“Инсоннинг ноқис конституциясига – ЙЎҚ! Қуръон ва Суннат асосидаги дастурга – ҲА!” номли кампания доирасида

Конституцияни амалдагисининг ҳам, янгисининг ҳам Ислом ва мусулмонларга ҳеч қандай алоқаси йўқ

(2-қисм)

بسم الله الرحمن الرحيم

2. Нега ҳукумат халқни референдумга қатнашишга бутун мамлакат бўйлаб зўр бериб тарғиб қиляпти?

Шу йилнинг 30 апрелига белгиланган референдум аслида 2022 йилдаёқ ўтказилиши режа қилинган эди. Бироқ Қорақалпоғистондаги воқеалар ва қиш мавсумида энергетик инқирознинг чуқурлашиб кетиши бу режанинг ўз вақтида амалга ошишига катта тўсиқ бўлди. Шунинг учун ҳам ҳукумат референдумни жуда қисқа муддатда ўтказишга ҳаракат қилиб, шу йилнинг март ойи ўрталарида бир ярим ойдан кейин, яъни 30 апрелда ўтказишга қарор қилди. Бу референдум ўтказишдек улкан сиёсий жараён учун жуда қисқа муддат ҳисобланади. Афтидан Мирзиёев ўзи учун ҳаёт-мамот масаласи бўлган ишни тезроқ бир ёқлик қилишга жуда шошган кўринади.

Референдум санаси белгилангандан сўнг ҳукумат мамлакат бўйлаб “Конституция сеники, меники, бизники! Конституция ўзимизники!” шиори остида кучли тарғибот кампаниясини бошлаб юборди. Шу вақтгача бу кампания кириб бормаган давлат ташкилотлари, жумладан олий таълим даргоҳлари, ҳарбий ўқув юртлари, шунингдек катта-ю кичик хусусий корхоналар деярли қолмади. Ушбу тарғибот тадбирларида юртимиздаги барча қатлам вакиллари, оддий фуқаролардан тортиб вазирларгача нутқ сўзлашди. Жумладан машҳур санъаткорлар, актёрлар, қўшиқчилар, ҳокимлар, жамоат арбоблари, давлат ташкилотлари ходимлари, тадбиркорлар, спортчилар, вазирлар ва бошқалар. Минг афсуски, референдумда қатнашишга тарғиб қилиб баъзи “дин уламолари” ҳам чиқишлар қиляпти. Улар мусулмон халқимизга тўғри йўлни кўрсатиш ўрнига, ҳаром ва куфрга олиб борадиган йўлни тўғри, деб уқтиришяпти. Эътиборли жиҳати шундаки, ушбу тадбирларда одамларни иштирок этишга эски услубдаги маъмурий буйруқбозлик билан жалб қилинган. Бундан ташқари, машҳур шахсларни кўриш истаги ҳам одамларни бу тадбирларда иштирок этишга кучли туртки бўлганлиги кўриниб турибди. Ваҳоланки, аксари мусулмон бўлган халқимизнинг сиёсий онгида – сўнгги вақтларда маълум даражада ўсиш кузатилаётган бўлса-да – ҳали ҳам заифлик бор. Аниқроғи, чорак асрлик яҳудий Каримов режими бошқаруви одамларни шу аҳволга олиб келиб қўйди. Халқимизнинг аксар қисми ҳатто конституция нима эканлигини ҳам билмайди. Шундай экан, у референдум ва унинг ортида турган сиёсий найрангларни қаёқдан ҳам тушунсин?! Бугун қўлига байроқ билан плакат ушлатиб қўйилиб, бир-иккита машҳурларни яқиндан кўриб хурсанд бўлган бўлса, эртага мана шу бир лаҳзалик хурсандчилиги унга жуда қимматга тушишини қаёқдан ҳам билсин?!

Энди бундай кампания ўтказишдан мақсадга келсак, ҳукумат референдумга халқ эътиборини жалб қилиб, уни халқчил қилиб кўрсатишга ва бу орқали референдумга оид ишлар барча демократик қонун-қоидаларга қатъий амал қилинган ҳолда ўтказилаётганини бутун оламга намойиш қилишга уриняпти. Зеро, ушбу референдумнинг ҳақиқий ҳисобланиши учун сайловчиларнинг 50 фоизи иштирок этиши керак. Ва уларнинг ярмидан кўпи янги конституцияни ёқлаб овоз берса у қабул қилинади. Шунинг учун ҳукумат халқни референдумга зўр бериб қизиқтиряпти. Бундай сохта шиорларга тўлиб-тошган арзонгаров спектакл ҳар қандай ақли расо инсонни энсасини қотиради. Чунки Мирзиёев бошлиқ ҳукмрон сиёсий элита аксари мусулмон бўлган 36 миллиондан зиёд одамлар тақдири билан ўйнашяпти. Бутун бошли мамлакатни хавфли ва қоронғу келажак сари етаклаб, ўз амбицияларини ҳамма нарсадан устун қўймоқда. Ўз тахтини асраб қолиш учун бу андишали, оқкўнгил, ўз динига муҳаббатли халққа очиқдан очиқ хиёнат қилиб, уни анави Америка ва Россия каби мустамлакачи кофирларга қул қилиб беришга ҳам тайёр турибди! Бу йўлда демократиядек заҳри қотил тузумни ўз халқига тиқиштиришдан тап тортмаяпти! Шундай экан, устимиздаги хоин ва малай сиёсий элитанинг оламшумул спектаклида иштирок этишдан ҳар бир иймон эгаси бош тортиши лозим! 

Давоми бор…

#Инсоннинг_ноқис_дастурига_ЙЎҚ_Қуръон_ва_Суннат_асосидаги_дастурга_ҲА

Ҳизб ут-Таҳрирнинг Ўзбекистондаги матбуот бўлими аъзоси Форуқ

23.04.2023й

+1

0