлдик. Балки тавба қилишларига имкон бериб, бу сафар огоҳ этсак маъқулдек кўринди. У кимсалар юқорида сийқаси чиққан туҳматлари натижа бермагач, ёмғирдан кейин чиққан қўзиқориндек ижтимоий тармоқларда кўрина бошлади. Уларнинг бирига кўра зоналардаги Ҳизбийларни ўз жонларига қасд қилишга гўё Ҳизб раҳбарияти ундаган эмиш. Тўғри, ўта оғир йилларда йигитларимизни зўрлаш, орқаларига резина таёқлар тиқиб қийнашлар, қишларда музлаган бассейнларга ташлаш, кўкрак тугмачаларини тирноқкесарларда қирқиб олиш ва резина таёқларга қаноатланмай арматуралар билан уриш, устиларидан қайноқ сув қуйиб ўлдиришлар ва ахлат қудуқларига ташлаб қопқоқларини ёпиб қийнашларга бардоши етмай, тоқати кўтаролмай ўзини баланд этажлардан ташлаганлар, оловли оҳак печкаларга ўзини отганлар, улкан шестерня орасига бошини тиқиб бош суяклари майдаланиб жон берганлар ҳам бўлди (Аллоҳ ўша азизларимизнинг гуноҳларини кечирсин!!!). Аммо уларнинг бирортаси бунда Ҳизб раҳбарияти шуни буюрди, деб сўз очмаган. Ва шаръий жиҳатдан ҳам ўша амалларига асос келтириб, оқлашга уриниб ҳам кўрмаганлар. Қолаверса, бундай амалларнинг шаръий ҳукми ҳақида қиёдат олимлари қандай жавоб берганлари Ҳизбнинг савол-жавоблар тўпламининг зоналарга хосланган қисмида очиқ ҳаромлиги айтилган эди.
Азиз ўқувчи! Биз сизга Аллоҳдан қўрқмай бу каби туҳмат қиладиганларнинг хилма хил бўҳтонларига эмас, балки эътиборингизни ўшандай даҳшатли ўлимга ўзини уришга мажбур қилган бузуқ тузум золимлари зулмларининг қанчалар даҳшатли бўлганига қаратамиз. Қани айтинг-чи, ўша азизларни ўз жонларига қасд қилишга ундаган, 23 йиллар давомида ақл бовар қилмас қийноқларга солган жиноятчилар жавобгарлигини таҳлил қилмоқ зарурроқми ёки ўз иймонидан кечишдан – Аллоҳ ва Росули йўлидан қайтдим демоқдан қўрқиб, жонига қасд қилганларни муҳокама қилмоқ зарурми? “Биродарларингга туҳмат қиласан ёки орқангга дубинка тиқаман” деганларида ўзини оловга ташлаганни муҳосаба қилиш лозимми ёки туҳматга ундовчи маҳлуқларними? Бу ёғи сизга ҳавола азиз халқ!
Шу ўринда нафақат зонадан чиқиб Ҳизбга тош отувчилар, балки Ғарбдаги ҳожаларининг истак-рағбати кўйида Аллоҳнинг Қуръонига, Росулуллох ﷺнинг саҳобаларига, мазҳаб уламоларига туҳмат қилишга журъатли бўлиб танилган хоразмлик Бобомурод каби шайтон малайларига айтар сўзимиз қисқагинадир: Сизлар борлиқни йўқдан яратган Аллоҳга қарши журъат қиласизми?!
Эй азиз халқ! Ақлингиз соғлом, демак, ҳақ билан ботилни ажратишга қодирсиз. Ҳизб ут-Таҳрир партиясининг барча ғоя, мақсадлари олам аҳлига осмондаги ой каби очиқдир. Унинг умматни тарбиялаётган Исломий сақофати, барча китоблари сайтларда очиқдир. Чорак асрлардан бери зоналарда умри ўтаётган собитларимиз эса, ҳануз тирикдирлар. Кўплари аввалги кофир президент тарафидан зоналарда қатл қилиниб, оилаларига ўз жонига қасд қилди, дея овозалар қилингани ҳам кўз ўнгингизда. Ўша азизлар сиз миллатнинг энг ноёб уйғоқ кишиларидир.
Бас, эй туҳматчи нодонлар! Аллоҳдан ўзингиз ва оилангиз хақида қўрқинг! Аксинча, ўз бўҳтонларингизда давом этишни ихтиёр этсангиз, бу танловингиздир. Аммо бу ишларингиз Аллоҳнинг ҳузуридаги энг даҳшатли азобга сазовор жиноятдир!
Эй Роббим! Биз буларни огоҳ қилдик Ўзинг гувоҳ бўл!
Энди, Сен Буюк Роббимиз бу туҳматчилар ўртасида туришдан бизларга омонлик берки, уларнинг касофати бизларга етмасин! Амин Я Рооббал аъламин!
قَدْ مَكَرَ الَّذِينَ مِن قَبْلِهِمْ فَأَتَى اللَّهُ بُنْيَانَهُم مِّنَ الْقَوَاعِدِ فَخَرَّ عَلَيْهِمُ السَّقْفُ مِن فَوْقِهِمْ وَأَتَاهُمُ الْعَذَابُ مِنْ حَيْثُ لَا يَشْعُرُونَ
– “Улардан аввалги кимсалар ҳам макр-ҳийлалар қилган эдилар. Шунда Аллоҳ улар (қурган макр-ҳийла) биноларини таг-туги билан емириб ташлади, бас, улар (тўқиб олган ёлғон бино-тузумлари)нинг томи ўзларининг устига қулади ва уларга ўзлари сезмаган – кутмаган тарафдан азоб-ҳалокат келди”. (Наҳл:26)
Ҳизб ут-Таҳрирнинг Ўзбекистондаги матбуот бўлими аъзоси Зайниддин
19.12.2022й
