Сиз кимнинг розилигини истаяпсиз ёки ким учун яшамоқдасиз?

بِسْمِ اللهِ الرَّحْمٰنِ الرَّحِيم

Балки бу савол ким учундир кўп марта такрорланадиган саволлардан бири бўлиши мумкин. Лекин эътибор берилса, бу савол берилмаган ва ўзи ҳам бу савол устида бош қотирмайдиган инсонлар ҳам йўқ эмас. Умуман олганда, бу савол ҳар қанча кўп марта берилишга ва кўпчиликка етиб боришга арзийди.

Албатта бу ердаги розилик исташ тўғрисидаги савол шу ҳаётда яшаш жараёнида ёки ўз ҳаётингизни сарф қилиб кимни рози қилмоқчисиз, деган маънода сўралди. Агар бу саволга ўйланиб қолган бўлсангиз, унда жиддийроқ ўйланинг, чунки бу оддий савол эмас ва сиз оддий жавоб изламаяпсиз. Бу саволни доимо ўзимизга беришимиз керак бўлса, ҳар бир амалимиз устида шу савол тўғрисида фикрлашимиз керак. Чунки ҳаёт ўйинчоқ эмас. Ҳаётда яшашдан кўзланган мақсад бўлиши шарт.

Кимнинг розилиги учун яшаётганингиз тўғрисида фикрлаш шунчалик муҳимки, ҳаётингиз шу жавоб устида шаклланади. Яъни ҳаёт шу йўлда фидо қилинади. Бу ерда фидо қилиш, деб шу жавоб бўйича яшаб ўтиш ёки умрини сарф қилиш назарда тутиляпти. Шунинг учун айтиш мумкинки, ким учун яшаётганингизни аниқлаб олинг. Кимлардир ҳеч кимнинг розилигига интилмайди, фақат ўз истаги бўйича яшашга ҳаракат қилади. Бу каби одамлар худди ўзлари учун яшаётгандек, бошқаларни рози қилиш учун яшамаётгандек. Лекин ҳаётда инсоннинг нафси учун яшаши ёки нафсининг розилиги учун ҳаёт кечириши, деган нарсалар ҳам бор. Умуман олганда, бу каби ва бошқа инсонларнинг розилиги учун яшаш инсон ҳаётини тўғри шаклланиши учун асос бўла олмайди.

Исломни таниш орқали ҳаётингизнинг тартиблашиши айнан мана шу саволга жавоб топилиши билан бошланади. Агар Ислом берган жавобда мустаҳкам туриб, яшаш тарзингизни шу асосда шакллантира олсангиз, бу сиз учун икки дунё саодатига эриштирувчи сабаб бўлади.

Яшашдан розилиги исталадиган Зот ягона Аллоҳдир. Шундагина сиз ҳаётингизни Аллоҳ розилиги учун шакллантирасиз. Барча соҳаларда, амалларингизда Аллоҳ рози бўладиган ўлчовни танлайсиз. Шу ўлчовга қараб амалларингизни бажарасиз ёки тўхтатасиз.

Ҳизб ут-Таҳрирнинг Ўзбекистондаги медиа офиси. Абдуллоҳ     

10.02.2020й