بِسْمِ اللهِ الرَّحْمٰنِ الرَّحِيمِ

Капиталистик ҳазорат «мева»ларидан

Корона иблиси уч миллиард шахсни сув ва совунга муҳтож қилиши мумкин

Ал-Жазира нет веб-сайти (ҳижрий 1441 йил 25 ражаб, милодий 2020 йил 20 март жума) куни нашр қилган хабарда бундай дейилади:

«Бутун дунё бўйлаб коронавирус тарқалишига қарши қаттиқ чоралар кўрилаётган бир пайтда, БМТ экспертларига кўра, уч миллиард одам айни касалликдан ҳимояланиш воситаси бўлган сув ва совунга муҳтож қолмоқда.

ЮНИСЕФнинг Жанубий ва Шарқий Африкадаги сув ресурслари бўйича мутахассиси Сэм Годфрининг айтишича, баъзи инсонлар сув билан таъминланмаган, совун сотиб олишга пуллари йўқ, улар касалликдан ҳимояланиш учун оддий нарсалардан фойдаланишнинг муҳимлигини тушунишмайди.

Энг кўп таҳдид солаётганлар одамлар тиқилинч яшайдиган уйлар ёки қочқинлар жамлоқлари аҳолисидир. Чунки уларда ёмон овқатланиш ва санитария бузилиши ҳоллари кўп учрайди ҳамда канализация тизимлари бўлмайди.

ЮНИСЕФнинг таъкидлашича, Африка саҳросида шаҳар ва қишлоқлар аҳолисининг 63 фоизи (258 миллион аҳоли) қўлларини юва олмайди, бу фоиз Марказий ва Жанубий Осиё учун 22 фоиз (153 миллион)ни ташкил қилади».

Роя газетаси шарҳи:

Инсоният ва халқлар бошига катта давлатлар ҳамда уларнинг ваҳший капиталистик тузумлари келтирган нарса мана шу. Улар олтин, нефть, диоксид кремния, рух, темир, кобалт ва уран каби бойлик ва ресурсларни ташиб кетиш мақсадида ўнлаб йиллар давомида урушлар олиб боришди. Натижада, ўша минтақалар аҳолисини озиқ-овқат, сув ва совундан маҳрум этишди, уларни очлик, касаллик, эпидемия ва қочқинликнинг осон ўлжаларига айлантиришди.

Ҳозирда капитализм ва унинг очкўзлиги барча инсоният олдида очиқ намоён бўлиб қолди. Коронавирус келиб, бу йиртқич тузумнинг сўнгги айбини ҳам қолдирмай очиб ташлади. Айрим давлатлар сиёсий ва иқтисодий мақсадлари йўлида айни ҳақиқатни яширишди ва оқибатда айни вирус пайдо бўлиб, кенг тарқалди. Баъзи давлатлар иқтисодий ва молиявий зиёндан хавфсираб, бу иллатга қарши чоралар кўришга ҳамда экспертлар огоҳлантирувига панжа орасидан қарашди. Яна бошқа давлатлар эса, «коллектив (жамоий) иммунитет» назарияси каби сохта ҳужжат-дастаклар орқали бу иллатни кекса ёшлилар ва сурункали касаллардан қутулиш учун қулай имконият, деб билишди. Баъзи давлатлар юз миллиардлаб, ҳатто триллиондан зиёд доллар маблағларини айни касалликка қарши кураш ва унинг тарқалишини олдини олишга эмас, балки иқтисодини, компанияларни ва биржаларни қўллаб-қувватлашга, уларнинг зиёнини тўхтатиб қолишга совуришди… Диққатларини капитал бозорига қаратиб, оддий инсонлар саломатлиги масаласидан кўз юмишди.

Буларнинг акси ўлароқ, Ислом инсонларга ғамхўрлик ва эътибор кўзи билан қарайди, улардан фойдаланишни ва уларни қул қилишни мақсад қилмайди. Ислом тузумининг юртларни фатҳ қилишдан мақсади уларнинг аҳолисини адолат ва ҳақ билан бошқаришга, Аллоҳ уларга ато этган бойликлардан оқилона фойдаланиш йўлларини ўргатишга қаратилган. Бойликларини талаб ўғирлаш мақсадига қаратилган эмас.

Роя газетасининг 2020 йил 1 апрел чоршанба кунги 280-сонидан

+1

0

Related posts:

БМТнинг Америка сиёсатини амалга ошириш учун Мадая аҳлига қарши тил бириктирганини ҳисоботлар фош қилмоқда: «қирғин қуроллари ва очлик остида ўлим топиш ёки тиз чўкиш» Яман устида АҚШ-Британия кураши ҳамон авжида Шом қўзғолони тил бириктирувлар ва ёрдамсиз ташлаб қўйишларга қарамай давом этади Бирлашган Миллатлар Ташкилоти инсонпарварлик тўнини кийган жинояткор ўғридир