Таҳрир Шом яна Ҳизб ут-Таҳрир йигитларига адоват қилмоқда
بِسْمِ اللهِ الرَّحْمٰنِ الرَّحِيمِ
Таҳрир Шом яна Ҳизб ут-Таҳрир йигитларига адоват қилмоқда
2019 йил 1 июл душанба куни Таҳрир Шом ҳаракати хавфсизлик гуруҳи Лозиқия яқинида Ҳизб ут-Таҳрир йигитларидан бирининг уйига бостириб кириб, тўрт нафар Ҳизб аъзосини қамоққа олди. Бундан ташқари, уйдаги мавжуд барча буюмларни олиб чиқиб кетди. Кейин Ҳизб ут-Таҳрирнинг Соҳилдаги радиоси жиҳозларини ҳам тортиб олди.
Эртасига сешанба куни аср пайтда Салқин шаҳри ва Идлиб яқинида Ҳизбнинг етти нафар аъзосини, ўша куни кечқурун Соҳилда тўрт нафар аъзосини қамоққа олди.
Роя газетаси шарҳи:
Қўзғолончи бир «исломий» гуруҳнинг Пайғамбарлик минҳожи асосидаги Халифаликни барпо этишга ҳаракат қилаётган инсонларни қамоққа олаётгани, ғоят хавфли қадам. Бу аввало Ислом, қолаверса, қўзғолон душманларига хизмат қилади. Бу амалиётдан илгарги ҳам Таҳрир Шом бир неча амалиётлари билан қасддан Ҳизб ут-Таҳрирнинг Суриядаги фаолиятига тазйиқ ўтказган эди. Ваҳоланки Ҳизб барча қўзғолончи гуруҳларга тинмай ишончли насиҳатгўй бўлиб келади. Масалан, бундан тахминан уч ой муқаддам Ҳизб ут-Таҳрирнинг Жабали Зовиядаги радиоси жиҳозларини тортиб олганди. Унинг бу қилмиши мусулмонларнинг маъсум мулкига очиқ адоват саналади. Кейин ўтган ойларда Ҳизбнинг бир неча йигитларини қамоққа олиб, уч-тўрт кун калтаклаб, таҳқирлаб қўйиб юборганди. Таҳрир Шомнинг бундай қилмишлари билан Ҳизбни маъруфга буюриш, мункардан қайтариш ва Ислом байроғини кўтаришдек фаолиятидан воз кечишга мажбур қилишни қасд қилгани кўриниб турибди.
Хўш, Ҳизб ут-Таҳрир ўз баёнотлари билан Таҳрир Шом ҳаракатини ташвишга солиб қўйдими?! Бу ва бошқа гуруҳлар етакчиларининг Туркия каби регионал давлатлар билан «алоқа» қилаётганини, уларнинг буйруғисиз бир қадам ҳам ташламай, ҳаммалари Сочи ва Остонада қабул қилинган қизил чизиқдан ошмасдан ҳаракат қилаётганини фош қилиш билан дарғазаб қилиб қўйдими?! Ҳизбнинг халқчиллиги ошаётгани жаҳлларини чиқаряптими?! Зеро, яқинда озод этилган минтақалардаги нуфузли ва зиёли кишилар кўпчилик халқ иштирокида конференция ўтказиб, ҳокимият Умматники эканлигини, аммо Сурия қўзғолонининг ўзгармас мақсадларига риоя қилмаган гуруҳларга эса, ҳокимият берилмаслигини таъкидладилар, балки шу уларни ғазаблантиргандир?! Ёки ҳаловатларини бузган нарса, улар Сурияда шариатни ҳукмрон қилишларини анчадан бери иддао қилиб келишаётган бир пайтда, Ҳизбнинг Халифаликни барпо этиш билан шариатни ҳукмрон қилишга даъват олиб бораётганидир балки?!
Роя газетасининг 2019 йил 10 июл чоршанба кунги 242-сонидан
