Кофир Путин режимининг мусулмонларни “тўп гўшти” қилишига қачон нуқта қўйилади?
Кофир Путин режимининг мусулмонларни “тўп гўшти” қилишига қачон нуқта қўйилади?
بِسْمِ اللهِ الرَّحْمٰنِ الرَّحِيمِ
Kun.uz нашри 19 сентябр куни ““Она, тинчмисиз?” – Урушга юборилаётган ўзбек мигрантларини ким қутқаради?” сарлавҳали мақола эълон қилди. Мазкур мақолада таҳририятга мурожаат қилган оналар фарзандлари Россияда қандай қилиб тузоққа тушиб қолгани, уларни урушга юбориш учун Россия қамоқхоналаридаги азоблари ҳақида сўзлаб бергани ҳақида гап боради. Маълумотларга кўра, айни пайтда Россия Федерациясининг турли нуқталаридаги қамоқхоналарда минглаб ўзбекистонлик ёшлар жазо муддатини ўтамоқда. Озодликдан маҳрум этилган ёшларнинг аксарияти 18-35 ёшда. Қамоқхонадаги ўзбек муҳожирлари маҳкумларнинг Россия томонида туриб Украинадаги жангларга олиб кетишаётгани ҳақида ота-оналарига телефон қилиб айтишган. Синовли кунларни бошидан кечираётган ота-оналар фарзандларининг қамоқхоналарда минг азобда жазо ўтаётгани, улар қийин шароитда ушлаб турилаётгани ҳақида сўзлаб беришган. Қуйида онаизорларнинг баъзи сўзларини келтирамиз:
“Бир неча минг ота-оналар шу кунларда синовли кунларни бошдан кечиряпмиз. Фарзандларимизни мусофир юртда туҳмат билан қамоқхонага тиқишди. Улар ёрдамга муҳтож. Ўзбекистон фуқаролари, бўз йигитлар 18 ёшдан 35 ёшгача бўлган навқирон, элимизга, юртимизга манфаати тегадиган, ёрдами тегадиган ёшлар ҳозир асирликда, қамоқда, тутқунликда, чорасизликда ўтиришибди. Ташқи ишлар вазирлиги, Бош прокуратурага боряпмиз. Лекин натижа йўқ… Қамоқхонада кучли психологик босим таъсирида кўп йигитлар ўз жонини қурбон қиляпти… Менинг ўғлим урушда эмас. Лекин у қамоқхонада. Кафолат бермайман ўғлим урушга бормайди деб. Чунки жуда кўп йигитлар кетиб қоляпти. Кўплари дом-дараксиз йўқолиб кетяпти. Кимларнингдир ўлигини олиб келишяпти тобутга солиб. Фарзанди қамалиб қолган 7000 ота-онани биламан. WhatsApp, Telegram гуруҳларда ҳаммамиз бирлашиб муҳокама қиламиз, ёрдам излаймиз. Бир-биримизга далда бўламиз. Бизнинг боқувчиларимиз шу ёқда. Кўпчилик ёлғиз оналар”.
“Машинада икки ака-ука (Россияда) курьерлик қила бошлашган. “Бир нарсани бир жойдан олиб бориб берасан”, деб уларга локациясини ташлаганда, боришганида ИИБ ходимлари ушлашган. Улар етказган буюмлар ичида наркотик моддаси бўлган экан. Шундай қилиб ўзлари ҳам билмаган ҳолатда туҳмат билан қамоққа тушиб қолишди. 15 кунда икки дақиқа овозларини эшитаман. Ўшанда ҳам, “Она, тинчмисиз? Мабодо озгина пул чиқара оласизми, картошка, пиёз олиб, овқат қилиб есак, ичларимиз шилиниб кетяпти”, дейди. Бу ерда мажбурликдан кўпчилик урушга кетиб қоляпти, она”, дейди”.
“Жабрдийда оналар бир-биримизга далда бўлиб, телеграмда гуруҳ очиб олганмиз. Кунора “Фарзандим урушга кетиб қолди”, деб додлаб ёзишади. “Фарзандимнинг урушдан ўлиги келди”, деб яна бири додлайди”.
“Қамалиб қолган йигитларнинг ҳеч кимга кераги бўлмаса. Қамоқда руҳий босим бўлганидан кейин жонидан тўйяпти, мажбур бўляпти урушга кетишга. “Бу кунимдан кўра бориб битта ўқ еб ўлганим яхши”, деб мажбурликдан кетишяпти”.
Минг афсуски, ҳолат мана шундай аянчли тус оляпти. Кофир ўрис ҳукмронлиги остида минтақамиз, хусусан, Ўзбекистон мусулмонлари бир неча бор бегона урушларда қурбон қилинганди. Иккинчи жаҳон урушида юз минглаган мусулмонлар ўқларга ем қилинган бўлса, коммунистик режимнинг Афғонистонга босқинида ҳам ўн минглаган ўзбекистонлик мусулмонлар аскарликка ёнланган. Энг ёмони, бу урушда мусулмонлар бир-бирини қонини тўккан эди. Мана, энди тарих яна такрорланиб, Ўзбекистон “мустақил” бўлса ҳам барибир Россия-Украина урушида мусулмонлар қурбон бўлишларига чек қўйилмаяпти. Ҳолбуки, худди аввалгилари каби бу урушнинг ҳам мусулмонларга ҳеч қандай алоқаси йўқ.
Ўзбекистон ҳукумати худди туяқушдек бошини қумга тиқиб олганча ўзини кўр ва карга солиб олган. Ҳатто Украина томонидан урушда ҳалок бўлган ўзбекистонликлар рўйхати эълон қилинганда ҳам у пинагини бузмади. Ягона айтган гапи рўйхатни текшириб чиқиб, урушга борганларни жазолаймиз, дейиш бўлди холос. Бўлди, бошқа ҳеч гап йўқ. Ана холос! Анави ҳаддидан ошиб кетган ўрисни ким тийиб қўяди?! Ахир, ўзбек ҳукумати ўз фуқароларини ҳимоя қилиши керак эмасмиди?! Бу ердаги асосий масала шу эди-ку ахир! Фарзанд доғидаги онаизорларнинг қоқмаган эшиги қолмаганлиги, бирор расмий идора уларнинг дарду-аламига қулоқ солмаганлигидан шуни тушуниш мумкинки, Россиянинг ҳар турли ифлос услублар билан юртимиз мусулмонларини аскарликка ёллашдек жирканч жиноятига ўзбек режими ҳам шерикдир. Яна бу режимнинг “инсон қадри” дея сафсата сотишига бало борми?! Ахир, унинг ўзи инсон қадрини ер билан битта қилиб ташламадими?!
Бу кофир шовинист Путин режимининг Ислом ва мусулмонларга нафрати очиқ-ойдин кўриниб турибди. Шунинг учун ҳам Украинага қарши урушда мусулмонларни қурбон қилишдан ҳеч уялмайди, балки роҳат олади. Ўзбек ҳукумати эса, ўрисга қуллик касалидан ҳалигача қутула олмагани учун меҳнат муҳожирларига пули ҳалолу, ўзи “ҳаром” қабилида қараб келяпти. Шунинг учун ҳам уларни бутунлай ўз ҳолига ташлаб қўйган. Пул топиб уйига жўнатса хўп-хўп, бирор муаммога дуч келса, ўзинг учун ўл етим – муносабат мана шундай!
Шунинг учун бугун биз мусулмонлар учун ҳақиқий маънодаги ғамхўримиз ва ҳимоячимиз – Халифалик давлатини тиклаш ҳаёт-мамот масаласи бўлиб турибди. Ушбу муборак давлатимизни тикламас эканмиз, жонимиз, молимиз ва обрўйимиз хавф остида қолаверади. Хусусан, мусулмонларнинг қони бегона урушларда беҳуда тўкилишига чек қўйилмайди. Росулуллоҳ ﷺ айтдилар: “Имом (Халифа) қалқондир, унинг ортида туриб жанг қилинади ва у билан ҳимояланилади”.
Форуқ
24.09.2025й
