Тошкентда 23 нафар собиқ сиёсий маҳкумлар устидан бўлиб ўтган суд жараёни ортидан сийратга назар
Тошкентда 23 нафар собиқ сиёсий маҳкумлар устидан бўлиб ўтган суд жараёни ортидан сийратга назар
بسم الله الرحمن الرحيم
1999-2000 йиллар Ўзбекистон биринчи маъмурияти томонидан “Роббим Аллоҳ” дегани учун катта “жиноятчи”га чиқарилиб, суд қилинган ва навқирон йигитлик даврини узоқ йиллик қамоқларда ўтказган сиёсий маҳкумларнинг кўксига 2016 йилдан кейин шамол тегиб, озодликка чиқарила бошладилар. Сабаби, ўша йили, мусулмон хонадонларни қон-қақшатиб, кимнингдир отасини, кимнингдир онасини, кимнингдир ўғлини ва яна кимнингдир қизини узоқ йиллик қамоқларга ҳукм қилиб, соғлиқларини, гулдек умрларини хазонга айлантирган, ҳатто юзлаган эр йигитларни шаҳид қилган золим, ўз даврининг Абу Жаҳли, ўзбек режимининг боши яҳудий Каримов алайҳиллаъна хорларча вафот этди. Унинг ўрнига келган Мирзиёев, юқорида айтганимиз мазлум сиёсий маҳбуслар ичида муддати ниҳоясига етганларини озодликка чиқара бошлади. Бу билан кўплаб мазлумлар хонадонига хурсандлик, шодлик кириб келди. Бироқ бу хурсандчиликлар узоққа чўзилмади. Негаки, худди Каримовнинг “ахлат тузуми” давридагидек, яна “маскалилар”нинг хонадонларга тўсатдан бостириб киришлари, яна тинтувлар, яна қамашлар ва яна ўша зулму зўравонликлар бошланди. Сўзимиз исботи шуки, жорий йил бошида Тошкент шаҳридан 23 нафар собиқ маҳбуслар қўлга олинган эди. Ҳатто улар устидаги суд жараёни ҳам ниҳоясига етди, ҳукм ўқилди. Ва уларнинг аксар қисмига махсус режимли узоқ йиллик қамоқ жазоси тайинланди.
Ҳа, бу “ахлат тузум” давридан то бугунги кунгача қамоқдан боши чиқмай келаётган Ҳизб ут-Таҳрир йигитларининг қисматлари чиндан ҳам Пайғамбаримиз ﷺ ва саҳобаларнинг (Аллоҳ улардан рози бўлсин) даъват йўлида бошларига тушган синовларни, азоб-уқубатларни эслатиб юборади. Бунга ҳазрати Билол, Хабоб ибн Арат, Амморлар ва унинг ота-онасига келган синовларни мисол қилиб келтиришимиз мумкин. Саҳобаи киромлар даъватнинг Макка даври синовларини сабот билан босиб ўтдилар ва натижада Аллоҳ таоло уларга Ўз нусратини бериб, Мадинада биринчи Ислом давлати тикланди. Дарҳақиқат, Ўзбекистонда мусулмонларга, хусусан даъватчиларга қарши қилиб келинаётган зулм ва зўравонликлардан ҳам айни тарихий сийратнинг такрорланаётганини кўрамиз. Бироқ Пайғамбаримиз ﷺ ва саҳобаларга қаршилик қилганлар мушриклар эди ва ўзларининг душманлигини очиқ-ошкор айтишарди. Бугунгилар эса ўзларини мусулмон санаган ҳукумат бошлиқларидир. Бу билан биз шояд ўзбек ҳукумати ўзлигини англаб, Ислом ва мусулмонларга қарши душманона сиёсатини ўзгартирса, деган умидда эканлигимизни билдирмоқдамиз. Сийратга қарасак, ҳазрати Умар р.а.нинг иймон келтиришига айрим саҳобалар ишонмаганлар. Чунки мусулмон бўлганларга ашаддий қаршилик қилганлардан бири айнан Умар эди. Бироқ Пайғамбаримиз ﷺнинг “Аллоҳим, Исломни икки Умарнинг бири билан азиз қил” деган дуолари барокатидан ҳазрати Умар иймонга келди. Шунинг учун бугунги кунда ҳам Исломнинг ҳар қандай ашаддий душманларидан бири иймонга келса, ҳайрон қолмаслик керак. Мирзиёев бошлиқ ҳукуматнинг қўлида ҳам тарихий фурсат – Исломий ҳаётни қайта бошлаш учун ҳаракат қилаётганларга қарши таъқиб-тазйиқларни тўхтатиш ва қамоқдагиларни озод қилиш имконияти турибди. Алабатта, бу уларнинг қўлидан келади. Бунинг учун фақат мусулмон сифатида улардан нима талаб қилинаётганини, шунингдек мусулмонларга Аллоҳнинг нусрати келиб Исломнинг ҳаётда устувор бўлиши, аслида уларнинг ҳам ғалабаси ва азизлиги эканини англаб, тан олишларининг ўзи кифоядир. Қолаверса, чорак асрдан бери қамоқда қолиб кетаёганлар бўлсин, яқиндагина суди бўлиб ўтганлар бўлсин ва ҳануз ишлари терговда турганлар бўлсин – хуллас бу сиёсий маҳбусларнинг ҳаммаси уларга қўйилаётган жиноятлардан мутлақо покдир. Буни ўзбек ҳукумати ва унинг хавфсизлик кучлари жуда яхши билади.
Мирзиёев ҳукуматига айтар сўзимиз, сизлар Имом Бухорий, Имом Термизий, аллома Марғиноний ва Беруний каби етук олимлар етишиб чиққан диёрнинг фарзандларисиз. У олимларни етиштирган булоқ – Исломнинг покиза таълимоти ва мукаммал тузуми эди. Токи, Ислом тузум сифатида ҳаётга қайтмас экан, тарихдагидек шонли авлод ва етук уламолар етишиб чиқмайди. Оламга устоз бўлган олимларимиз, фақиҳларимизга ташаккур келтириб, муносиб авлод бўлиш – улар билан мақтаниш ва мақбараларини обод қилиш билан эмас, балки улар қолдириб кетган тафсир, ҳадис ва фиқҳий илмларни ёш авлодга таълим бериш ва ҳаётда татбиқ қилиш билан бўлади! Демак, бугун ўзбек ҳукумати юртимиз учун, халқимиз учун яхшилик фақат Исломда эканлигини тўлиқ англаб етган ва уни ҳаётга қайтаришни ўз олдига асосий мақсад қилиб олган Ҳизб ут-Таҳрир йигитларини таъқиб қилишни тўхтатиши, қамоқлардан зудлик билан озод этиши уларнинг олдидаги энг долзарб ва энг муносиб ишдир. Мирзиёев бошлиқ ҳукумат ўз имкониятларидан унумли фойдаланиб, диёримизни яна тарихдагидек етук олимлар юртига айлантиришга ўз ҳиссасини қўшса, нақадар яхши бўларди. Яна қайта таъкидлаймиз, бунинг учун аввало Аллоҳдан қўрқинг ва Исломни тузум сифатида олиб келишга ҳаракат қилаётган мусулмонларга нисбатан ҳозирги ёндашувингизни ўзгартиринг. Кошки, Аллоҳ бу билан сизларга икки дунё азизлиги ва саодатини насиб қилса!
إِنَّ اللَّهَ مَعَ الَّذِينَ اتَّقَوا وَّالَّذِينَ هُم مُّحْسِنُونَ
– “Зотан, Аллоҳ тақво қилган ва чиройли амаллар узра юрган зотлар билан (доим) биргадир”. (Наҳл:128)
Ҳизб ут-Таҳрир Ўзбекистон матбуот бўлими аъзоси Салоҳиддин
16.07.2024й
