Шом қўзғолони Умматнинг ҳазорат-маданиятга оид онгли йўлдаги ташлаган катта қадамидир
بِسْمِ اللهِ الرَّحْمنِ الرَّحِيمِ
Роя газетаси:
Шом қўзғолони Умматнинг ҳазорат-маданиятга оид онгли йўлдаги ташлаган катта қадамидир
Ҳижрий 1438 йил 3 зул-қаъда, милодий 2017 йил 26 июл чоршанба куни «Аср» журнали сайти «Қўзғолон жанг майдонида зиёнга учрашдан олдин, онг майдонида зиёнга учраб бўлди» сарлавҳали қисқа мақола чоп этди. Мақолада бундай сўзлар келган:
«Америка ўз гуруҳларини машқдан ўтказди ва уларни молиялаштирди, сўнг улардан воз кечди, Туркия Шимолдаги гуруҳларни қўллаб-қувватлади ва уларни ҳолдан тойдирувчи урушларга олиб кирди, руслар билан ғоят яқин бўлиб, уларга Ҳалабни ўз назоратларига олишлари учун замин тайёрлаб берди, Саудия ва Қатар томонидан қўллаб-қувватланаётган шахслар ҳам Давҳа мағлубияти ортидан тентираб юришлари учун ўз тақдирларига ўзлари ташлаб қўйилди… Қўллаб-қувватловчи давлатлар ўзларининг назорати остидаги гуруҳларни йўқолиш ботқоғига ботириб, йўлларини бошқа-бошқа қилиб ташлади.
Қўзғолон ҳали жанг майдонида зиёнга кирмай туриб, онг, тушунча, идрок ва тасаввур майдонидаёқ зиёнга учради, унинг айрим таниқли ёзувчилари худди адабий иборалар ёзаётгандек, бу кураш билан соддалик ва ғофиллик билан муносабатда бўлишяпти.
Қўзғолоннинг пешқадам тадқиқотчиларию зиёлийлари қайда қолди, ахир, улар телеэкранларни, форумларни тўлдириб олиб, мақолалари ва назариялари билан тобеларини бошини айлантиришган эдику?!
Илму ҳикмат эгалари, тарих солиштирувчилари, ваъзу иршоддан бошқа нарсани билмайдиганлар қайда қолди?! Ахир, қўзғолон ғарқ бўлмоқда, уни тортиб оладиган ғамхўри, қутқарувчи коалицияси борми?!
Улар стратегик мувозанатлар, кескинлик коалициялари, қўзғолоннинг тақдири ҳақида қофияли, аммо бачкана-сохта сўзлар гапираётгандилар, одамларни қуруқ умид ва хомхаёлларга гирифтор қилишаётганди».
Роя газетаси шарҳи:
Мақола муаллифининг гаплари «араб баҳори» интифозалари тўлқинига тўғри келади. Бу тўлқинлар Тунисдан бошланиб, Миср, Ливия ва Яманга қадар чўзилганди. Ўшанда айни юртлар қўзғолончилари кураш аслида мустамлакачи кофир Ғарбга қарши кураш эканини онгли равишда тушунишмади ва мана шу нарса айни халқларнинг режимни ағдариш талабини барбод қилди. Бу юртларда режим раҳбари ўзгартирилди, аммо бу нарса ҳокимият ва бошқарув устидан ҳукмронлик қилаётган Ғарбга бўлган тобеликнинг якун топганини англатмайди.
Жаноб Муҳаммад Мурсий – Аллоҳ асирликдан қутқарсин – ҳарбий разведка раиси Сисийга ишонди ва уни мудофаа вазири қилиб тайинлади, ундан олдин эса, Ихвонул Муслимин ўтиш даврида ўзининг ҳарбий кенгашга раҳбарлик қилишига ишонди, ваҳоланки, бу кенгаш Америка қўғирчоғи эди… Бу ҳодисаларнинг барчаси Тунисдаги ҳодисалардан фарқ қилмади. У ерда ҳам Наҳза ҳаракати Ибн Али ўрнига Сабсийнинг қайтишига рози бўлди, ваҳоланки, Сабсий Бурқибани яқин кишиси эди.
Ҳақиқат аслида шундан иборатки, бу кучли халқ интифозаларида, гарчи халқнинг тоғут коррупциячи режимлардан халос бўлиш истаклари исботланган бўлса-да, бироқ бу интифоза етакчиларида сиёсий ҳазорий онг йўқлиги аллақачон фош бўлди. Ваҳоланки, бу етакчиларни одамлар ечим Исломдир шиори остида сайлашганди.
Аммо бунинг муқобили ўлароқ, биз бутун Уммат тақдири ҳақида сўз юритяпмиз, у ер, бу ердаги маълум шахслар тақдири ҳақида эмас. Сурия қўзғолонидаги айрим нодон ёки бузуқ-порахўр етакчилар «манфаатлар кесишуви», деган сохта нарсаларга чақиришди-ю, бироқ Афғонистондаги ўзларидан аввалгилар ҳолидан сабоқ чиқаришмади, бу ҳам етмагандек, улар беҳуда, балки ёвуз ички урушларга аралашишди… Мана шуларнинг барчаси Уммат курашини мустамлакачи Ғарб ҳукмронлигига қарши курашга айлантирувчи кенгқамровли лойиҳа бу етакчиларда йўқлигини кўрсатди. Зеро, бундай лойиҳа Ғарб ҳукмронлигидан озод бўлиш учун аввало шу Ғарбга малай бўлган ҳукмдорлардан қутулмоқ лозимлигини кўрсатади. Бу ҳукмдорлар Форс Кўрфази давлатларидан тортиб, Туркиягача бўлган юртлардаги ўзларини қўзғолончиларга дўст, дея даъво қилаётган раҳбарлардир.
Хулласини айтадиган бўлсак, аччиқ ва машаққатли бўлса-да, бугунги ташланаётган кенг қадам, Умматнинг онгли йўлидаги қадамидир. У эртага бўлажак силкиниш учун– Аллоҳнинг изни ила – замин тайёрловчи қадамдир, унга қадар албатта сохта хаёллар барбод бўлиб, ўтган ва бўлаётган ишлардан сабоқ чиқарилади, ибрат олинади. Эртанги кун эса, кутувчи учун яқиндир.
Роя газетасининг 2017 йил 9 август чоршанба кунги 142-сонидан
