بِسْمِ اللهِ الرَّحْمٰنِ الرَّحِيمِ

Матбуот баёноти

Қуддус мажбурий кўчириш билан сабот билан туриш ўртасида

Яҳудий суди қарорини кутаётган Қуддуснинг Тур маҳалласида яшовчи ярми болалардан иборат 70га яқин фаластинлик мажбурий кўчирилиш хавфига юз тутмоқда. Бино рухсатсиз қурилгани сабабли хонадон соҳибларига бинони тарк этишлари учун бир ҳафта муҳлат берилган. Улар ё рухсат олиш учун 200000 шекель (тахминан 65000 АҚШ доллари) тўлайдилар ёки ноябр ойининг охирига қадар бинони ўзлари бузадилар ёки икки миллион шекель (тахминан 650000 АҚШ доллари) харажат билан бино давлат томонидан бузилади.

Ушбу беш қаватли бино Жабали Зайтун номи билан ҳам танилган Тур маҳалласида жойлашган бўлиб, у ерда 10 нафар оила 70 нафар инсон истиқомат қилади. Ҳудуддаги бошқа уйлар қатори бу бино ҳам рухсатсиз қурилган. Бузилишга қаршилик кўрсатиб келган бино соҳиблари рухсат олиш учун қайта-қайта мурожаат қилиб, деярли тўққиз йил судма-суд юришган. Бироқ ҳар сафар яҳудий вужуди турли сабабларга кўра уларнинг аризаларини рад этиб келади.

Қуддуснинг Тур ва бошқа маҳаллаларида рухсатсиз бинолар қурилганлиги одамларни рухсат олишни истамаганликларидан эмас, балки яҳудий ҳукуматининг рухсат бермаганлигидан ва ўзи босиб олган Шарқий Қуддуснинг бир қисмида маҳаллалар қурилишини истамаганлигидандир. Чекланган режалаштириш тизими фаластинликларнинг рухсат олишларини деярли имконсиз ҳолга келтирмоқда… Бу ўз навбатида, айни маҳаллаларда аҳоли сони ғоят кўп бўлган бир пайтда, зарурий уй-жой, инфратузилма ва турмуш шароитларини яхшилашга тўсқинлик қилмоқда. Шундан кейин рухсатсиз қурилиш, деган баҳона билан босқинчи ҳукумат мажбурий кўчириш ҳамда бу ва Қуддуснинг бошқа маҳаллаларида бузиш сиёсатини қўлламоқда. Шубҳасиз, бу сиёсат босқинчиларнинг муборак шаҳарни аҳолидан тозалаш режаси доирасига киради. Уларнинг суд тизими эса, бу режанинг ижро этилиши учун қонуний дастак бермоқда. Дарҳақиқат, Фаластин аҳолисига Шарқий Қуддуснинг атиги 12 % майдони уй-жой қуриш учун ажратилган ва бунинг муқобилида, яҳудий келгиндиларга 42 % майдон уй-жой қуриш учун ажратилган. Яҳудийлар учун бир неча режалар ва йирик турар-жой лойиҳалари таклифи киритилган бўлиб, буларнинг барчаси бутун Қуддусга тўлиқ ҳукмронлик қилишга қаратилган. Қуддусни шарқи ва ғарбини ўз ичига олувчи ҳалқа йўли қурилиши ҳам айни режалардан биридир. «Америка йўли», деб аталган қурилишнинг учинчи босқичида Жабали Зайтун ва у ердаги мазкур Тур маҳалласидан туннель ўтказиш режалаштирилган.

Бу сиёсатдан энг кўп ушбу маҳалла ва хонадонларда яшовчи аёллар ва болалар зарар кўрмоқда. Улар қўрқув ва хавотирда ҳаёт кечириб, барқарорликдан бебаҳра қолдилар. Яҳудийларнинг рухсати йўқлиги сабабли гоҳ кўчириш, гоҳ уй-жойларини бузиш таҳдиди остида яшамоқдалар. Бу босқинчилар уларни моддий ва ҳиссий жиҳатдан ҳолдан тойдиришмоқда… Бу нарса уларнинг ҳаётига салбий таъсир кўрсатмоқда.

Бу жиноятлар уларни ёрдамсиз қолдирган ҳамда Қуддус ва муқаддас даргоҳларга ёлғон кўз ёши тўкаётган мунофиқ ҳукмдорларнинг кўз ўнгида бўлмоқда. Уларнинг биринчи сафида Фаластин маъмурияти ҳукмдорлари бўлиб, яҳудийларнинг ушбу режалари ва мустамлакачилик лойиҳалари олдида улар қўрқоқлик ва ожизлик позициясини эгаллашган. Улар уй-жой ва бошпанасиз ялангликка қолган аёллар ва болаларнинг ноласи қаршисида кўзларини кўр, қулоқларини кар қилиб олишди. Қуддусни ҳимоя қилиш тўғрисида оғиз кўпиртириб мақтанаётганлар ҳам, Қуддусга, Фаластинга ва фаластинликларга қарши анави жирканч босқинчиларнинг ричагига айланганлар ҳам мана шу маъмурият ҳукмдорларидир.

Эй Фаластин аҳли, эй ушбу уй-жой эгалари!

Сизларни БМТ ёки халқаро суд қарорлари, инсон ҳуқуқлари ташкилотлари ҳамда хиёнат ва хорликка рози бўлган рувайбизалар асло қутқармаслигини яхши биласиз. Ислом билан ҳукм юритадиган ҳамда барча душманлар ва тил бириктирувчиларни йўқ қиладиган давлатгина ҳимоя қилишини ҳам биласиз. Ушбу давлатнинг барпо бўлиш куни эса, зулм ва зулмат қанчалар кучаймасин, Аллоҳнинг изни ила яқиндир. Шундай экан, ниятни холис қилинг. Нусрат карами кенг, қудрати улуғ зот ҳузуридангина келади.

﴿وَمَا النَّصْرُ إِلاَّ مِنْ عِندِ اللهِ الْعَزِيزِ الْحَكِيمِ﴾

«Нусрат фақат Азиз-кучли Ҳаким-доно Аллоҳ ҳузуридан келур» [Оли Имрон 126]

Ҳизб ут-Таҳрирнинг марказий матбуот бўлими аёллар қаноти