بسم الله الرحمن الرحيم

Ливандаги ҳукумат Мадая аҳлини қамал қилганларни фош қилишдан жавобгар бўла туриб уларни оч қолдиришга шерик бўлди

Шарқий Ливан тоғ тизмасининг шарқий томонида жойлашган Мадая шаҳридаги инсоний вазият фожиали аҳволга келиб қолди. Қўшма Штатлар Мийқотий ҳукуматини истеъфога чиқаришга қарор қилганидан кейин Эрондаги дўстларига Ливандаги Эрон Ҳизбини Сурияга киритиш тўғрисида кўрсатма берди. Эрон Ҳизбини Сурияга киритишдан мақсад Башар режимининг қулашига йўл қўймаслик, Дамашқ – Ҳимс – соҳил чизиғи бўйлаб тоифачилик асосидаги «тозалаш» амалиётини ўтказиш ҳамда Башар режими қулаган тақдирда озчиликлар вужудини сақлаб қолишни кафолатлашдир. Шу мақсадда Қусайр, Ябруд, Забадоний ва бошқа ерлардан аҳолини кўчиб кетишга мажбур қилинди. Америка БМТ вакили де Мистура орқали тоифачилик асосидаги бу «тозалаш» режасини қўллаб-қувватлади. Мадая каби минтақалар ҳали ўз аҳлидан бўшатилмай қолиб кетаётгани учун режим ва у билан бирга Эрон Ҳизби бу шаҳарни қамал қилиб унинг аҳлига қарши оч қолдириш сиёсатини амалга оширди. Бунда шаҳар ичида қуролли жангарилар бор деган баҳонани рўкач қилди. Ҳолбуки, асл мақсад шаҳарни унинг аҳлидан бўшатиш эди.

Юз берган бу фожеада Ливан ҳукуматининг барча қатлами айбдордир. Чунки Америка Ливанни, унинг барча муассасаларини Эрон Ҳизбининг ортки базасига айлантирди. Бу Ҳизб Ливан ичкарисида ўзига ҳақиқий қаршилик йўқлигига амин бўлиб хотиржам бўлган ҳолда шу базадан туриб Сурияга босқин қиладиган бўлди. Ливан ҳукуматининг Эрон Ҳизбининг Суриядаги жиноятлари гўё ўзини асло қизиқтирмайдигандек иш тутиши туфайли бу ҳизб ўзига шундай тинч бошпана топди. Саъд Ҳаририй Саудия ҳокимларининг зимдан уқтириши билан Эрон Ҳизбига қучоқ очди. Ички ишлар вазири Ниҳод Машнуқ бошлаган хавфсизлик режаси ҳам бу ҳизбнинг ўзига шундай бошпана топишига йўл очди. Ана шу хавфсизлик режаси Суриядаги қўзғолонга ёрдам бераётган минтақаларга татбиқ этилди. Бу режа оқибатида минглаб мусулмонлар қамоққа ташланиб қийноққа солинди. Америка ва унинг Эрон ва Ливандаги дўстлари режасига хизмат қилиш учун шундай қилинди!

Ҳа, шундай, биз Ливан ҳукуматининг ҳозирги тузилмаси аҳолини кўчиб кетишга мажбур қилиш, тоифачилик асосидаги «тозалаш» ва репрессия амалиётида Эронга, унинг Ҳизбига, Башар режимига ва Россияга шерикдир, деб баралла айтамиз. Бу малайларнинг ҳаммасини битта «созловчи»: ёвузлик империяси Америка ҳаракатга келтиряпти.

Ливан сиёсатчиларига қуйидагиларни айтамиз:

Америка ҳукми қайтарилмайдиган худо эмас. Яхши оқибат тақволи кишилар учундир. Кимки ҳақдан юз ўгириб кибру ҳавога тўлса унинг дунёдаги иқоби-азобланиши каттадир, охиратдаги ҳисоби эса оғирдир.

Эрон Ҳизби ҳақида айтадиган бўлсак, у бутун Ислом қийматларига қарши бош кўтаришда энг сўнгги нуқтага етиб келди. Бу Ҳизб Исломий Умматни боғлаб турган риштанинг ҳеч бирини қолдирмай ҳаммасини узиб ташлади. Бу Ҳизб ёвузликнинг Исломий Уммат уйғонишига қарши иттифоқдаги барча халқаро ва регионал кучларини ўзига дўст тутиб Аллоҳга, Росулига, имом Али ва Ҳусайнга, бутун оли (аҳли) байтга, бутун Ислом Умматига хиёнат қилди. Аллоҳ Таоло деди:

وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا

«Мўмин ва мўминаларга бирон гуноҳ қилмасликларидан озор берадиган кимсалар ҳам бўҳтон ва очиқ гуноҳни ўз устларига олибдилар»  [Аҳзоб 58]

Эй мусулмонлар, Шом қўзғолонининг Ливандаги эй ансорлари

Биз сизларнинг қамалдаги мустазъафин биродарларингизга ёрдам бериш учун ва Роббингиз Азза ва Жалла ризолигини истаб молу жон билан кўп марта, қайта-қайта фидокорлик кўрсатганингизни кўрдик. Сизларга дунёю охиратда ажр бўлишини Аллоҳдан сўраб қоламиз. Сизларни тубан, пасткаш иттифоқнинг Мадаяни қамал қилишдан мақсади унинг аҳлини чиқариб юбориш эканидан огоҳлантирамиз. Буни тубан иттифоқ ўзи икки йилдан ошиқроқ вақтдан буён эргашиб келаётган сиёсат бўйича амалга оширмоқчи. Ёвузларнинг ёлланма югурдаклари шу мақсадда шаҳарни ҳар томондан ўраб олди. Шунинг учун шаҳарга ёрдам фақат улар орқали киради. Қолаверса, сизлар берган ёрдамларнинг энг кўп қисми шу югурдаклар чўнтагига тушиб кетади. Шунинг учун ёрдамларни юбориш қисқа вақтли олди-сотдига ўхшаб қоляпти. Чунки қамал давом этяпти ва ёрдамлар олдингисидек йўқолиб қоляпти. Шунинг учун Мадая ва унинг аҳлини қутқаришнинг энг яхши йўли Ливан ҳукуматига сиёсий босимларни кучайтиришдир. Эрон Ҳизбини Сурия аҳлини ўлдиришдан ва тоғутни қўллашдан тийиб қўйиш учун, бу Ҳизб унсурларини Суриядан чиқариб ташлаш учун шундай босим зарур. Бундан бошқача йўл тутиш бўм-бўш ҳалқа ичида айланиб юравериш бўлади.

Росулуллоҳ CАВ дедилар:

«مَا مِنِ امْرِئٍ يَخْذُلُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ إِلا خَذَلَهُ اللَّهُ فِي مَوْطِنٍ يُحِبُّ فِيهِ نُصْرَتَهُ، وَمَا مِنْ أَحَدٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلا نَصَرَهُ اللَّهُ فِي مَوْطِنٍ يُحِبُّ فِيهِ نُصْرَتَهُ»

«Қайси бир киши бир мусулмонни обрўси тўкилаётган ўринда ёрдамсиз ташлаб қўйса, унинг ўзи ҳам Аллоҳнинг ёрдамига муҳтож бўлиб турган ўринда, Аллоҳ ҳам уни ёрдамсиз ташлаб қўяди. Бирон киши бир мусулмонга обрўси тўкилаётган ва ҳуқуқи паймол қилинаётган ўринда ёрдам берса, унинг ўзи ҳам Аллоҳнинг ёрдамига муҳтож бўлиб турган ўринда, Аллоҳ ҳам унга ёрдам беради».

Ҳизб ут-Таҳрир                                                            1 робиус-соний 1437ҳ

Ливан вилояти                                                             11 январ 2016м