Коинот қонунларидан ошиб ўтган дуолар

بِسْمِ اللَّـهِ الرَّحْمَـٰنِ الرَّحِيمِ

     Аллоҳ Таоло бизни ибрат олишимиз ва Аллоҳнинг куч-қудратига амин бўлишимиз учун эътиборимизни олтита ҳолатга қаратади.

Биринчи мисол: 

Аллоҳ Таоло Имроннинг аёлини “қорнимдаги болани ҳамма нарсадан озод қилган ҳолда холис Ўзингга назр қилдим, мендан қабул айла” деб қилган дуосини қабул қилди. Аллоҳ Субҳанаҳу ва Таоло унинг илтижосига жавоб берди, ҳар сафар Коинотнинг маълум тартиби, қонунларига зид равишда унинг қизи – Марямга Ўз даргоҳидан ризқ юборди ва  бу Коинотнинг тартиб қонунларга зид равишда ундан отасиз Исо алайҳиссаломни яратди. Албатта, буларнинг барчасига сабаб Имроннинг аёлини Роббисига қилган дуоси бўлди ва то Қиёматгача келажак авлодлар учун ибрат бўлиб бўлиб Исо алайҳиссалом ҳақидаги тарихга кирди.

Иккинчи мисол:

Закариё алайҳиссаломнинг Аллоҳ Азза ва Жаллага қилган дуоси. Аллоҳ Таоло унинг дуосини қабул қилди ва Коинотнинг ўзига хос  қонунларини бузди. Қартайиб қолган кишилардан фарзанд бўлмаслиги ҳам умум одамлар учун табиий қоида, аммо Аллоҳ хоҳласа, Закариё алайҳиссаломга бергандек, кекса жуфтларга ҳам фарзанд ато қилаверади. Шу тариқа Закариёнинг аёли кексайиб фарзанд кўролмайдиган ёшида кексалиги туфайли бепушт бўлган Закариёдан ҳомиладор бўлган.

 Аллоҳ Субҳанаҳу ва Таоло Ўз Китобида шундай марҳамат қилади:

فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ

“Бас, Биз унинг (дуосини) ижобат этдик ва унга Яҳёни ҳадя қилдик ҳамда жуфтини ўнглаб қўйдик. Албатта, улар яхшиликка шошилишар эди ва Бизга рағбат ила ва қўрқиб дуо қилишар эди. Улар Бизга таъзим ила бўйинсунувчи эдилар”.   (Анбиё: 90)

Учинчи мисол:

Нуҳ алайҳиссаломнинг Аллоҳ Азза ва Жаллага қилган дуоси. У Аллоҳ Таолога кофирларнинг бирортасини ер юзида қолдирма деб дуо қилади. Аллоҳ Азза ва Жалла бу дуога жавоб берди, Коинот қонунларини бузди ва бутун ер юзини чўктирди. Ушбу қоидаларни жорий этган Аллоҳ учун айрим ҳолларни истисно этиш ҳам ҳеч гап эмас.  Бу Аллоҳнинг қудратига, холиқлигига ва тадбиркорлигига белгилардир. Аллоҳ Таоло шундай дейди:

وَنُوحًا إِذْ نَادَىٰ مِنْ قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ

Ва Нуҳни (эсла). Бундан олдин у нидо этганида, Биз унинг нидосига жавоб қилдик ва унга ва унинг аҳлига улуғ ғамдан нажот бердик”. (Анбиё: 76)

Тўртинчи мисол:

Юнус алайҳиссаломнинг Аллоҳ Азза ва Жаллага қилган дуоси. Аллоҳ унинг илтижосини қабул қилди, Коинот қонунларини бузди ва Юнусни ютиб юборган балиқни унинг танасига зарар етказишига йўл қўймади.

Аллоҳ Таоло шундай дейди:

فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنْجِي الْمُؤْمِنِينَ

Бас, Биз унинг (дуосини) ижобат қилдик. Унга ғамдан нажот бердик. Мўъминларга шундай нажот берурмиз”.                      (Анбиё: 88)

Бешинчи мисол: Аллоҳ Субҳанаҳу томонидан қабул қилинган ва Коинот қонунларига зид бўлган Айюбнинг (а.с.) дуоси. Аламли бир хасталикдан Айюбни даволаб, уни ва хотинини ёшлигига қайтарди ва уларга кўп фарзандлар берди. Аллоҳ Таоло шундай дейди:

فَاسْتَجَبْنَا لَهُ فَكَشَفْنَا مَا بِهِ مِنْ ضُرٍّ ۖ وَآتَيْنَاهُ أَهْلَهُ وَمِثْلَهُمْ مَعَهُمْ رَحْمَةً مِنْ عِنْدِنَا وَذِكْرَىٰ لِلْعَابِدِينَ

“Бас, Биз унинг (дуосини) истижобат қилдик. Унга етган зарарни кетказдик. Унга аҳлини, улар билан бирга яна шунчани ҳам бердик. Буни Ўз раҳматимиз ила ва обидларга эслатма бўлсин деб қилдик”. (Анбиё: 84)

Олтинчи мисол:

Иброҳим алайҳиссаломнинг Аллоҳ Таолога яхши зурриёт ато этишини сўраб қилган дуоси. Аллоҳ Таоло унинг илтижосини қабул қилиб, кексайган чоғида унга Исмоил ва Исҳоқни ато этди. Аллоҳ Таоло шундай дейди:

الْحَمْدُ لِلَّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ ۚ إِنَّ رَبِّي لَسَمِيعُ الدُّعَاءِ

“Кексалик пайтимда менга Исмоил ва Исҳоқни ато этган Аллоҳга ҳамд бўлсин. Албатта, Роббим дуони эшитгувчидир”.    (Иброҳим: 39)

Эй иймон келтирганлар! Аллоҳдан қўрқинг ва Аллоҳнинг барча нарсадан Қудратли эканига амин бўлинг ва Унга қилинган илтижолар беҳуда эмас! Билингки, Аллоҳ дуоларни ижобат қилиб, баъзан коинотнинг қонунларини уларга жавоб қилиб кўндаланг қўяди, лекин бунинг учун сиздан дуонинг самимийлигини, дилдан сўрашни, иймоннинг кучини, дуони қабул бўлишига бўлган ишончни ва тўғри таваккулни кўриши керак. Билингки, Аллоҳ Расулларига ва мўминларга ёрдам беради:

إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

“Албатта, Биз Пайғамбарларимизга ва иймон келтирганларга бу дунё ҳаётида ва гувоҳлар турган Кунда ҳам нусрат берурмиз”.  (Ғофир: 51)

Мазлум ва солиҳларнинг илтижолари беҳуда кетмайди ва қабул бўлади. Роббимиз барча нарсани билгувчи ва Ҳикматли Зотдир! Унинг ваъдаси ҳақ! У, албатта Ўз динини ғолиб қилади ва солиҳ қулларини ер юзида Халифа қилади! Аллоҳдан келадиган нусрат айнан сизларга берилишини, Аллоҳнинг динини эса бировларнинг қўли билан эмас, сизларнинг қўлингиз билан юксалишига ҳаракат қилинг!

     Ҳамда, мўъжизалар вақти тугади ва бу мўъжизаларни Роббимиз Пайғамбарларнинг муҳри, охирги Пайғамбар – Муҳаммад ﷺнинг рисолати етказилганидан сўнг тугатган деб ўйлайдиганлар бундай демасинлар. Биз уларга жавобан айтамиз: Роббимиз –  барча мўъжизаларнинг Ҳукмдори – У мавжуд, агар У бирор нарса қилишни истаса, У аввал бу мўъжизаларнинг сабабларини яратади:

إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ

“Қачон бирон нарсани ирода қилса, Унинг иши “Бўл” демоқликдир, холос. Бас, у нарса бўлур”.                                                (Ёсин: 82)

Биз кўп жойларда кўп сонли инсонларга қарши Аллоҳ Таоло оз сонли қулларига қандай ёрдам кўрсатганига гувоҳ бўлдик; солиҳ бандаларига қандай нажот берганини кўзларимиз билан кўрдик; ҳеч қандай ҳисобсиз ва хоҳлаган жойида кўп ризқ беришини гувоҳи бўлдик. Биз Унга қаттиқ ишонганларга Аллоҳ кифоя қилишини билиб олдик; Аллоҳ Таъолонинг қудрати мағлубиятни ғалабага, ғалабани эса мағлубиятга айлантиришини кўрдик; тарихда бунга мисоллар жуда кўп. Бас, эй мусулмонлар, Аллоҳ сизларга омонат қилиб топширган ишда ўзларингиз учун дуо, илтижо қилишда бахиллик қилманг!

Махсус Ҳизб ут-Taҳрир Марказий ахборот идораси радиоси учун

Aҳмад Али — Иордания