بِسْمِ اللهِ الرَّحْمٰنِ الرَّحِيمِ

Судандаги тошқинда уйлар вайрон бўлиб, одамлар нобуд бўлмоқда, ўтиш даври ҳукумати эса, кўрилган зиёнларни ҳисоблаш ва ёрдам беришга ваъда қилишдан бошқа ҳеч нарса қилмаяпти?!

«Франс 24» веб-сайти «ҳижрий 1442 йил 16 муҳаррам, милодий 2020 йил 4 сентябр жума куни» қуйидаги хабарни нашр қилди:

«Судандаги Нил дарёсининг сув сатҳи кўтарилиб, рекорд даражасига етди. Сув тошиб, уйларга кириши оқибатида 60 мингга яқин уй-жой вайрон бўлди, ўнлаб инсон нобуд бўлди. Мовий Нил сатҳи 17 метрдан ошиш билан, илгарги рекорд даражаларни янгилади».

Роя:

Ёмғир мавсуми ҳаммага маълум, ҳеч қачон кутилмаганда келмайди. Бироқ Судандаги кети узилмай келаётган омадсиз режимлар ҳар йили ёмғир оқибатини, шу жумладан, Нил тошқини олдини олиш учун ҳеч нарса қилмайди. Ваҳоланки, куз келмасдан олдин анҳор-ариқларни очиш ва жойларда Нил дарёси қирғоқларини кўтариш каби маълум чора-тадбирларни кўриш шу режимнинг вазифаси ҳисобланади. Бунинг ўрнига, ҳар йили мусибатлар такрорланади, юрт анча фуқаросидан айрилади, экинларни сув ювиб кетиб, чорвалар оч қолади, одамлар уй-жойсиз қолади… ҳукуматлар эса, мусибатларни томоша қилиб, кўрилган зиёнларни ҳисоб-китоб қилишдан бошқа нарсани билишмайди. Бу йил ҳам худди шундай бўлди. Инқилоб ортидан келган ва одамлар жиддий ўзгариш қилади, деб кутаётган янги ҳукумат оғмай, адашмай эски ҳукумат йўлидан юрмоқда. Мана, у ҳам кўрилган зиёнларни ҳисоб-китоб қилиб, сўнг офатдан олдин ҳам, кейин ҳам қилиши керак бўлган ишни қилмаяпти, ҳаммани нобуд бўлишга қўйиб беряпти.

Роя газетасининг 2020 йил 9 сентябр чоршанба кунги 303-сонидан