Матбуот баёноти

Россияда покиза муслималар қамоққа олинмоқда ва камситилмоқда!

Россия матбуоти 2024 йил 18 сентябр куни Татаристонда тўрт нафар муслима аёлнинг уйларига босқин уюштирилгани ва Ҳизб ут-Таҳрирга аъзоликда айбланиб, ҳибсга олинишгани ҳамда Россия Федерал қонунининг 205\5 моддасига мувофиқ ўн йилдан зиёд қамоқ жазосига ҳукм қилинишлари мумкинлиги ҳақида хабар берди.

Лейсан Содикова, Алия Ваисова, Алсина Хайруллина ва Албина Валиахметовадан иборат бу опа-сингилларимиз Қозон шаҳридаги Вахитовский район судига камситилган суратда, яъни қўллари кишанланган ва Россия махсус хавфсизлик кучлари қўриқлови остида олиб келинди, худди жамиятга таҳдид туғдираётган жиноятчилар каби!

Хавфсизлик идоралари бу аёллар болаларнинг онаси экани ҳақидаги ҳимоячининг илтимосини ҳам, тергов тугагунига қадар уларни уй қамоғида сақлаш учун кўрсатган бошқа сабабларни ҳам умуман инобатга олмади. Аксинча, уларни халқаро Халифалик таълимотидан келиб чиққан ғояларни 2019 йилдан, яъни беш йилдан бери тарқатиш ва унга тарғиб қилишда айблаб, ҳибсда ушлаб турилишини ва қамоққа ҳукм этилишини қаттиқ талаб қилди. Яъни хавфсизлик хизмати бу аёлларнинг фаолиятидан хабардор бўлган, аммо шунча вақтдан бери қамоққа олмаган эмиш!

Шунинг учун ҳам ушбу моддага асосан ҳибсга олинишлари уларнинг жамият учун ҳеч қандай хавф туғдирмаслигини, ҳибсга олинишларига «террорчи» ташкилот таркибида фаолият юритганлари сабаб бўлмаганини, аксинча, Россия хоссатан мусулмонларни ва умуман олганда жамиятни террор қилишни ўз олдига вазифа қилиб олган Совет давридаги КГБ менталитети асосида уларнинг устидан ҳукм чиқарганини англатади.

Россия хавфсизлик хизмати оталарни Ҳизб ут-Таҳрирга аъзоликда айблаб, узоқ муддатга қамоқ жазосига ҳукм қилиш орқали уларни фарзандларидан ажратиш билангина кифояланмади. Бунга 1916 йилдан бери қамоқда қолаётган икки фарзанднинг отаси Амир Валиахметовни мисол қилиб келтириш мумкин. Бугун эса мусулмонларга ва бутун жамиятга қўрқув солиш мақсадида Амир Валиахметовнинг рафиқаси Албина Валиахметовани ҳам қамоққа олиш билан болаларни биратўла отасидан ҳам, онасидан ҳам ажратишди.

Бугун Россия билан муносабатларини ҳамон сақлаб келаётган исломий юртлар ҳукмдорлари ва ташкилотлар қамоқдаги покиза муслималарни озод этиш учун Россияга босим қилишлари, агар озод этмаса алоқани узишлари даркор. Аммо улар Россия билан муносабатларини ўзлари учун муслималардан ва гўдакларининг йиғисидан афзал деб ҳисоблайдиган бўлсалар, у ҳолда, биз Аллоҳдан бу золимлар ва гумашталарини айни жиноят учун икки дунёда хор қилишини сўраймиз. Аллоҳ Таоло айтади:

﴿وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ﴾

«Улар (мўминлардан) фақат (мўминлар) қудрат ва мақтов эгаси бўлган Аллоҳга иймон келтирганлари учунгина ўч олдилар!»                      [Буруж 8]

Ҳизб ут-Таҳрирнинг марказий матбуот бўлими аёллар қаноти