ЭЙ МУСУЛМОН ҚЎШИН: СИЗ УММАТ ҚЎРҒОНИ ЭМАСМИДИНГИЗ?!

Мусулмон ўлкаларининг аскар ва зобитлари! Сиз аслида ўз юртингизнинг мустаҳкам қўрғони, халқнинг суянган тоғи эмасмидингиз?! Хўш, бугунги «рувайбиза» кимсаларнинг юртни жарликка итараётган қилмишларига қачонгача томошабин бўлиб турасиз? Асл бурчингиз юрту халқни асраш эмасмиди ёки ҳукмдорларга кўр-кўрона эргашиш иймонингизни еб битирдими? Унутманг, Яратганга осий бўлинадиган ўринда бандага итоат қилинмайди! Бугун сиз бош эгаётган кимсалар қиёматнинг оғир соатида сиздан воз кечадилар, аммо сиз Аллоҳнинг ҳузуридаги улуғ Маҳшаргоҳда жавобгарликдан қочиб қутулолмайсиз. Сиз айни дамда юрт жиловини тутиб турганларнинг жиноятларига шерик бўлиб турибсиз, ваҳоланки, бу адолатсизлик қасрини вайрон қилишга куч-қудратингиз етарли. Фурсат бор экан, пушаймонлик фойда бермайдиган кун келмасдан аввал уйғонинг ва ҳаракатга тушинг!

Эй мусулмонлар! Гарданингизни эгиб турган хорлик занжирини парчалайдиган фурсат аллақачон етди! Сизни бу куйга солган асосий сабабчи — мустамлакачи хўжайинларига қуллуқ қилишни одат қилган сотқин раҳбарларингиздир. Бугун ана шу чириган тизимни илдизи билан қўпориб ташлаш вақти келди. Улар ўзлари тўқиб олган қонунлари билан нафақат куфрни ҳимоя қилмоқдалар, балки муқаддас заминимизни бегона армияларнинг полигонига айлантириб қўйдилар. Бу босқинчилар сизга ҳеч қачон яхшилик раво кўрмайди, аксинча, бор-будингизни талон-торож қилишни кўзлайди. Энг ачинарлиси, улар сиз ва Аллоҳнинг шариати ўртасига ғов бўлган; сизни Расулуллоҳ ﷺ ва рошид халифалар изидан бориб, Ислом рисолатини дунёга ёйишдек улуғ бахтдан тўсиб турибдилар.

Эй мусулмонлар! Сўнгги йиллардаги шиддатли воқеалар бир ҳақиқатни яққол исботлади: сиз аслида ҳар қандай душманга бас келишга қодирсиз! Агар ичингиздаги ҳукмдорларнинг хиёнати ва тил бириктириши бўлмаганида, ёт кучлар юртингизда бир қадам ҳам боса олмас эди. Унутманг, сиз Аллоҳга бўлган иймонингиз, маъруфга буюриб, мункардан қайтаришингиз билан инсоният учун чиқарилган энг хайрли Умматсиз! Шундай экан, ўз аҳлини ҳеч қачон алдамайдиган содиқ йўлбошчи — Ҳизб ут-Таҳрир чорлаётган ҳақиқий уйғониш сари шошилинг! Мустамлакачиларни диёримиздан итдай қувиш, ундан ҳам муносиброғи, бу муқаддас заминни уларга мозор қилиш учун, Пайғамбарлик манҳажи асосидаги иккинчи Рошид Халифаликни барпо этиш йўлида бирлашинг!

Роя газетасининг 2026 йил 27 май, чоршанба кунги 601-сонидан