Сиз яшашда кимга кўпроқ ишонасиз, маҳлуққами ё Ҳолиққами?
Сиз яшашда кимга кўпроқ ишонасиз, маҳлуққами ё Ҳолиққами?
بِسْمِ اللهِ الرَّحْمٰنِ الرَّحِيم
Ҳозирги даврда инсонлар орасида динсизлик кучайиб, энг юқори нуқтага етиб бораётгани баробарида ҳаётлари ҳам бахтсизлик, изтиробларга тўлиб кетмоқда. Инсон қонун чиқарувчиликни даъво қилар экан, у ўзининг ожиз ақлига таянган ҳолда қонун ижод қилиши инсониятга кулфат олиб келишдан бошқа нарсага ярамади. Чунки инсон ақли борлиқдаги барча нарсаларни қамраб ололмайди, унинг муайян чегараси бор. Инсоннинг қонун ва тартиботлар ҳақидаги тушунчалари тафовутли, ихтилофли ва зиддиятли бўлиб, ўзи яшаб турган муҳитдан сўзсиз таъсирланади, бунинг натижада инсониятни бахтсизликка элтувчи зиддиятли тузумни вужудга келтиради. Агар ишонмасангиз ўзингиз яшаётган жамиятга қаранг. Хоҳланг Европа, АҚШ ва бошқа давлатлардаги жамиятларга қаранг. Қайси жамиятга қарашингиздан қатъий назар одамларнинг муаммоларига ечим берилмаганини ёки вақтинчалик ечим берилганини ёки берилган ечимларнинг нотўғрилигини кўрасиз.
Агар сиз ўз ишларингизни бошқаришни маҳлуққа, яъни инсонга топширишни афзал деб билсангиз, Аллоҳ Таолонинг ушбу хитобига қулоқ солинг:
قَالَ اهْبِطَا مِنْهَا جَمِيعًا بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى + وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى + قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا + قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى
– “Бас, сизларга Мен тарафдан Тўғри Йўл келганида ким Менинг Тўғри Йўлимга эргашса, йўлдан озмас ва бахтсиз бўлмас. Ким Менинг Эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни Қиёмат Кунида кўр ҳолда тирилтирурмиз. У: “Парвардигорим, нега мени кўр қилиб тирилтирдинг, ахир мен кўрар эдим-ку?!” деган эди, (Аллоҳ) айтди: “Шундай. Сенга Бизнинг оят-мўъжизаларимиз келганида уларни (“кўрмадинг”)-унутдинг. Бугун сен ҳам ана шундай “унутилурсан””. (Тоҳа:123-126)
Бу инсон ўз ҳаётини қандай ўтказиши тўғрисидаги Аллоҳнинг кўрсатмасидир. Ушбу кўрсатмага ишонасизми ёки ўзингизга ўхшаган бир ожиз инсоннинг кўрсатмасигами? Ваҳоланки, инсон чиқарган қонунлар билан эсингизни таниганингиздан бери яшаяпсиз. Бундай тузумнинг нотўғри ва адолатсиз эканлигини кўриб, ҳис қилиб ҳам тургандирсиз. Уни ислоҳ қилиш ҳам ҳеч қандай ўзгаришларга олиб келмаётганлигини тушунаётгандирсиз. Ҳатто қандайдир ўзгариш бўлаётган бўлса ҳам уларнинг барчаси юзаки эканлигини англаётгандирсиз.
Бироқ ҳеч нарсага қарамай, яна шу тузум билан яшашингиз, ундан умид қилишда давом этишингиз мумкин. Ўз Яратувчингизнинг хитобига эътибор бермаслигингиз ҳам мумкин. Аммо шуни ҳам унутмангки, ҳаётингиз боқий эмас, кўп ҳам эмас, у фақат бир марта берилади. Шундай экан, биргина савол ўйлантиради: бир марталик ҳаётни Ҳолиққа ишониб таваккул қилган маъқулми ё маҳлуққа ишониб таваккул қилганми? Ўйланинг…
Ҳизб ут-Таҳрирнинг Ўзбекистондаги матбуот бўлими. Абдуллоҳ
20.03.2021й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми