Матбуот баёноти

Шом тоғути қамоқхоналаридан ошкор қилинган даҳшатли манзаралар Уммат фарзандлари қалбида шундай бир оловни алангалатмоғи лозимки, бу олов ҳукмдорларни ёндириб, уларни йўқ қилсин

Тоғут Башар Асаднинг қочиб қолиши ҳамда унинг зулматли ҳокимиятининг ағдарилиши ортидан сўнгги кунларда мусулмонлар қалбини оғритган даҳшатли манзаралар ошкор бўлди. Мусулмонлар режим томонидан ўз биродарларига нисбатан зиндонларда қилинган ваҳший қийноқларга, шунингдек, ўнлаб йиллар давом этган асирлик, очлик, зулм ва шафқатсиз қийноқларнинг қанчалик ғайриинсоний бўлганига гувоҳ бўлдилар. Қамоқхоналарда содир бўлган очлик, қийноқ, шафқатсизлик ва қотилликлар нафақат бир давр учун, балки бутун инсоният учун сабоқ бўлади. Озодликка чиққанлар томонидан тасвирланган даҳшатли қатл ҳолатлари бу шафқатсизликнинг кўламини ошкор қилди. Седная қамоқхонаси зулм ва шафқатсизлик қалъаси сифатида ҳар куни ўнлаб бегуноҳ инсонлар ҳаётини олиб кетди. Ўртада қийноқлар, зўрлаш ва инсон қадр-қимматини оёқ ости қилиш ҳақидаги ҳикояларни қолдирди. Бу ваҳшийликни эшитган ҳар қандай киши, бу жирканч ишларни қилганлар наҳотки одам фарзанди бўлса? – деган саволни ўртага ташламоқда. Шубҳасиз, бу ваҳший ишларни амалга оширганлар Аллоҳнинг ғазабига ва Унинг аламли азобига ҳақлидирлар. Аллоҳ Таоло айтади:

﴿وَٱلَّذِينَ يُؤۡذُونَ ٱلۡمُؤۡمِنِينَ وَٱلۡمُؤۡمِنَٰتِ بِغَيۡرِ مَا ٱكۡتَسَبُواْ فَقَدِ ٱحۡتَمَلُواْ بُهۡتَٰنٗا وَإِثۡمٗا مُّبِينٗا﴾

«Мўмин ва мўминаларга бирон гуноҳ қилмасликларидан озор берадиган кимсалар ҳам бўҳтон ва очиқ гуноҳни ўз устларига олибдилар»                                                                       [Аҳзоб 58]

Бу биргина Асадлар оиласи режимининг ҳолати эмас, балки мусулмон юртларидаги мавжуд зараркунанда режимларнинг ҳар бирида шу аҳвол. Кофир Ғарб мустамлакачилар томонидан Уммат елкасига миндириб қўйилган бу режимлар Умматга қарши даҳшатли жиноятларни амалга ошириб келишди ва ҳамон амалга оширишмоқда.

﴿وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ﴾

«Улар (мўминлардан) фақат у (мўмин)лар қудрат ва мақтов эгаси бўлган Аллоҳга иймон келтирганлари учунгина ўч олдилар!»                                                                         [Буруж 8]

Бизнинг юртлардаги мавжуд режимларнинг барчаси полициячи режимлар бўлиб, зулм, зўравонлик ва туғён устига қурилган. Ҳар бири Умматга, унинг озодлик истакларига ва Ислом бошқарувига қарши душманликда бир-бирларидан фарқ қилмайдилар. Улар Умматнинг ўз ҳокимиятини қайтариб олиб, Халифаликни барпо этишини олдини олиш учун ҳар қандай шафқатсизлик ва азоб-уқубатларни аямайдилар.

Бу шафқатсизлик ва қийноқ манзаралари мусулмонлар қалбида ҳукмдорларга нисбатан ҳеч қачон сўнмайдиган нафрат оловини ёқиши лозим. Бу олов золим режимларни ағдариб, Пайғамбарлик минҳожи асосидаги рошид Халифаликни барпо этмагунимизча, шунингдек, Умматга унинг қадр-қиммати ва улуғворлигини қайта олиб бермагунимизча сўнмаслиги керак. Зеро, Халифалик куч-қудрат ва иззат-шарафдир, халифа эса кечаю кундуз Уммат манфаати учун меҳнат қиладиган раҳбардир.

﴿وَيَوۡمَئِذٖ يَفۡرَحُ ٱلۡمُؤۡمِنُونَ﴾

«Ўша кунда мўминлар шодланурлар»   [Рум 4]

Ҳизб ут-Таҳрирнинг марказий матбуот бўлими

+1

0

Related posts:

Ҳизб ут-Таҳрир Уммат ичидан чиққан бўлиб, Умматга хизмат қилади Умматнинг инқироздан халос бўлиши ва шаънини сақлаб қолиши фақатгина Ислом йўлига эргашиш билан амалга ошади Уммат инқироздан қутулиши ва қадр-қимматини сақлаши учун фақат Ислом йўлига юриши лозим Муборак заминдан Исломий Уммат уламоларига НИДО