Ҳизб ут-Таҳрирнинг амир бўлими аъзоси улуғ олим Абдулҳодий Фоур Абу Маҳмуд роҳимаҳуллоҳ таъзияси
Ҳизб ут-Таҳрирнинг амир бўлими аъзоси улуғ олим
Абдулҳодий Фоур Абу Маҳмуд роҳимаҳуллоҳ таъзияси
Ҳизб ут-Таҳрирнинг амир бўлими аъзоси улуғ олим Абдулҳодий Фоур Абу Маҳмуд роҳимаҳуллоҳнинг вафот этгани тўғрисидаги хабар, унинг аҳбоблари, шогирдлари ва даъватни етказишда ўнлаб йиллардан бери яхши таниган кишилар учун кутилмаган фожеа бўлди. Зеро, марҳумнинг оёқлари Аллоҳнинг динига нусрат-ёрдам бериш ва калимасини олий қилиш йўлида чанг бўлган-қаварган эди. У киши Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлашга даъват қилиб, Пайғамбаримиз САВ йўлларидан юрди, Ҳизб ут-Таҳрир амирларига ҳамроҳлик қилиб, ҳаётлари давомида уларга кўмакчи бўлди… Унинг жуда кўп меҳнатлари фақат ҳамма нарсадан хабардор ва ҳар бир нарсани билиб турувчи Аллоҳнинг Ўзига маълум ва замони келиб, бу меҳнатлари юзага чиқса ҳам, ажаб эмас. Дарҳақиқат, даъват марҳумнинг ҳар кунлик одати, қаерга борса ишлатадиган қуроли эди. Бу даъватининг олдига улкан тоғлар ҳам, дарёлар ҳам, чегаралар ҳам, жосуслар ҳам тўғаноқ бўлолмади. Натижада, марҳум Сурия, Ливан, Иорданиядан тортиб, Покистон, Ўзбекистон, Қирғизистон ва бошқа исломий ўлкаларга қадар даъватни олиб бордилар.
Марҳумнинг биродарлари шундан ҳайратга тушдики, унинг таъзия йиғинлари ҳатто Триполидаги Бадовий ва Абу Самрода, Байрутда, Айнул Ҳилва лагерида ва Сайдо лагерида уюштирилди. Наҳрул Борид лагеридаги уни таниганларнинг кўпчилиги ўз лагерларида таъзия уюштирилмаганидан нолидилар, имкон қилган аҳбоблари тезда сафар қилиб, жанозага етиб келдилар, имкон қилолмаганлар таъзиянома юбордилар.
Таъзия йиғинларида марҳумга марсия айтганларнинг кўпчилиги, у кишининг фазилатларини санаб ўтди… Сўнг марҳум даъватнинг байроқларидан бири ва илмига амал қилган олим бўлганига барча ижмо қилди. Унинг мақтовли хислатлари жумласидан бири, бирга ўтирган кишига Аллоҳ ва охират кунини эслатарди, мулойим ва оқкўнгил эди, юзларидан табассум аримасди, жаҳли чиқмасди, фақат Исломнинг эҳтиромли нарсалари бузилсагина ғазабланарди.
Бадовий лагерида марҳумнинг жаноза намозига жуда кўпчилик келиб, Халилур Раҳмон жомеига тўлиб-тошдилар. Имом-хатиб шайх Марвон марҳумга йиғлаб қилган ўзининг маърузаси билан унинг яқинлари хотираларини ҳаяжонга солди. Сўнг қатор таъзиячилар сўзладилар. Эртаси куни таъзия қабул қилиш Халилур Раҳмон жомеи хонақосида ўтказилди ва жанозага келолмаганлар ўша ерга келишди. Қатор қилинган маърузаларда марҳумнинг айрим хислатлари санаб ўтилди. Асосан, марҳум сукут билан иш олиб борарди, юртма-юрт ҳеч эринмай, малолланмай кезиб, одамларни рошид Халифаликни барпо этиш орқали динни қоим қилишга даъват қиларди. Аллоҳ Субҳанаҳунинг эртами-кечми Ўз ваъдасини албатта бажаришига чуқур ишонгани учун ҳам, доим юзлари чароғон, қалблари хотиржам юрарди.
Учинчи кун таъзия йиғини Ҳизб ут-Таҳрирнинг Абу Самро-Триполидаги идорасида ўтказилди. Унга ҳурмат-иззатли инсонлар ва сиёсий арбоблар ташриф буюриб, марҳумнинг Пайғамбарлик минҳожи асосидаги Аллоҳга даъват этишда қилган амалларини юксак баҳоладилар.
Айни Ҳалва лагеридаги таъзия йиғинини Ҳизб ут-Таҳрир 2015 йил 6 декабр якшанба куни аср намозидан сўнг ўтказди. Унга бир қатор таъзиячилар вакиллари ташриф буюрди: Айни Ҳалванинг муҳтарам оқсоқоллари, исломий кучлари, маҳалла қўмиталари, фаоллар ва ҳурматга лойиқ ажойиб ёш йигитлари ва марҳумнинг ўша ердаги қариндошлари… келишди. Таъзияда Абу Маҳмудни таниган инсонлар таъсирли маърузалар қилишди ва марҳумга Робби Субҳанаҳу ва Таоло даргоҳида яхшилик бўлиши учун у тўғрисида ҳақ-рост гувоҳлик беришди.
Байрутдаги таъзия йиғини Хошақжий жомеида ўтказилиб, жума намозидан сўнг бошланди ва шомгача давом этди. Жоме ҳурмат-иззатли инсонлар ва сиёсий арбоблар билан тўлиб-тошди. Уларнинг айримлари Сайдодан келган бўлса, айримлари бошқа ерлардан келди.
Аллоҳим, марҳумни муборак манзилга туширгин, Сен ўзинг энг яхши (манзилларга) туширгувчи Зотсан. Аллоҳим, Ўзингдан ёлвориб сўраймиз, уни кенг марҳаматинг билан бурка, бепоён жаннатингга жойлаштир. Барчамизни қиёмат куни Пайғамбаримизнинг байроғи остида Абу Маҳмуд билан ҳамда илгари ўтганларимиз билан жамлагин, ул зотга берадиган ажрингдан бизни ҳам маҳрум қилмагин, бизни ул зотдан сўнг фитнада қолдирмагин, рошид Халифаликни кўришга насиб айлагин, бу иш Ўзинга осон ва бунга Ўзинг қодирсан.
