Мусибатлар мўминнинг иймонига яраша бўлади

بِسْمِ اللهِ الرَّحْمٰنِ الرَّحِيم

Бутун оламлар Роббиси бўлган Аллоҳ Субҳанаҳу борлиқни яратиб, шу борлиқдаги жин ва инсонларни яратишдан мақсадини Ўз каломида очиқ баён қилди. Яъни Унгагина ибодат қилишлари, Уни доим зикр қилишлари, бунинг учун Унинг Ўзи кўрсатиб берган йўлдан юришлари кераклигини баён қилиб, шундай дейди:

وَمَا خَلَقْتُ الْجِنَّ وَالْإِنْسَ إِلَّا لِيَعْبُدُون

“Жинлар ва инсонларни фақатгина Менга ибодат қилишлари учун яратдим”. (Зариёт:56)

Инсонлар ушбу иймонга чақирилганларидан сўнг уларнинг ораларидан   ушбу даъватга бутун вужуди билан итоат қилувчи, барча амалларида холис Роббиларини розилигини истайдиган хақиқий иймон эгалари етишиб чиқдилар. Аллоҳ Таъоло ушбу иймон келтирганлардан, яъни Унга ишонаётган бандаларини иймонини қай даражада мустаҳкамлигини, чин иймондан ёлғон иймонни, сабрлидан бетоқатни, мўъминдан мунофиқни ажратиш ҳамда бандаларининг ҳаёти давомида уларни турли мусибатлар, синовлар билан имтиҳон қилишини баён қилди.

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ

“(Аллоҳ) сизларни амалда қайси бирингиз яхшироқ эканингизни синаш учун ўлим ва ҳаётни яратгандир”. (Мулк:2)

Аллоҳнинг ушбу сўзларидан очиқ аён бўляпдики, Аллоҳга иймон келтирган солиҳ инсонми ёки иймонсиз кофир, мунофиқ, мушрик бўлган инсонми, барчаси учун бу дунё имтиҳон дунёси эканлиги, ушбу синовларни бирон вақти, ўрни ёки муддати бўлмай, балки Аллоҳ Таъоло ушбу бандани ҳар онда, ҳар сонияда турли йўллар билан синаши, яъни ҳаётнинг ҳар бир лаҳзаси синовдан иборат эканлиги аён бўлади. Бу синов хоҳ қийинчилик, мусибат каби нарсалар билан, хоҳ енгилчилик, бойлик ва фаровонлик каби ҳолатларда бўлсин, фарқи йўқ.

Аллоҳга чин иймон келтирган мўминнинг ҳам бу дунёдаги ҳар бир сонияси синовдан иборатдир. Чунки оламлар Яратувчиси бўлган Зотга чин қалбдан ишонган ҳар бир мусулмонга синов келиши муқаррар бўлиб, бу тўғрида Аллоҳ Таоло Ўз каломида шундай дейди:

الم أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لاَ يُفْتَنُونَ* وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللهُ الَّذِينَ صَدَقُوا وَلَيَعْلَمَنَّ الْكَاذِبِينَ

“Алиф. Лом. Мийм. Одамлар “иймон келтирдик” деганларидан кейин, имтиҳон қилинмай, шундай ташлаб қўйиламан, деб ўйлайдиларми? Батаҳқиқ, Биз улардан олдингиларни ҳам имтиҳон қилганмиз. Аллоҳ, албатта, бу билан (иймонида) содиқ бўлганлар ва ёлғончиларни ажратиб олади”. (Анкабут:1-3)

Мўмин инсон бу дунёда доимий синовда экани тўғрисида Пайғамбаримиз соллаллоҳу алайҳи ва саллам ҳам қуйидаги сўзларни айтганлар:

النبي- صلى الله عليه وسلم- قال : فإن كان في دينه صلبة اشتد بلاؤه ، وإن كان في دينه رقة ابتلى على قدر دينه … الخ رواه الترمذي

«Пайғамбар соллаллоҳу алайҳи ва саллам дедилар: “… (мўминнинг) агар динида (яъни иймонида) салобат бўлса, унга бало ва синовлар ҳам қаттиқроқ келади. Агар (мўминнинг) динида (яъни иймонида) енгиллик бўлса, унга бало-синовлар ҳам иймонига яраша келади». (Термизий ривояти. Саҳиҳ)

Ушбу оят ва ҳадислар мусулмонлар бошларига мусибат тушганда тушкунликка тушмасдан, Роббиси кўрсатган йўлдан давом этишлари учун тарғиб ва даъватдир. Биз мусулмонлар бу синовларга юқоридаги оят ва ҳадисларни қалбларимизга жойлаган ҳолда ўзимиз иймон келтирган  ақидамиз талаби асосида ҳаёт кечириш учун ҳаракат қилишимиз ҳамда ушбу танлаган йўлимизда сабот билан туришимиз ғалаба ва нусрат сари яқинлашаётганимиздан даракдир, ин ша Аллоҳ. Аллоҳ Таоло айтади:

أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمْ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلاَ إِنَّ نَصْرَ اللَّهِ قَرِيبٌ

“Ёки (эй мўминлар) сизлардан илгари ўтган зотлар мисоли – ибрати сизларга келмай туриб жаннатга киришни ўйладингизми? Уларга бало ва мусибатлар (устма-уст) келиб, шундай ларзага тушган эдиларки, ҳатто пайғамбар ва иймонли кишилар: “Ахир қачон Аллоҳнинг ёрдами келади?” дейишган эди. Шунда (уларга бундай жавоб бўлган эди): “Огоҳ бўлингизким, Аллоҳнинг ёрдами яқиндир””.     (Бақара:214)

Ҳизб ут-Таҳрирнинг Ўзбекистондаги медиа офиси. Зайниддин

30.09.2019й