Матбуот баёноти

«Олий миллий манфаат» тамойили Германия учун хатардир

Яҳудий вужуди Ғазога қарши уруш бошлаганидан 11 ой ўтиб, Германия ҳукумати томонидан қабул қилинган «олий миллий манфаат» тамойили немис жамияти учун катта синов ва ички хавфсизлик учун таҳдидга айланиб бормоқда.

2023 йил 7 октябрда Нетаняху ҳукумати Ғазога уруш эълон қилгандан сўнг, Германия канцлери Олаф Шольц яҳудий вужудининг хавфсизлиги Германиянинг «олий миллий манфаат»и эканини эълон қилди. Германия парламентидаги ҳукумат ва мухолафат партиялари бир овоздан «Исроилга тўлиқ бирдамлик ва ҳар томонлама ёрдам бериш»ни талаб қилишди. Бу уларнинг орасида камдан-кам учрайдиган тўлиқ мувофиқлашувдир.

Ушбу тамойилни Германия ичкарисида зўрлаб ўрнатиш учун ҳукумат қатор репрессив чоралар қабул қилди. Йирик сиёсатчилар, вазирлар ва инсонлар, хусусан мусулмонлар ушбу тамойилга сўзда ва амалда содиқ қолишга тарғиб қилинди. Тўпланиш ҳуқуқи ва сўз эркинлиги кескин чекланди, сиёсий рамзлар ва талаблар жиноят саналадиган бўлди, уюшмалар фаолияти тақиқланди, фаоллар жиноий жавобгарликка тортилди, Германияда яшаш ҳуқуқини бекор қилиш ва депортация қилиш бўйича бир қатор қарорлар қабул қилинди.

Бундан ташқари, немис ҳукумати «Исроил давлатининг мавжудлигини сақлаб қолиш Германиянинг ташқи ва хавфсизлик сиёсатининг марказий ўқи» эканини таъкидлади. Маълумки, Германиянинг яҳудий вужудига қурол-яроғ экспорти ўтган йилгига нисбатан ўн баробарга ошган. Жамоатчиликда ҳам федератив республика қачон ҳарбий ёрдам кўрсатиши ва можароларга аралашиши кераклиги ҳақида муҳокамалар бошланган. Яҳудий вужудига қарши халқаро судда кўтарилган даъво контекстида Германия ҳукумати ушбу асосий суд жараёнига учинчи томон сифатида аралашишга, геноцид айбловини – айни иш бўйича ҳеч қандай тергов ёки жиддий текширув ўтказмасдан – «қатъий ва очиқчасига» рад этишга қарор қилди. Халқаро Жиноят суди прокурори Нетаняху билан Галантни ҳибсга олиш учун ордер чиқарилишини талаб қилган бир пайтда, немис ҳукумати суд жараёнини кечиктириш учун «Amicus Curiae Statement»ни тақдим этишга қарор қилди. «Journal für Internationale Politik und Gesellschaft» журналида Маркус Шнайдер билан Янис Гриммнинг қаламига мансуб мақола чоп этилди. Мақолада таъкидланишича, Германия ҳукуматининг тутган йўли «ҳозирда очиқдан-очиқ савол остига олиниб, хорижда ва мамлакат ичкарисидаги мутахассислар орасида бу ҳукумат параллел дунёда яшаётгандек таассурот уйғотмоқда». Шу билан бирга, таниқли халқаро қонун эксперти Кай Амбос «олий миллий манфаат» тамойили авторитар тушунча ва қонунга зид бўлиб, адолатсизлик ва зулмга ёрдам беришни очиқ тан олишдир. Бу Германиянинг дунё олдидаги обрўсига ҳалокатли таъсир қилади», деди. Буни бошқа фактлар билан бирга, яқинда «ACW» (АҚШ тадқиқот институти) томонидан ўн олтита араб давлатларида ўтказилган сўров натижалари ҳам тасдиқлаб турибди. Сўровга кўра, иштирокчиларнинг 75 фоизи Германиянинг бу низода салбий рол ўйнаётганини айтган. Бундан ташқари, улардан 97 фоизи ҳимоясиз Ғазо аҳлига қарши бундай қирғин уруши натижасида юзага келган психологик стрессдан шикоят қилган. Бундай таранглик, жумладан Германияга нисбатан, тобора кучайиб, ғазабга айланиб бормоқда. Шу боис журналистлар минтақани ёритишда ўзларининг Германия фуқаролигини тасдиқловчи ҳужжатларини яширишга мажбур бўлмоқдалар.

Германия, Америка билан бирга, ҳозирда яҳудий вужудини энг муҳим ҳимоячиларидан бири ҳисобланади. Шуниси эътиборга лойиқки, немис канцлерининг Украина урушини фаол тарзда қўллаб-қувватлаш хавфли эканини жуда яхши англаётгани кўриниб турибди. У Германия ҳимояси учун Украина урушида уришаётган томонлардан бири бўлиб қолишдан жуда эҳтиёт бўляпти. Аммо бу эҳтиёткорлиги Яқин Шарқ курашида кўринмаяпти. Аксинча, немис ҳукумати азбаройи яҳудий вужудининг омон қолиши учун Германиянинг ички хавфсизлигини хавф остига қўйишга тайёр турибди. Босқинчи вужудга кўрсатаётган сиёсий, иқтисодий, дипломатик, маънавий ва ҳарбий ёрдамини ҳисобга олсак, баъзи қуролли ташкилот ва жамоалар Германияни уришаётган тараф сифатида қабул қилишлари ажабланарли эмас.

Золинген ва Мюнхендаги сўнгги воқеалар мантиқсиз сиёсат натижасидир. Бегуноҳ инсонлар мамлакатнинг ўз халқи томонидан ҳам қабул қилинмайдиган хаёлий «миллий манфаат» йўлида қурбон қилинмоқда. Немис ҳукумати исломчилик ва миграция ҳақидаги мунозаралар билан одамлар эътиборини ўз жавобгарлигидан чалғитиш, уларни мусулмонларга қарши қайраш ҳамда ижтимоий тинчликнинг барбод бўлишини қабул қилиш ўрнига, яҳудий вужудини қўллаб-қувватлашни бутунлай ва имкон қадар тезроқ тўхтатиши керак.

Германия бир қарорга келиши керак: тарихга шафқатсиз ва тажовузкор мустамлакачилик тарафдори сифатида киришни ва унга рақиб душман сифатида қаралишини истайдими? Ёки эс-ҳушини йиғиб, эртанги кунда Ислом Халифалигига дуч келишини ва яҳудий вужуди чанг каби йўқ бўлиб кетишини англаб етадими?

﴿قَدۡ بَيَّنَّا لَكُمُ ٱلۡأٓيَٰتِۖ إِن كُنتُمۡ تَعۡقِلُونَ﴾

«Агар ақл юргизсангиз сизлар учун оят-аломатларни аниқ-равшан қилиб бердик»                                                                               [Оли Имрон 118]

Ҳизб ут-Таҳрирнинг немис тилида сўзлашувчи минтақалардаги матбуот бўлими