بسم الله الرحمن الرحيم

Хабар ва изоҳ

Мирзиёевнинг Германияга сафари

Хабар: “Озодлик” радиоси 03 май 2023 йилда қуйидаги хабарни тарқатди: Ўзбекистон президенти Шавкат Мирзиёев унинг ҳокимиятда қолиш эҳтимолини 2040 йилгача узайтирган зиддиятли референдумдан бир кун ўтиб Германияга сафар қилди. 2 май куни Берлинга етиб борган Ўзбекистон президентини Германия канцлери Олаф Шольц қабул қилди. Канцлер матбуот хизмати берган маълумотга кўра, музокараларда икки томонлама алоқаларга оид масалалардан ташқари, ташқи сиёсат, хавфсизлик ва минтақадаги вазият муҳокама қилинган.

Изоҳ: Шавкат Мирзиёевнинг референдум деб аталмиш спектаклдан кейиноқ Германияга сафар қилиши ва канцлер Олаф Шольц томонидан қабул қилиниши Ғарбнинг икки юзламачилигини, у оғиз кўпиртирадиган инсон ҳуқуқлари қуруқ сафсата эканини яна бир бор яққол кўрсатиб берди. Чунки манфаат капиталистик Ғарб учун биринчи ўринда туради! Шунинг учун ҳам Ғарб Мирзиёев режими томонидан Қорақалпоғистондаги норозилик намойишларида 2022 йил июлда камида 270 киши яралангани ва ўлдирилганидан кўз юмиб қўя қолди. Айни вақтда немис сиёсатчиларининг Ўрта Осиё, жумладан Ўзбекистонга қизиқишлари сабаби тушунарли. Чунки бу регион хом ашёга ўта бой бўлиб, у Россияга альтернатива (муқобил) бўлиши мумкин. Унда арзон ишчи кучларининг улкан заҳираси ҳам мавжуд бўлиб, уларсиз Европа иттифоқи бўғилмоқда. У шунингдек Хитойга (Россияни четлаб ўтганда) энг қисқа транзит савдо йўли ҳамдир.

Ўзбек томонининг билдиришича, Германиядан Ўзбекистонга инвестициялар ҳажми 5,5 миллиард долларга етган, бунинг 4 миллиарди охирги 6 йилда жалб қилинган. “Озодлик”нинг билдиришича, ташриф доирасида қўшма бизнес-форум ҳам бўлди. Унинг якунида умумий қиймати 9 миллиард долларлик савдо, инвестициявий ва технологик лойиҳалар имзолангани айтилди. Германиянинг Siemens компанияси билан ҳамкорликда Сурхондарё ва Навоий вилоятларида иккита иссиқлик электр станциялари қуриш бўйича келишувга эришилгани ҳам хабар қилинди.

Маълумки, ҳозирда Марказий Осиёда, хусусан Ўзбекистонда АҚШ, Хитой ва Европа иттифоқи ўз нуфузини кучайтиришга уринмоқда. Россия Украина урушида ҳолдан тояётган бўлишига қарамай Марказий Осиёни, жумладан Ўзбекистонни ҳам ҳамон ўз чангалида ушлаб келмоқда. Буни 9 майда Москвадаги ҳарбий парадни кузатиш учун Мирзиёевнинг Марказий Осиёнинг бошқа раҳбарлари қаторида Москвага боргани ҳам кўрсатиб турибди. Шунинг учун Мирзиёевнинг Германияга сафари ҳам Москванинг розилиги билан бўлган бўлиши эҳтимолдан холи эмас.

Мирзиёев режими кўпвекторли сиёсат юргизиб Россияни ҳам, Ғарб ва Американи ҳам рози қилмоқчи бўляпти. Бу ҳокимлар биз Ислом Умматига бегонадир. Уларнинг ўз мустамлакачи хўжайинлари манфаатларига хизмат қилишдан ва ўз тожу тахтларини сақлаб қолишдан бошқа ғамлари йўқ! Аллоҳ Азза ва Жалладан нафақат биз мусулмонлар ҳақида, балки бутун башарият ҳақида қайғурадиган Рошид Халифалик Давлатимизни устимизга тезроқ келтиришини сўраб қоламиз.

إِنَّ ٱللَّهَ بَٰلِغُ أَمۡرِهِۦۚ قَدۡ جَعَلَ ٱللَّهُ لِكُلِّ شَيۡءٖ قَدۡرٗا

“Албатта Аллоҳ Ўзи (хоҳлаган) ишига етгувчидир. (Унинг хоҳишига қарши тургувчи кимса йўқдир). Дарҳақиқат Аллоҳ барча нарса учун миқдор-ўлчов қилиб қўйгандир (яъни, ҳаётда рўй берадиган ҳар бир яхши-ёмон воқеа-ҳодиса ёлғиз Аллоҳ хохлаган — белгилаган вақт ва ўлчовда рўй беради).”                (Талоқ: 3)

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон