Матбуот баёноти

Мусулмонлар битта Уммат бўлиб, Ислом улардан Ғазо аҳлига ёрдам беришни талаб қилади

Ҳукмдорларимиз эса армияларни ҳаракатга келтирмаслик учун миллий ўзлик ҳақида оғиз кўпиртириш билан бандлар

Бугун қонхўр яҳудий вужуди Америка бошчилигидаги бутун дунё ёрдамида ҳамда мусулмонлар ҳукмдорларининг, хусусан Фаластинга қўшни давлатлар ҳукмдорларининг тил бириктируви билан Ғазо ва Ғарбий Соҳилда даҳшатли ва шафқатсиз геноцид урушини давом эттираётган экан, мана шундай бир пайтда, томирларида қони қайнаётган халқлар овози намойишлар ва маршлар орқали кўтарилиб, Ғазодаги оға-иниларига ёрдам бериш учун Уммат армияларини ҳаракатга келтиришни талаб қилмоқда. Халқлар талабини эътиборсиз қолдириб келган ҳукмрон режимлар эса, бу овозлар хавфини ҳис қилиб, «сўз эркинлиги»ни даъво қилган ҳолда, намойишчиларни бостириш, қамоққа олиш ва суд қилиш йўлини танлашди. Расмийларнинг ҳаракатсизлигини танқид қилган алоҳида овозларни ҳам «миллий ўзликка путур етказяпти», деган нарса билан оммавий ахборот воситалари орқали эмоционал равишда бўрттириб кўрсатишди. Бирдам мусулмон халқни ғазаблантириб, унинг ашаддий душмани бўлган яҳудий вужудидан ва уни қўллаб-қувватлаётган Америкадан диққатини чалғитишга уринишди.

Иордания бош вазири, парламент спикери ва сенат аъзолари ҳамда режим маддоҳларидан бўлган ёзувчилар ва диний уламолар чиқиб, бу овозларнинг миллий ўзликка путур етказиши, ўзликнинг шарафли ролига зарар етказиши тўғрисида гапиришди. Бош вазир бундай деди: «Биз миллий сиёсатимиз ва мақсадларимиздан ташқарида бўлган режа ва қарорларнинг тиқиштирилишига ёки фақат давлатгина белгилайдиган олий манфаатларимизнинг қурбон қилинишига йўл қўймаймиз». Парламент спикери ҳам «Биз ҳеч кимнинг армиямизнинг рамзийлигига тил тегизишига йўл қўймаймиз», деди. Шулар орқали Иорданиядаги абгор ва муваффақиятсиз расмий режим ўзининг яҳудий вужуди ва Америка билан бўлган тил бириктирувини фош этаётган овозларни бостиришга уринди. Режимнинг ўз Парвардигори буйруғига эътиборсизлик қилаётганидан аламланган Уммат ундан армияни ҳаракатга келтиришини талаб қилди, ҳатто унга Аллоҳнинг йўлида жиҳод қилиш учун чегараларни очиш талабини қўйди. Парламент спикери армиянинг қўрқоқ яҳудийларга қарши жанг қилишига тўсқинлик қилаётган экан, аслида армиянинг ортига яшириниб, унинг ҳиссиётларини маҳорат билан бошқармоқда. Аммо Иордания аҳли ўз армиясига ва унинг жанговар қудратига ишонади. Шу билан бирга, унинг мусулмон ўлкаларни мудофаа қилиб, Фаластиндаги мусулмон биродарларига ёрдам беришига ҳам халқнинг ишончи комил. Шунинг учун ҳам армиянинг ғайратини қўзғашда давом этмоқда ҳамда унга мурожаатлар қилиб, Ғазо ва Фаластин аҳлига ёрдам бериш учун ҳаракатга келишга чақирмоқда.

Иордания режими ўзининг сиёсий ҳаракати доирасида Водий Араба шартномаси орқали яҳудий вужудини тан олишни ва унга қарши жанг қилмасликни, ҳатто унинг шарқий чегараларини мудофаа қилишни ўз зиммасига олган. Ҳозирда у билан иқтисодий ва хавфсизлик бўйича шартномаларни изчил амалга оширяпти ва бу Ғазо уруши давомида ҳам тўхтамай давом этмоқда. Бошқа томондан, Иордания режими Америка билан бўлган ҳамкорликни ҳамда ҳарбий, иқтисодий ва хавфсизлик соҳасида унга қарамлилигини мамлакат миллий хавфсизлигининг, хусусан ўзининг вужудий хавфсизлигининг асоси деб билади. Хулоса қилиб айтганда, Иордания Американинг Фаластин аҳлини сургун қилиш, Ғарбий Соҳилнинг яҳудийлар томонидан аннекция қилиниши ва Ғазони вайрон этишдан иборат талаблари билан Ғазода амалга оширилаётган жиноятларга сукут сақлаш ва фақат рамзий ёрдам кўрсатиш ўртасида қолиб кетди. У Қўшма Штатларнинг йиллик ёрдамларни ва ривожланиш ёрдамларини қисқартириш борасидаги таҳдидига дуч келмоқда. Бошқа томондан, Ғазо аҳлига ёрдам бериш учун армияни ҳаракатга келтириш, Америка базасини мамлакатдан чиқариб ташлаш ва яҳудий вужуди билан имзолаган шартномаларини бекор қилиш каби халқнинг танқид ва талаблари босими остида қолди. Аммо Иордания режими ҳар доимгидек яҳудий вужуди томонида туришни ва Американинг сиёсий талабларини бажаришни танлади. Американинг айни талаблари Иорданиянинг экзистенциал тузилишига зарар келтиради.

Бугун Иорданиянинг сиёсий воқелигига мос равишда гапирилаётган баъзи овозлар Ғазога ёрдам бермасликни ва мавжуд вазиятга рози бўлишни оқлаяпти. Бундай овозларнинг ягона сабаби ҳукмдорлар олиб бораётган сиёсатдир ҳамда уларнинг Британиядан бошлаб, Америкага қадар мустамлакачи кофир Ғарбга тобелигидир. Мақсад ва ғояларни белгилаш учун воқеликни асос қилиб олган кимсаларнинг оқибати албатта воқега мослашиб, замон билан бирга қадам ташлашдир. Улар яҳудийларни дўст тутишда ҳукмдорлар томонида турганлари сабабли Уммат ғазабидан қочиб қутулишолмайди. Росулуллоҳ ﷺ бугун имконсиз бўлиб кўринган меъзонлар асосида ҳаракат қилганини ҳаргиз унутмаслигимиз лозим. Ўшанда сарвари олам ﷺ бундай деганлар:

«يا عَمُّ، واللهِ لَوْ وَضَعُوا الشَّمْسَ في يَمِينِي، والقَمَرَ في يَسَارِي عَلَى أَنْ أَتْرُكَ هَذَا الأَمْرَ حَتَّى يُظْهِرَهُ اللهُ أَوْ أَهْلِكَ فِيهِ، ما تَرَكْتُهُ»

«Эй амаки, улар ушбу ишни тарк этишим учун ўнг қўлимга қуёшни, чап қўлимга ойни қўйишса ҳам, то Аллоҳ бу ишни ғолиб қилмагунча ёки шу йўлда ҳалок бўлмагунимча, ҳаргиз уни тарк этмайман».

Эй Иорданиядаги аҳлимиз… эй мусулмонлар!

Оммавий ахборот воситалари ва ҳукуматнинг «мамлакат манфаати», «миллий ғояларимиз», каби ялтироқ, аммо кишини алдайдиган сарлавҳалар остидаги мурожаатлари Ислом аҳкомларини татбиқ қиладиган исломий раббоний тузумга мувофиқ келсагина самимий бўлиши мумкин. Акс ҳолда, Исломни бошқарувдан четлатган ва уни ҳаётимизда ўрни бўлишини истамайдиган секуляр тушунча асосида қилинган мурожаатлар ҳақиқатга тўғри келмайди. Бунинг энг ёрқин мисоли, Иордания парламенти томонидан яқинда Иордания аёллар ишлари бўйича миллий қўмитасининг қонун лойиҳасига «Ислом шариати аҳкомларига мувофиқ», деган иборани қўшиш таклифининг рад этилганидир. Ваҳоланки, бу иборани қўшиш билан шариат татбиқ қилиниб қолмайди. Шунинг учун сиз ижтимоий тармоқлар ва медиа платформаларидаги адаштирувчи ва ҳақиқатдан тўсувчи агитаторларнинг кўплигидан асло қўрқманг. Улар сизга таҳдид қилишяпти ва ҳукмдорларнинг даъватини қилишяпти. Яқинда бу қилмишлари тугаб-йўқ бўлиб кетади.

﴿إِنَّمَا ذَٰلِكُمُ ٱلشَّيۡطَٰنُ يُخَوِّفُ أَوۡلِيَآءَهُۥ فَلَا تَخَافُوهُمۡ وَخَافُونِ إِن كُنتُم مُّؤۡمِنِينَ﴾

«Албатта ўша (сизларни васвасага солмоқчи бўлган) шайтоннинг ўзидир. У сизларни ўзининг дўстларидан (кофирлардан) қўрқитмоқчи бўлади. Бас, агар мўмин бўлсангиз, улардан қўрқманг, Мендан қўрқинг!»                                                                                            [Оли Имрон 175]

Эй Иорданиядаги мусулмонлар!

Бузғунчиликларни олдини олиш фақатгина белгиланган фарзларни бажариш билан бўлади, уларни тўхтатиб қўйиш билан эмас. Аллоҳ йўлидаги жиҳод шаҳидлар ва қурбонликларни талаб қилса ҳам, ҳужумларни қайтаришнинг ҳамда мусулмонларнинг босиб олинган ерларини, хусусан, Ақсо масжиди, Қуддус ва бутун Фаластинни озод этишнинг ягона йўлидир. Таслим бўлиш ва воқеликка мослашиш йўли эса, Ислом Умматини фақат ва фақат ҳалокат ва фожиага олиб келди, энг аввало, Халифалик давлатининг қулатилишига сабаб бўлди.

Шунинг учун биз мусулмонларнинг вазифамиз қалбимизни холис иймон билан мустаҳкамлаб, ёлғиз Аллоҳ аҳкомларининг бошқарувини талаб қилишдан ва буюк Аллоҳга ҳеч нарсани, яъни инсон ўйлаб топган қонунларни шерик қилмасликдан иборат. Шунингдек, Аллоҳ Субҳанаҳунинг қудратига ишониб, Ундан ўзгани дўст тутмасликдан ҳамда нусрат ва ғолибликнинг ягона йўли бугун яҳудийларга қарши тайёргарлик кўриб, жанг бошлаш эканига чуқур инонишдан иборат.

﴿يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ * إِلَّا تَنفِرُواْ يُعَذِّبۡكُمۡ عَذَابًا أَلِيمٗا وَيَسۡتَبۡدِلۡ قَوۡمًا غَيۡرَكُمۡ وَلَا تَضُرُّوهُ شَيۡ‍ٔٗاۗ وَٱللَّهُ عَلَىٰ كُلِّ شَيۡءٖ قَدِيرٌ﴾

«Эй мўминлар, сизга нима бўлдики, Аллоҳ йўлида (жиҳодга) чиқинглар, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?! Агар (жиҳодга) чиқмасангиз, (Аллоҳ) сизни аламли азоб билан азоблайди ва ўрнингизга бошқа бир қавмни келтиради, сиз эса Унга бирон зиён етказа олмайсиз, Аллоҳ ҳамма нарсага қодирдир»   [Тавба 38-39]

Ҳизб ут-Таҳрирнинг Иордания вилоятидаги матбуот бўлими