بِسْمِ اللهِ الرَّحْمٰنِ الرَّحِيمِ

Сурия қонхўри Башар Асад ҳамда қирғин остидаги амнистия!

Ҳизб ут-Таҳрир – Сурия вилояти матбуот бўлими радиоси хабарига кўра, ижтимоий тармоқ фаоллари «Қирғин остидаги амнистия» хештегини бошладилар. Бу билан Башар Асаднинг Тазомун районидаги қирғини фош бўлиши билан бир вақтда ўтган ҳафта амнистия чиқарганига эътибор қаратдилар. Фаоллар Асад режимининг ўз қирғинларини яшириш мақсадида ўнлаб маҳбусларга амнистия қўллаётганини, ваҳоланки, унинг қамоқларида минглаб бегуноҳ инсонлар ётганини таъкидладилар. Аҳрори Ҳиврон уюшмасининг айтишича, пайшанба куни озод этилганларнинг барчаси 2018 йилда ҳибсга олинганлар бўлиб, улардан 17 нафари режим кучлари аскари бўлган ҳамда озод этилганларнинг умумий сонидан камида 13 нафари эса ўғирлик, гиёҳвандлик ва бошқа жиноятлар билан қамалган кимсалар ҳисобланади. Пайшанба куни, шунингдек, режим ўз қамоқхоналарида ётган фаластинлик маҳбуслардан беш нафарини озод этди, улар орасида қийноқ оқибатида хотирасини йўқотган битта қочқин маҳбус ҳам бор. Асад қамоқхоналарида – «Суриялик фаластинликлар учун ҳаракат гуруҳи»нинг ҳисоботига кўра – ҳали ҳам 1800дан зиёд фаластинлик маҳбуслар қолмоқда, уларнинг на ҳолатлари ва на тақдирлари ҳақида маълумот бор. «Сайдная қамоқхонаси маҳбуслари ва бедарак йўқолганлар уюшмаси» хабарига кўра, пойтахт кўчалари ва Сайдная билан Марра-Сайдная шаҳарлари кўчаларида содир этилган эзиш-хорлаш манзаралари Сурияда тўхтовсиз давом этаётган қатор оғриқли манзараларнинг бир қисми, холос.

Роя газетасининг 2022 йил 11 май чоршанба кунги 390-сонидан