Россия билан яқинлашишнинг оқибати ҳеч қачон яхшиликка олиб бормайди!

بِسْمِ اللهِ الرَّحْمٰنِ الرَّحِيم

Хабар: “Ўзбекистонга расмий сафар билан келган Россия мудофаа вазири Сергей Шойгу 28 апрель куни ўзбекистонлик ҳамкасби Баҳодир Қурбонов билан 2021-2025 йилларга мўлжалланган ҳарбий соҳадаги стратегик ҳамкорликка доир икки томонлама дастурни имзолаган. Кремль Ўзбекистонни КХШТ доирасидаги тадбирларга жалб этмоқчи эканини ҳам айтмоқда”. (“Озодлик” радиоси 28.04.2021й)

Изоҳ: Ўтган беш йиллик воқеаларга назар ташласак, Россиянинг Шом аҳли устига тонналаб бомба ёғдириб ёш гўдакларни, аёлларни ва қарияларни қираётган жиноятчи, золим ҳукумат эканлиги ҳеч кимга сир бўлмай қолган. Қолаверса, Қримни босиб олганидан бери мусулмон эркагу аёлларни шавқатсизларча таъқиб қилаётган, асир олаётган, ҳамон зулмини давом эттираётган ўша қонхўр ҳам, ўз диндоши бўлган Украина халқини оромини бузиб, чегара олди ҳудудларга аскар, ҳарбий техникасини юбораётган ҳам, ўз манфаати йўлида қулликни ёқлайдиган ва уни рағбатлантирадиган ҳам шу рус ҳукуматидир. Бутун дунё бўйлаб Ислом аҳлига қаратилган исёнларни қўллаб-қувватлаб турган ва буни барчага очиқ-ойдин, ошкора эълон қилаётган ёки бизнинг юртлардан бир тишлам нон топиш илинжида иш излаб борган ишчи муҳожирларга патент нархларини кўтариб, юртдошларимизни топган пулларини тортиб олаётган қароқчи ҳам ушбу рус ҳукуматидир.

Шуларга қарамасдан, Ўрта Осиёнинг малай ҳукмдорлари Россия Федерацияси мудофаа вазири Сергей Шайгуни очиқ чеҳра билан кутиб олганини  қандай тушуниш мумкин? Ўрта Осиё ҳукмдорлари у билан ҳамкорлик қилишни ўзлари учун шараф, деб ҳисобламоқдалар.  Ваҳоланки, Россиянинг сўнгги икки асрлик тарихига назар солсак, унинг қадами етган юртларга яхшилик ҳам, тинчлик-омонлик ҳам бормаган. Аксинча, у ўзи билан вайронагарчилик, ўлим, таъқиб ва тазйиқ олиб келган. Бунга ўз тарихимиздан ёрқин далиллар тўлиб ётибди. Бизнинг ҳукмдорларимиз эса, азизликни рус ҳукуматидан умид қилмоқдалар. Мусулмонларнинг азизлиги хусусида Аллоҳ Субҳанаҳу шундай марҳамат қилади:

وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ

– “Ҳолбуки, куч-қудрат Аллоҳники, Унинг пайғамбариники ва мўминларникидир”.                                                    (Мунофиқун:8)

Биз ушбу воқеликка ўз хушёрлик марказимиз бўлган Ислом ақидасидан туриб айтамизки, мусулмонлар бир умматдир, уларнинг фикр юритишлари ҳам, дунёқарашлари ҳам, тинчлиги ҳам, ҳаётларидаги ўлчовлари ҳам биттадир. У Ислом (система) мабдасидир. Шундай экан, муаммоларимизга ечим излашда кофирларни қиблагоҳ қилиб олиш очиқ ҳаромдир. Аллоҳ Таоло бу ҳақда Ўз каломида шундай дейди:

يَاأَيُّهَا الَّذِينَ آمَنُوا لَا تَتَّخِذُوا بِطَانَةً مِنْ دُونِكُمْ لَا يَأْلُونَكُمْ خَبَالًا وَدُّوا مَا عَنِتُّم

– “Эй мўминлар, ўзларингизни қўйиб, (у мунофиқларни) сирдош дўст тутманглар! Улар сизларга зарар етказишда кучларини аямайдилар ва ёмон ҳолга тушишингизни орзу қиладилар”.            (Оли Имрон:118)

Дунёнинг барча ерларида уруш келтириб чиқараётган, мусулмонларни қираётган ва уларни ўлдириш режасини чизаётган ушбу мустамлакачилардир. Бас, шундай экан, юртларимизга тинчлик олиб келишни улардан қандай қилиб кутамиз? Юртларимизга кўз олайтираётган барча мустамлакачи давлатларни ўз ишларимизга аралашишдан ман қилишимиз, ҳатто қадам изларини ҳам супуриб ташламоғимиз даркор. Бу нарса эса, аждодларимизни азизликка олиб чиққан ягона йўл – Исломнинг илоҳий қонунларини ҳаётга олиб келиш билангина амалга ошади. Шунда унинг соясида барча халқлар, шу жумладан, Ўрта Осиё халқлари ҳам тинчлик ва омонликка эришиб, бахтиёр ҳаёт кечирадилар. Аллоҳ Таоло айтади:

وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ

– “Аллоҳ Ўз ишида ғолибдир (яъни Уни Ўзи хоҳлаган ишни қилишдан ҳеч ким маън қила олмайди), лекин одамларнинг кўплари (буни) билмайдилар”.                                                            (Юсуф:21)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

06.05.2021й