بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мусулмонларни ўз тақдирий масалалардан чалғитиш мустамлакачилик сиёсатидир

Ҳижрий 1438 йил 19 зул-ҳижжа, милодий 2017 йил 10 сентябр чоршанба куни «Дунё Ватан» ахборот агентлиги тарқатган хабарда бундай дейилади:

Мисрдаги Фаластин элчиси ва Араб давлатлари Лигасидаги доимий вакили Жамол Шўбакий «Бугун Араб давлатлари Лигаси вакиллар даражасида Фаластин давлати таклифини маъқуллади, бу «Исроил»нинг Хавфсизлик Кенгашига вақтинчалик икки йил (2019-2020)га аъзо бўлиш уринишларига қарши чиқиш учун беш томонлама комиссия тузиш таклифидир», деди».

Роя газетаси шарҳи:

Мусулмонлар қаерда бўлмасинлар, ўз юртларида бўладиларми ёки бошқа ерларда бўладиларми, фарқсиз, бугун барчалари олдида тақдирий масала кўндаланг турибди уни тубдан ҳал этмоқлари талаб қилинмоқда. Бироқ мустамлакачи давлатлар ўзларининг ифлос услублари билан бевосита ёки исломий юртлардаги малай ҳукмдорлар ва уларнинг думлари воситасида айни масалани тубдан ҳақиқий равишда ҳал этишга ҳаракат қилаётган ҳар бир фикрга, ҳар бир фаолиятга қарши курашяпти. Ҳатто мусулмонлар диққатини айни долзарб масаладан буришга ва унинг иккиламчи оқибатларига жалб қилишга уриняпти, шу орқали уларнинг айни масалани мутлақо ечолмай қолишларини, ҳатто иккиламчи оқибатларини даф қилишга йўл тополмай қолишларини истаяпти.

Ушбу тақдирий ва энг катта масалаларнинг энг муҳими босиб олинган Фаластин масаласи, десак хато қилмаймиз. Фаластин масаласи, нафақат маълум балки, уни оддий, аниқ равишда фақат тубдан ҳал этмоқ фарз қилинган ва бу Аллоҳ йўлида жиҳод қилиш орқали уни яҳудийлардан озод этиш, поклаш ечимидир. Аммо бу мафкурага қарши мустамлакачи давлатлар ва уларнинг малай ҳукмдорлари, ҳукмдорларнинг гумашталари уруш эълон қилишди, уни амалга оширишга ҳаракат қилаётган ҳар бир мусулмонга қарши қутуриб курашишди… сўнг бу ечимдан мусулмонлар диққатини чалғитишга ўтишди. Буни мусулмонларни босқинчилик натижасида юзага келган иккиламчи оқибатлар билан машғул қилиб қўйиш орқали амалга оширишди. Афтидан, уларнинг бундай ўнлаб услубларидан бири, Мисрдаги Фаластин элчиси ва Араб давлатлари Лигасидаги доимий вакили Жамол Шўбакийнинг юқоридаги мана бу гапидир: «Бугун Араб давлатлари Лигаси вакиллар даражасида Фаластин давлати таклифини маъқуллади, бу «Исроил»нинг Хавфсизлик Кенгашига вақтинчалик икки йил (2019-2020)га аъзо бўлиш уринишларига қарши чиқиш учун беш томонлама комиссия тузиш таклифидир». Демак, уларнинг наздида ечим: «Исроил»ни йўқ қилиш эмас, балки Хавфсизлик Кенгашига аъзо бўлишига йўл қўймасликдир!

Ҳаммасидан ҳам ғалатиси, булар, яъни мустамлакачи давлатлар ва исломий юртлар ҳукмдорлари мусулмонларни асосий масаладан чалғитиш ва босқинчилик натижасида юзага келган иккиламчи оқибатлар билан машғул қилиб қўйиш бобида ғоят даражада муваффақият қозонишди. Бир вақтнинг ўзида, айни иккиламчи масалаларни ҳал этишда муваффақият қозонишмади, йўқ, уларни ҳал этишдан воз кечишди.

Роя газетасининг 2017 йил 20 сентябр чоршанба кунги 148-сонидан