Уйғониш тўғрисида туркумидан: Даъватчи фикрларини тиниқ ва соф сақлаши ҳамда даъватдан кўзлаган умиди
بسم الله الرحمن الرحيم
Уйғониш тўғрисида туркумидан: Даъватчи фикрларини тиниқ ва соф сақлаши ҳамда даъватдан кўзлаган умиди
Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!
Даъватни ёювчилар агар дилларига камолотга интилиш уруғини экмасалар, доимо ҳақиқатни изламасалар, ёпишиб қолган бегона тушунчалардан тозалаш учун билган нарсаларининг ҳар бирини доимо текшириб турмасалар, олиб чиқаётган фикрлари соф тиниқ сақланиб қолиши учун, яқин турса унга илашиб олиш эҳтимоли бўлган ҳар қандай фикрни ундан йироқлаштирмасалар масъулиятнинг уддасидан чиқа олмайдилар, олдиларига қўйилган вазифани бажара олмайдилар. Чунки фикрларнинг мусаффо ва тиниқлиги муваффақият ҳамда муваффақият давоматининг ягона гаровидир.
Дилларга камолотга интилиш уруғини экиш, мукаммалликка интилишни англатиб, тўғри ақидадан келиб чиққан муаммолар ечимларини ҳаёт майдонида татбиқ қилиниши бу ҳаётдаги асл камолот (етуклик, мукаммаллик) ҳисобланади. Бундай интилиш, инсонда мукаммал ақидани идрок қилиш билан вужудга келади. Чунки инсон ҳаётнинг асл моҳиятини шу мукаммал ақидани идрок қилгандагина англайди. Ва ўзидаги шу ақида пойдевор бўлган ҳолда вужудга келган юксак тасаввурлар (тушунчалар) барчада ҳосил бўлишини истаб ҳаракат қилади.
Доимо ҳақиқатни излаш ҳар бир воқелик ва нарсаларнинг асл ҳақиқатини, яъни аслида қандай бўлганлиги ёки қандай бўлишини англаб етишга ҳаракат қилишни талаб қилади. Тушуниб бўлмас ёки қабул қилишга яроқсиз бўлган ёхуд хато фикрлар асосига қурилган ғоялар, фалсафалар, хурофотларга алданиб қолишдан доимо эҳтиёт бўлиб, чуқур назар, ўткир тафаккурни ишга солган ҳолда, бирор бир кичик воқеликни ҳам эътибордан четда қолдирмай, ҳар бир фикр ва воқеликка синчковлик билан ёндашиш ҳамда уларнинг моҳият (асос) жиҳатидан идрок қилишга интилиш ҳақиқатни излашнинг шарти, талабидир. Бу нарса тўғри ақида ва ундан келиб чиққан фикрларни тушуниш билан бўлади.
Ёпишиб қолган бегона тушунчаларнинг воқелиги бошқа ақидаларга асосланган тушунчалар бўлиб, уларга мисол капиталистик ақидага асосланган фикрлар натижасида ҳаётни моддий манфаатдан иборат деб тушуниб олиб, фойда ва зарарни яшаш тарзларини шакллантиришда амаллар ўлчови сифатида белгилаб олишдир. Буларни тозалаш эса тўғри ақидани тушуниш ва бу ақидадан келиб чиққан фикрларни ўрганиш ҳамда юқорида айтилганидек, шу фикрларни тушунган ҳолда такрорлаб туриш билан бўлади. Фикрларни тушунган ҳолда амалларда қўллаш ва шу амалларни ўзида одатга айлантириш, бу фикрларнинг тушунча сифатида мустаҳкамланишига ёрдам беради.
Фикрларнинг софлиги (мусаффо) ва тиниқлиги ақидадан деб эътибор қилинадиган, аслида эса ақидага зид бўлган фикрларни йўқ қилиш билан бўлади. Бу фикрлар ҳар хил уламоларнинг хато фикрлашлари ёки хоинликлари ортидан эътиқод қилувчиларнинг онгларига сингдириб юборилган. Шунинг учун фикрларнинг мусаффолиги ва тиниқлигини сақлаш ҳар бир фикрга юксак эътибор билан ёндашишни талаб этади.
Ваниҳоят, бу даъватни ёювчилар даъват масъулиятини Аллоҳ буюрган вазифа сифатида адо этмоқлари, қилган ишлари учун бировдан мукофот умид қилмай, одамлардан миннатдорлик кутмай, Аллоҳнинг розилигини излашдан бошқа нарсани билмай, Унинг розилигига эришиш умиди билан хушнуд бўлиб, ёруғ юз билан бу вожиб масъулиятга талпинмоқлари лозимдир.
Ҳизб ут-Таҳрирнинг Ўзбекистондаги медиа офиси. Абдуллоҳ
04.02.2018й.
