Куфр макрини англайлик
Куфр макрини англайлик
بِسْمِ اللهِ الرَّحْمٰنِ الرَّحِيم
Одамлар ўз турмуш ташвишлари билан банд. Кимдир ишга шошади, кимдир бозорга, яна кимдир бошқа юмушларига ва ҳоказо. Бу ҳаётимизнинг биз кўникиб қолган умумий кўриниши. Аммо ҳаёт тарзимизга эътибор бериб, диққат билан қарасак, аксарият одамларнинг атрофдаги воқеа-ҳодисаларга умуман эътибор бермайдиган бўлиб қолганини кўрамиз. Гўёки одамлар ўз қобиғига ўралгану, атрофидаги нарсалар улар учун аҳамиятсиз ва ўзлари режалаган мақсадидан бошқа нарса қизиқтирмайдигандек. Улар худдики яхлит бир вужуднинг ичида ўзаро боғланмаган ва бир-бирига бегона жисмларга ўхшаб қолди.
Бу сўзларимиз айрим ҳаётга юзаки қарашга ўрганиб қолган инсонлар учун тушунарсиз ва хаёлий нарсага ўхшаб кўриниши мумкин. Аммо бу айни ҳақиқат. Чунки бу ҳолат табиий юзага келмади, балки кофир ғарбнинг ҳар бир ҳолатлари пухта ўйланган ва аниқ режалаштирилган дастурини босқичма-босқич ҳаётимизга татбиқ қилиши орқали шаклланди. Бу режа биринчи навбатда ҳаёт ҳақидаги тушунчаларимизни асосидан ўзгартиришга қаратилди, яъни биздан ҳаёт ҳақидаги тўғри тушунчалар берувчи ақидамиз йироқлаштирилди. Ўрнига динни ҳаётдан ажратишга асосланган ботил ақидасини ҳаётимизга татбиқ қилиб, уни онгимизга сингиб, зеҳнларимизда мустаҳкам ўрнашишини диққат билан назорат қилиб турибди.
Капитализм ақидаси фақатгина моддий манфаатга эътиборини қаратгани учун ҳаётда инсоний, руҳий ва ахлоқий қийматларга ўрин қолдирмаган. Шу сабабли капиталистик жамиятда яшаётган инсонлар фақатгина ўз манфаатлари учун қайғуради, бошқа инсонлар билан ҳам алоқаси мана шу манфаати доирасида бўлади. Бизни ҳам худди шундай инсонларга айлантиришга уринмоқда. Ва бу йўлда маълум муваффақиятларга эришди. Бу ақидадан таъсирланиш ортидан ўзимиз сезмаган ҳолда дунёқарашимиз шу даражада ўзгардики, энди биз турмуш тарзимизни шакллантиришда ҳаётий муаммоларимизга капитализм ақидасидан ечим олиб, шу ечимлар асосида яшай бошладик. Оқибатда, ҳам моддий, ҳам фикрий жиҳатдан қашшоқлашиб, ўзаро алоқаларини фақат фойда ва зарар асосида шакллантирадиган худбин ва очкўз кимсаларга айлана бошладик. Бу эса, бизни хорлик ва тубанлик гирдобига улоқтирди.
Бугунги кунда ҳаётимизга ўрнашиб қолган порахўрлик, судхўрлик, бузуқлик, лоқайдлик ва бошқа шу каби иллатларни асл келиб чиқиш сабаби шунда. Бу ботил ақида ҳаётимизга қанчалик чуқур кириб борса, шу даражада тубанлашиб, хорликка кўнаверамиз. Бу ҳолатни англаш ва воқесини тушуниш ҳаётга фақат Ислом ақидасидан туриб баҳо бериш билан бўлади. Қачонки биз ўз ақидамизни тушуниб, унинг ечимларини ҳаётимизга татбиқ қилишни бошласаккина капитализм ақидасининг ботиллигини тиниқ англаб етамиз ва бу ботил ақидани ҳаётимизга киритиш учун қандай макру-ҳийлалар ишга солинганини аниқ билиб оламиз. Ва унинг макру ҳийлаларига қарши тура оламиз. Биз учун нажот Исломда, бундан бошқа йўлимиз йўқ.
Ҳизб ут-Таҳрирнинг Ўзбекистондаги медиа офиси. Салоҳиддин
25.09.2019й
