Матбуот баёноти

Малайзия мустақилликни нишонламоқда

Бироқ ҳақиқий мустақиллик қаерда? Ҳақиқий хоинлар кимлар?!

Бош вазир  Анвар Иброҳим Малайзия мустақиллигининг 67 йиллигига бағишланган нутқида бир қатор масалаларга тўхталиб, халқ «қаҳрамон»и сифатида намоён бўлди. Анвар коррупцияни ва ҳокимият суиистеъмолини илдизи билан қуритишга содиқлигини очиқ айтди. Бироқ унинг ўзи тайинлаган ўринбосари ишига назар солсак, саволлар пайдо бўлади. Чунки у коррупция билан боғлиқ бир қатор жиноятларга аралашганликда айбланди. Аммо шубҳали равишда оқланди. Жамоатчиликда савол пайдо бўлиши табиий: агар Анвар бош вазир бўлмаганида, у осонликча оқланган бўлармиди, айниқса, дастлабки иш очилгандан кейин?!

Ўз нутқида Анвар ҳокимиятга келгандан бери давом этиб келаётган коррупция ва ҳокимиятни суиистеъмол қилишни илдизи билан қуритишда қатъийлигини таъкидлади. У янги маданиятни яратиш ниятида эканини билдирди. Шу йўл билан раҳбарлар жавобгарликка тортилишини ҳамда мамлакат бойликларининг шахсий манфаат йўлида сарфланишининг олди олинишини таъкидлади. Бироқ, Анвар ростдан ҳам вазиятдан бехабарми ёки баъзи нарсаларга атайлаб кўз юмяптими? Собиқ маъмуриятлардан тортиб ўзининг маъмуриятига қадар юрт бойлиги ҳеч қачон халқ манфаати учун ишлатилмаганини билмайдими? Малайзия нефть, табиий газ, ёғоч, боксит ва бошқа ресурсларга бой мамлакат. Омма мулки ҳисобланган бу ресурслардан халқ фойдаланиши керак эди. Бироқ буларнинг даромади ҳокимиятдаги гуруҳ ва унинг доирасидагиларнинг чўнтагига тушмаётган бўлса, кимнинг чўнтагига тушмоқда?!

Анвар, шунингдек, мустамлакачилик даврида хорижий давлатлар Малайзия бойликларини ўз манфаати йўлида ўзлаштирганидан афсус билдирди. Бу гап тўғри, бироқ савол туғдирмоқда: «Мустақиллик»ка эришилгач, энди ўша мустамлакачиларнинг ўрнини агар мана шу малайзиялик раҳбарлар ва уларнинг гумашталари эгалламаса ким эгаллади?! Малайзиядаги аччиқ ҳақиқат шуки, ҳокимиятдагилар кўпинча жуда бойиб кетмоқдалар, юрт аҳли эса азоб-уқубатдан боши чиқмаяпти. Бу раҳбарлар шунча бойликни Уммат ресурсларидан бўлмаса қаердан олишяпти?! Анвар буни билмаяптими ёки халқни алдашга уриняптими?!

Бош вазир Малайзия Сингапурга бериб юборган Бато Бутих ороли масаласига ҳам тўхталди. Анвар қуйидаги сўзларни айтди: «Дунёда камдан-кам давлат бир қарич ерини ёки бир бўлак тошини бошқа давлатга осонликча воз кечади. Биз Халқаро суднинг Бату-Путехга оид қарорини тан оламиз… Юртимизга бундай хиёнат қилинишига бизнинг эътиборсизлигимиз сабаб бўлди. Ўз еридан бунчалик осонликча воз кечадиган давлат ер юзида йўқ. Давлатлар бир парча тупроғи учун уришга киришяпти, жонларини қурбон беряпти». Бироқ Анвар Малайзиянинг Бато Бутихни йўқотишига ким жавобгар эканини айтмади. Маълумки, ўша пайтда Махатхир Муҳаммад бош вазир эди.

Мамлакатимиз ҳудудининг бир қаричини ҳам ҳимоя қилиш жуда муҳимдир. Агар Анварнинг позицияси ҳақиқатда шундай бўладиган бўлса, Малайзия 1965 йилда биринчи бош вазир даврида Сингапурга бериб юборган Сингапур оролини қайтариб олишга ҳам интилмоғи даркор. Қолаверса, Анвар тўрт шимолий вилоятимиз – Сонгхла, Наратхиват, Яла ва Паттанини ҳам қайта тиклашга чақириши лозим. Бу вилоятлар 1909 йил Британия билан Тайланд ўртасида имзоланган ботил «Банкок шартномаси» талаби бўйича Тайландга бериб юборилган. Бу ерлар юртимизнинг йўқолган қисмларидир. Агар Анвар ваъдасига чинакам содиқ бўлса, уларни қайтариб олишга жиддий киришиши керак.

Қолаверса, Анвар Ақсо масжидини ва айни пайтда яҳудийлар ишғоли остида бўлган муборак Фаластин заминини озод қилиш учун қаттиқ курашиши лозим. Ахир, давлатлар Анвар айтганидек, ўзларининг босиб олинган кичик ери бўлса ҳам қайтариб олиш учун урушга киришишлари зарур эмасми?! Нега у Ақсо масжиди ва Фаластинни қайтариб олиш учун мана шундай қадамни ташламади? Ҳаммасидан ҳам таажжублиси Анвар Фаластин масаласини ҳал этиш учун икки давлат ечимига даъват қиляпти. Наҳотки, бундай ечим Фаластин заминимизнинг аксар қисмидан босқинчи яҳудийларга воз кечишимиздан иборат эканини билмаса?! Еримизнинг бир қаричини бўлса ҳам қайтариб олиш энг зарур иш эмасми?! Агар шундай бўлса, у  ҳолда, Анварнинг Фаластин еримиздан икки давлат ечими орқали босқинчиларга воз кечишини қандай оқлаш мумкин?!

Анвар, шунингдек, Малайзияни ҳам – хоҳ Осиёда бўлсин, хоҳ Жаҳон миқёсида бўлсин – буюк давлатга айлантириш истагини билдирди. Бу истаги мақтовга лойиқ, албатта. Бироқ бу истак ақида ва Ислом шариатидан келиб чиққан ҳолда айтилмаса, қуруқ маърузалигича қолиб кетаверади. Мудом, Малайзия Ғарб таъсирига бўйсунувчи кичик давлат бўлиб тураверар экан, буюк давлатга айланиши амри маҳол. Малайзия мустамлакачилар фикрлари, тузумлари, қонунлари, сақофати, ҳатто менталитетини қабул қилишда давом этаверса, буюкликка чиқиши имконсиз. Агар юрт ақидаси динни ҳаётдан ва бошқарувдан ажратувчи илмоний-секуляр ақидалигича қолаверадиган бўлса, ҳақиқий буюк давлатга айланолмайди. Малайзия ҳақиқий мустақилликка эришолмаган экан, қандай буюкликка эриша олишимиз мумкин, ахир?!

Ушбу мамлакатда итоат ва бўйсуниш мустамлакачилар томонидан ўрнатилган система, тузум ва қонунларга эмас, балки фақат Аллоҳга тегишли бўлгандагина Малайзия ва унинг халқи ҳақиқий мустақилликка эриша олади. Мудом, ҳукумат мана шундай мустамлакачилик мероси бўйича ҳукм юритар экан, ҳақиқий мустақиллик хаёл бўлиб қолаверади. Ҳокимият тепасида ўтириб, мустамлакачилар чизиб берган рамкадан ташқарига чиқмаган ҳолда ҳукм юритаётганлар, ҳақиқатда, юртга ҳам, халққа ҳам хиёнат қилган кимсалардир. Улар Аллоҳ томонидан зиммаларига юкланган омонатга, яъни шариатни тўлиқ татбиқ қилиш омонатига вафо қилишмади.

Малайзия ҳақиқий мустақилликка эришиш мумкин, албатта. Бунинг учун унинг ақидаси илмонийликдан Исломга кўчиши, ортидан илмоний тузум ва қонунлари ҳам Исломга ўзгариши шарт. Бундай кўчиш эса, Аллоҳнинг аҳкомларини тўлиқ татбиқ қиладиган, Умматни ва юртини озод этиб, битта соя остига бирлаштирадиган Халифалик давлатини барпо этишни талаб қилади. Фақат шу тариқат билангина Халифалик барпо бўлади, Уммат ҳам, унинг давлати ҳам буюкликки эришади. Тез орада бутун оламга раҳмат улашиб, ҳурмат қозонган буюк давлатга айланади, инша Аллоҳ.

Абдулҳаким Усмон

Ҳизб ут-Таҳрирнинг Малайзиядаги расмий нотиғи