بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Танзаниядаги гиёҳванд моддалар ва унинг капитализм даромадига қўшган ҳиссаси

Афтидан, гиёҳванд моддаларга қарши кураш қайта фаоллашаётган кўринади. Чунки яқинда Дорус-Салом вилояти комиссари бир неча нуфузли ва машҳур шахсларни қамоққа олиш тўғрисида буйруқ чиқарди. Айниқса, президент бу кураш кўлами ғоят кенг экани, юртнинг барча муассасаларигача чўзилиши ҳамда вилоят комиссарига гиёҳванд моддаларни кузатиш ва назорат остига олиш вазифасини топширгани тўғрисида баёнот берганидан сўнг кураш баттар кучайди.

Шу муносабат билан Ҳизб ут-Таҳрир-Танзания қуйидагиларни баён қилади:

1 –Танзанияда гиёҳванд моддаларга қарши курашга оид гап-сўзлар ёлғондан бошқа нарса эмас. Чунки бугунги кунда дунёни бошқараётган капиталистик сиёсат фақат фойдага асосланган, яъни ҳар бир нарса фойда билан ўлчанади. Шунингдек, демократик тузумда сиёсат ҳам йирик олигархлар томонидан молиялаштирилади ва айни гиёҳванд моддалар савдосидан келадиган асосий улуш кўп ҳолларда шу олигархлар ҳамёнига тушади. Шунинг учун гиёҳванд моддаларга қарши кураш жиддийлигини йўқотган. Ҳукумат бу билан одамларни адаштиришни, ўзининг кўплаб муаммоларни ҳал этишдаги омадсизлигидан чалғитишни мақсад қилган бўлади. Масалан, яқинда бир неча нуфузли сиёсатчилар ўзларида гиёҳванд моддалар савдоси билан шуғулланувчиларнинг рўйхати борлигини хабар қилишган эди. Бироқ улар кенг салоҳиятга эга бўлишларига қарамай, уларнинг номларини очиқлашга юраклари дов бермади.

2 –Демократик тузум ёвуз ва хатарли фикрлашни тарғиб қилади ва шахс эркинлиги, деган эътиборда ёвуз фикрли шахсларни улуғлайди. Зотан, мана шу шахс эркинлиги, ўз эркинлигидан фойдаланишнинг бир тури сифатида, кўпчиликни наркотик моддалардан тотиб-синаб кўришга тарғиб қилади. Яъни гиёҳванд моддалардан фойдаланишнинг эркин фикрлашга бевосита алоқаси бор, эркин фикрлаш эса демократия асосларидан биридир.

3 –Хусусан, капиталистик сиёсат башариятнинг моддий жиҳатдан банкрот бўлишига олиб келди. Айни сиёсатдан қаттиқ азият чекиш билан унинг қурбони бўлишди. Улар ушбу сиёсатнинг шафқатсиз оқибатлари сабабли умидсизликка тушиб қоладилар. Натижада кўпчилиги охир бориб гиёҳвандликка ружу қўяди. Улар шу орқали руҳий изтиробларини тарқатмоқчи бўлади ёки вақтинчалик лаззатни хоҳлайди… Чунки капиталистларда оғир дамларда инсонга хотиржамлик берувчи руҳий ечим йўқ.

4 –Демократик тузум иқтисодий даромадга тарғиб қилар экан, оммани сўзсиз-итоатли бўлишга, ўзлари ўрнак олаётган машҳур шахсларни улуғлашга ундайди. Бу машҳур шахслар орасида бангилари ҳам бор. Оқибатда ёшлар – таъсирланишга кўпроқ мойил бўлганлари сабабли – гиёҳвандлик жарлигига осонгина қулайдилар…

5 –Илмоний йўналиш бўйича юрадиган ва қонун чиқаришни инсонга берадиган шу демократик тузум, гиёҳвандлик муаммосини ҳаргиз ҳал қилолмайди. Чунки у маст қилувчи моддаларга оид қонун чиқаришда, бирини тақиқлаб-бирига рухсат бериши жиҳатидан икки хил ўлчовда адашадиган тузум. Аслида эса, маст қилувчи моддаларнинг барча тури инсониятга ҳаром қилинган. Шундай экан, демократларда гиёҳванд моддаларга қарши курашда шижоат ва ахлоқ қаердан ҳам бўлсин. Ахир, улар бир томондан унинг айрим турларига рухсат беришадиган бўлса?!

Ислом ўзидаги кучли ақида ва аҳкомлар билан жамиятни гиёҳванд моддалардан ҳимоя қилиб, бундай иллатни илдизи билан қуритиб ташлайди. У буни маст қилувчи моддаларнинг барча турини тақиқлаш орқали амалга оширади. Бу эса, Пайғамбарлик минҳожи асосидаги рошид Халифалик давлати соясида хусусан, ғайримусулмонларнинг Ислом адолатини қадрлашлари учун бир фурсатдир. Зеро, Халифалик зудлик билан инсоннинг номуси, мулки, дини ва бошқа нарсаларини ҳимоя қилишга киришади.

Масъуд Муслим

Ҳизб ут-Таҳрирнинг

Танзаниядаги матбуот бўлими вакили

Телефон: +255778 870609

Электрон почта: jukwalakhilafah@gmail.com