Ҳукумат ўз мажбуриятларини фуқаролар зиммасига юклашда давом этмоқда
بِسْمِ اللهِ الرَّحْمٰنِ الرَّحِيم
Ҳукумат ўз мажбуриятларини фуқаролар зиммасига юклашда давом этмоқда
Ўзбекистон ҳукумати давлатни нотўғри, аниқроғи, ўз манфаатларига биноан бошқараётганлиги сабабли, давлат қилиши керак бўлган ишларни ўз фуқаролари зиммасига юклаб келаётгани ҳеч кимга сир эмас. Қуйида шу ҳақида яна бир хабар тарқади:
“Май охирида Тошкент шаҳар ҳокимияти расмийлари бекатлар қошида дўкон очган шахслар билан "бирма-бир" учрашиб, уларнинг зиммасига "усти ёпилган, эшикли ва ойнаванд" янги бекатларни қуриш ёки эскиларини таъмирлаш мажбуриятини юклаганлар.
"Ҳокимиятдан келиб, ёз ичи усти ёпилган, эшикли ва ойнаванд остановка қурасан, деб кетишди. Кондиционер ўрнатишимиз ҳам шарт экан. Харажатларнинг ҳаммаси бизнинг бўйнимизда бўлади. Дўкон очиб, ҳокимият билан договор тузаётганимизда остановкани тоза тутамиз, деб мажбурият олганмиз. Иложимиз йўқ, қуриб берамиз энди," деди Тошкент марказидаги автобус бекатида дўкон очган суҳбатдош.
Озодлик суҳбатладошларига кўра, янги бекат қуриш учун усталар ҳақи ва қурилиш молларини сотиб олиш учун 2 минг долларгача сарфланиши мумкин”. (“Озодлик” радиоси, 22.06.2016й.)
Юқоридаги ҳолат шу каби жуда кўп ҳолатларнинг навбатдагиси холос. Аслини олганда, автобус бекатларини қуриш ёки таъмирлаш давлатнинг вазифасидир, фуқаронинг эмас. Чунки автобус бекатлари халқ фойдаланадиган умумий қулайликлар сирасига киради. Ҳукумат уни қандай қилиб ўз фуқароси зиммасига юклаши мумкин? Бундай пасткашликка фақат ўз манфаати тўғрисида қайғурадиган бошқарувдаги золимларгина бориши мумкин.
Юқоридаги ҳолатдан шу нарса кўриниб турибдики, агар бекатга дўкон очганлар қаршилик қилгудек бўлсалар, камида уларнинг дўконларини фаолият қилишига катта тўсиқлар қўйилади, ҳатто умуман қайтиб бошқа иш қила олмайдиган аҳволга тушириладилар. Бу ҳукуматдан ҳамма нарсани кутса бўлади. Агар шартномада шу каби мажбуриятлар кўзда тутилган тақдирда ҳам, бундай шартноманинг ўзи нотўғридир. Чунки юқорида айтиб ўтганимиздек, автобус бекатларини қуриш ёки таъмирлаш фақат давлатга тегишли бўлган ишдир. Ҳеч ким оддий фуқарони бунга мажбурлашга ҳаққи йўқ.
Бироқ оддий халқ бўйнига миниб олган бир ҳовуч амалдорларда на ўзлари ўйлаб топган қонунга амал қилиш бор ва на инсонийликдан асар бор. Улар фақат ўз манфаатлари тўғрисидагина қайғурадилар холос. Татбиқ этилаётган тузум манфаатдорликка асослангандан кейин бошқа яна нимани кутиш мумкин? Шундай экан, бизга бундай ҳукумат ва бундай тузумни нима кераги бор!?
Ҳизб ут-Таҳрирнинг Ўзбекистондаги медиа офиси Фаррух
28.06.2016й.
