بسم الله الرحمن الرحيم

Роя газетаси:

Мусулмонларни Халифаликдан бошқа ким ҳам ҳимоя қилади?!

Устоз Омир Солим Абу Убайда

Оммавий ахборот воситалари бири қўйиб-бири Шом аҳли ҳақида ҳамда уларнинг шу замоннинг фиръавни бўлган Шом тоғути ва янги мўғул татарлари бўлмиш регионалу халқаро давлатлар томонидан не-не азоб-уқубатларга учраётганлари тўғрисида турли хил хабарлар тарқатишмоқда… Ҳа, ҳамма бизга қарши ёпирилмоқда. Улар бу хабарларни бир кун ҳам Шом аҳлига ичи оғриганидан тарқатмаяпти ёки узоқдаги душмандан олдин яқиндаги «дўст»дан зиён кўраётган шу халқ машаққатларини ёритиш мақсадида тарқатишмаяпти… ёхуд бу бечораларга қарши бутун дунё тил бириктирганини фош этиб, қаттоллар, жинояткорлару гумашталарини ва бунга сукут қилиб, қўл қовуштириб турган кимсаларни очиб ташлаш мақсадида ҳам тарқатишмаяпти. Аллоҳ ҳаққи, ундай эмас. Чунки бундай яхши мақсадда тарқатиш ҳеч бир томонга ўтиб олмаган холис ахборот воситаларининг ишидир. Булар эса, бир томонга ўтиб олиб, ундан иккинчи томон ҳисобига манфаат умид қилувчи ахборот воситаларидир. Чунки булар Исломдан келиб чиқиб, Ислом асосида гапиришмайди, Исломни ҳаётий дунёқарашларига айлантиришмаган. Шунинг учун буларнинг мана шундай тарзда хабар тарқатишдан мақсадлари – Ғарб малайи бўлмиш жинояткор золим ҳукмдорлар зулмига учраган бу бечора мазлум халқларнинг «таълим-адаб»ини бериб қўйишдир. Токи мусулмонлар жинояткорлардан озод бўлиш сари қилинган ҳар қандай ҳаракат – худди Шомдаги каби – мана шундай мусибатлар, азоб-уқубатлар ва қора кунларга олиб келишини тушунсин. Бу жинояткор ва рувайбиза режимлар ўз халқларига Шом аҳли аҳволини мисол қилиб кўрсатган ҳолда тарбия беришга қарор қилган кўринади. Мақсадлари, мусулмонлар елкасига миниб олиб, юрт бойликларини ғарблик хўжайинлари манфаати йўлида бемалол ташиб кетиш ва шу имкониятни қўлдан бой бермасликдир!

Ҳатто халқлар ва уларнинг истакларига қарши бундай психологик уруш манзараси баъзан янада катталашиб, мураккаб тусга кириб, оқибатда баъзилар бутун Ислом дунёсида бўлаётган аламли аччиқ ҳодисалар ҳақида лом-мим, демайдиган бўлиб қолди. Ва ҳатто баъзи кимсалар бугунги қуллик занжиридан озод бўлишга андак уриниб кўрган инсонларга қарата «булар ўзларига ўзлари шундай мусибатларни олиб келишмоқчи», дея маломат тошини отишмоқда… Ўзлари яшаётган хорлик ҳаётига ва ушоқларга қаноат қиладиган, кучимиз етмайди, ожизмиз каби даъволар ва миш-мишлар тарқатадиган, хорликка нафақат рози, балки бу билан маза қиладиган бўлиб қолишди. Ёмон аҳволимизни баттар ёмонлаштиришни нима кераги бор, деган гапларни тарқатадиган бўлишди!

Биз Шом, Фаластин, Ироқ, Афғонистон, Бирма ва бошқа мазлум исломий юртларга қайтиб, шуни таъкидламоқчимиз: Агар бу юртларимизни ғамхўрлик билан бошқарадиган, ҳар бир азиз нарсасини ҳимоя қиладиган, ортида туриб жанг қилиб, у билан ҳимояланиладиган бир қалқон ва барчаларини ла илаҳа иллаллоҳ Муҳаммадур Росулуллоҳ байроғи бўлмиш ягона роя остида бирлаштирадиган бир етакчи бўлганда эди, улардан бирортаси ҳам бу аҳволга тушиб қолмасди, албатта. Чунки душманлар адоватини ва маккорлар макрини қайтариш йўлида кунини тунига улаб, бедор бўлувчи кўзлардан бошқаси бизни ҳимоя қилмайди. Бу эса, содиқул масдуқ ﷺ башорат қилган Халифалик бўлиб, уни Аллоҳ Субҳанаҳу ваҳи қилган тариқат бўйича, воқеликни албатта туб инқилобий ўзгартиш йўли билангина барпо этилади. Зеро, бу ўзи яратган нарсаларини жуда яхши билувчи Аллоҳнинг тариқатидир:

﴿أَلاَ يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾

«(Ахир) яратган зот (Ўзи йўқдан бор қилган нарсаларни) билмасми?! У меҳрибон ва (ҳар нарсадан) хабардор зотдир»   [Мулк 14]

Шунингдек, биз Росулимиз Муҳаммад мустафо ﷺнинг маслакларида гавдаланган ушбу тариқатни билгунимизга қадар чекланган ақлимиз билан ишлаб чиққан ғарбчаю шарқча тузум ва қонунларни тажрибамизда синаб кўрдик… Аллоҳнинг зикридан юз ўгирганимиз сабабли бу қонунларнинг барчаси куч-тоқатларимизни бекорга кетказди, бизга не-не балоларни тоттирди, бу давр мобайнида зулмат кетидан зулматли кунларда яшадик, бошбошдоқлик ва бадбахтлик ботқоғига ботдик. Бошимиз узра янги тонг отиб, истибдод хорлиги ва қуллиги кишанларини парчалаш вақти келгач, натижа яна аввалгидек бўлди, бутун дунё кучлари бизга қарши бирлашиб, кўппаклар ялоққа ташлангандек ташланишмоқда!

Бироқ Аллоҳнинг қонуни ўзгармайди. Бебаҳо гавҳар-тош кўзга ташланиб, ўзига ёпишиб қолган кирликлардан тозаланиши, ва сайқалланиши муқаррар. Аллоҳ Таоло бутун башариятни зулматдан нурга олиб чиқиш ва Ўзи айтган қуйидаги каломи бизда рўёбга чиқиши учун барчага намуна бўлиб, ўзимизга тегишли масъулият билан жиддий шуғулланишимиз учун муҳим бир ишга бизни тайёрлаётгандай гўё:

﴿وَكَذَلِكَ جَعَلْنَاكُمْ أُمَّةً وَسَطًا لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيدًا﴾

«Шунингдек, (Биз) сизларни бошқа одамлар устида гувоҳ бўлишингиз ва пайғамбар сизларнинг устингизда гувоҳ бўлиши учун ўрта (адолатли) Уммат қилдик»   [Бақара 143]

Аммо бу Пайғамбарлик минҳожи асосидаги рошид Халифаликсиз ҳаргиз амалга ошмайди. Ахир, мусулмонларни Халифаликдан бошқа ким ҳимоя қила олади?!! Шундай экан, келинг, енгларимизни шимариб, Аллоҳ Таолонинг розилиги ва икки дунё саодатига ноил бўлиш учун жиддий ҳаракат қилайлик. Карами кенг ва қудрати улуғ Аллоҳ бундай деган:

﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾

«Албатта Биз пайғамбарларимизга ва мўминларга ҳаёти дунёда ҳам, гувоҳлар (ҳозир бўлиб) турадиган Кунда (қиёматда) ҳам нусрат-ёрдам берурмиз» [Ғофир 51]

Роя газетаси сайтидан олинди