Сурия мухолафатининг Риёз конференцияси ҳамда Америка ва унга тобе ҳукмдорларнинг Шом аҳлини тиз чўктиришга уриниши

Саудия ҳукмдорлари Сурия мухолафатининг сиёсий ва ҳарбий қанотига 2015 йил 9-10 декабр кунлари Риёзда ўтказиладиган конференцияга чақириқ йўллади. Бундай чақириқ миллий коалицияга, Америка қўғирчоғи бўлган координацион ҳайъатга, Қоҳира конференциясининг баъзи аъзоларига ҳамда Жарба, Хатиб, Луай Ҳусайн сингари айрим мустақил фаолларга йўлланди. Бундан ташқари фуқароларни ҳимоя қилиш ҳайъати вакили Ҳайсам Раҳмат, муваққат ҳукуматдаги ички ишлар вазири генерал Аҳмад Али каби келиб чиқиши ва фикрлаши маълум бўлган шахслар, Исломий кенгаш вакили шайх Усома Рифоийга ҳам чақириқ йўлланди. Шунингдек, қуролли гуруҳлардан 15 нафар шахс ҳам, чақирилди. Зеро, конференцияни уюштиришдан кўзланган асосий мақсад шу эди. Америка ва унга тобе Саудия ҳукмдорлари конференцияга чақирилганлардан Америка чизиб берган сиёсий ечимга рози бўлишларини ва битимга имзо чекишларини исташмоқда. Булардан бошқа шахсларга келсак, Америка уларга олдиндан ишонади ва улардан муаммо чиқмаслигини билади.

Қуролли гуруҳлар қуйидагилардан иборат: Асола ва Танмия жабҳаси ва унинг етакчиси Иёд Муҳаммад Шамсий, Фирқатул ула саҳилийя (Биринчи соҳилбўйи двизияси) ва унинг етакчиси Башар Мулло, Фирқатус сания саҳилийя (Иккинчи соҳилбўйи двизияси) ва унинг етакчиси Муҳаммадҳожи Али, Суқур Жабал Завия ва унинг етакчиси Ҳасанҳожи Али, Суқурул Ғоб гуруҳи ва унинг етакчиси Муҳаммад Мансур, Файлақ Шомдан Фазлуллоҳ Ҳижий, шунингдек, Жайшул Мужоҳидиндан бир вакил, Жайшул Ҳурдаги жанубий жабҳадан беш вакил, Жайшул Ислом ва Ажноду Шом вакиллар, Ҳимсдан бир етакчи, Аҳрор Шом ҳаракати вакиллари.

Конференцияга чақирув матнида бундай дейилган: «Саудия Арабистони Сурия бўҳронининг сиёсий ечими тарафдоридир. У халқаро ҳамжамиятнинг 2015 йил 14 ноябрда ўтказган «Вена-2» конференцияси баёнотини қўллаб-қувватлайди. Шунингдек, баёнотда айтилгандек, сафларни бирлаштиришга ва 2012 йилги «Женева-1» баёнотига мувофиқ ҳукуматнинг ўтиш даври амалиётини бошлаш учун музокараларга ўз вакилларини сайлашга, музокарага оид позициясини белгилашга Сурия мухолафатининг аксар қатламларини тарғиб этади. Саудия Арабистони Сурия мухолафатининг турли қатламлари истаги бўлган ҳамда «Вена-2» гуруҳидаги аксар аъзоларнинг Сурия мухолафати конференциясига Саудиянинг мезбонлик қилиши билан боғлиқ талабларини қабул қилади. Шунга биноан, Саудия Арабистони Сурия мўътадил мухолафатининг барча қатламларини, жумладан, Сурия ичкариси ва ташқарисидаги бўлинмаларини, оқимларини, ирқий, мазҳабий гуруҳларини 2015 йил 9-10 декабр кунлари пойтахт Риёзда ўтказиладиган кенгайтирилган конференциясида иштирок этишга чақиради. Конференцияга чақириқ йўллаш халқаро фаол доиралардаги кўпчилик ҳамкорларнинг ва БМТнинг Суриядаги вакили Де Мистуранинг маслаҳати асосида амалга оширилди».

Дарвоқе, Риёз конференциясидан олдин Суриядаги гуруҳлар етакчилари йиғин ўтказиб, унда қуйидагича принциплар ҳақида ҳужжат қабул қилишган эди:

«Асад ва унинг барча арконлари ағдарилиб, улар одил халқаро маҳкамага топширилади. Режимнинг разведка ва ҳарбий ташкилотлари тарқатиб юборилади. Миллий соф асосда хавфсизлик ва ҳарбий ташкилот қурилади, бошқа ташкилотлар эса сақлаб қолинади. Ажнабий кучлар, Эрон инқилоб посбонлари корпуси ва Ҳизбуллоҳда гавдаланувчи мазҳабпараст ва террорчи кучлар, Абу Фазл Аббос қуролли тўдаси, Исломий Давлат ташкилоти Суриядан чиқиб кетади. Сурия ери, халқи, мустақиллиги ва халқининг ўзлиги ҳимоя қилинади, сиёсий ва мазҳабий асосда бўлинишлар рад этилади».

«Вена-2» ва «Женева-2» конференцияларида чиқарилган қарорларга қайта назар соладиган бўлсак, Америка етакчилигидаги бутун дунё кучлари, унинг малай ва тобелари Шом заминида Асад режимидан сўнг террорга рози бўлмайдиган ва унга қарши курашувчи кўппартияли демократик дунёвий давлат тиклашга қарор қилишганининг гувоҳи бўламиз.

Эй Ислом диёри маркази бўлмиш Шом аҳли!

Куфр боши Америка кечаю кундуз сизга макр қилиб, иродангизни синдиришни, муборак қўзғолонингиз йўлини Аллоҳ ва Росули рози бўлмайдиган йўлга буриб юборишни истамоқда. Шунинг учун бу қўзғолонга ҳарбий жиҳатдан зарба бериш учун жинояткор русларни ёрдамга чақирди. Бундан олдин Эроннинг Ливандаги Ҳизби, Ироқ, Эрон ва бошқа юртлардаги мазҳабпараст жангари ёвуз кучларни ёрдамга чақириб, айни мақсадини амалга оширишга муваффақ бўлолмади. Шундан сўнг иттифоқчиси Россия билан бўлган ҳарбий кампаниясига параллел равишда сиёсий кампанияни баробар олиб кетиш учун мана шу Риёз конференциясини уюштирди. Унинг мақсади, олти ой мобайнида малайи Асад режими билан музокара қилувчиларни пайдо қилиш, кейин 18 ой давом этадиган ўтиш даври босқичини бошлаб, шу орқали Шом юртига илмоний давлат учун конституция ишлаб чиқиш ва Исломга қарши курашувчи демократик ҳукумат ташкил қилишдир.

Америка ва унинг малайлари, тобелари Суриядаги ечим сиёсий ечим эканини тинмай такрорлаб келишди. Яъни бу давлат ўзининг эски малайи Асад режими ўрнига янги сиёсий малай режим ўрнатишни истамоқда. Бироқ ҳалигача бу янги малай режимни тиклашнинг уддасидан чиқолмади. Бу Аллоҳнинг фазли ила, қолаверса, Шомдаги холис инсонлар саъй-ҳаракати билан шундай бўлди. Риёз конференциясидан мақсад, мана шу малай режим учун асос яратишдан ўзга нарса эмас. Бугун бу вазифани Саудия ҳукмдорларига топширди, чунки мол-дунё эвазига ёки бошқа воситалар орқали малайлар сотиб олиш ва Шом замини қўзғолонини бузиш уларнинг қўлидан келишини ҳамда илгари ҳам бу ҳукмдорлар ўзларининг бадбўй сиёсий маблағлари эвазига Афғонистондаги жиҳодни бузишни уддалашганини у яхши билади.

Эй қудрат Шомидаги аҳлимиз!

Салкам беш йилдан бери давом этаётган қўзғолонингизда қаҳрамонларча сабот-матонат кўрсатганингиз ва қурбонликлар берганингиз ва Америка етовидаги бутун дунё сизнинг иродангизни синдиришга, қўзғолонингизни йўқ қилишга муваффақ бўлолмагани, буларнинг барчаси йўлни давом эттиришингизга кафилдир ҳамда самою замин аҳли рози бўладиган тўғри йўлдан боришингизга далилдир. Чунки Шом юрти келажагини унинг мўмин, ҳақ устида барқарор турган аҳли белгилайди, улар давлатлараро разведка хизматлари томонидан белгиланишини ҳаргиз истамайдилар. Доим адашган, адаштирувчи ҳокимлар болтаси билан биз тўғримизда ҳеч бир аҳдга вафо қилмайдиган Ғарб ва Шарқ кофирлари сандони ўртасида яшаш биз мусулмонларнинг қисматимиз эмас. (Яъни доим икки ёмонлик ўртасида яшаш бизнинг қисматимиз эмас).

Эй холис Шом аҳли!

Бугун Ислом Уммати узоқ интизор кутган тарихий имконият бор. Бу эса йирик давлатларнинг мустамлакачилик кишанларидан озод бўлиш ва 1924 йил Исломий Халифалик ағдарилганидан бери йўқотилган ўз мустақил сиёсий қарорларига эга бўлиш имкониятидир. Аллоҳ ҳаққи, ўз талабларингизда собит туринг, улардан заррача четга чиқманг. Зотан, бу қарорларингиз Аллоҳнинг шариатини ҳакам қилиш, Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш талабларидир. Ушбу давлатдан самою замин аҳли рози бўлади. Шом аҳли ва бутун Уммат қудратга тўлади. Барчамиз Роббимиз Китобидаги айтилган хушхабарга ноил бўламиз:

وَعَدَ اللَّـهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَن كَفَرَ بَعْدَ ذَٰلِكَ فَأُولَـٰئِكَ هُمُ الْفَاسِقُونَ

«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа-ҳукмрон қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир» [Нур 55]

Роя газетаси сайтидан олинди

0

0

Related posts:

Америка армияси Сурия мухолафатининг ўнлаб жангчиларига машқ ўргатмоқда Путиннинг янги хавфсизлик стратегияси: Америка Россияга бўлган таҳдидлардан биридир Демократ номзод Берни Сандерс: биз мамлакатда халқ механизмини яратмоғимиз даркор Эрон Америка билан бўлган ҳамкорлик алоқаларини эътироф этмоқда