بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Уларни кибру ҳаволари гуноҳга ундаб ҳақ байроғини юлиб олишди!

Аллоҳнинг ўзи яқинда Ўз изни ила, уларнинг қудратини юлиб олади!

Биз ҳижрий 1438 йил 6 сафар, милодий 2016 йил 6 ноябр якшанба куни биродар Шарқий Нил маҳаллий вакилига мурожаат қилиб, биз Ҳизб ут-Таҳрир-Судан вилояти аъзолари белгиланган санада исломий китоблар кўргазмаси ўтказмоқчи эканимизни маълум қилдик. Кўргазма Коко Ҳулланинг шимолий шарқида жойлашган Мусласда ҳамда Байтара университети жануби (эски Муздалифа маскани)да ҳижрий 1438 йил 26 сафар, милодий 2016 йил 26 ноябр шанба кунидан бошлаб, ҳижрий 1438 йил 1 рабиул-аввал, милодий 2016 йил 1 декабр пайшанба кунига қадар давом этадиган эди. Бизга ҳижрий 1438 йил 16 сафар, милодий 2016 йил 16 декабр пайшанба куни вакил идораси томонидан шаҳар ижроий мудири имзоси билан кўргазма ўтказишимизга рухсатнома келди. Рухсатнома асосида Ҳизб мазкур белгиланган вақтда ўз кўргазмасини очди.

Бироқ 2016 йил 28 ноябр душанба куни эрталаб маҳаллий хавфсизлик хизматининг бир гуруҳ ходимлари кўргазмага ҳужум қилишди. Сўнг Ҳизб ут-Таҳрир аъзоси биродар Муҳаммад Зайнни кўргазма ичкарисидан номаълум томонга олиб кетишди. Кейин тунда соат бирда қўйиб юбориб, 2016 йил 29 ноябр сешанба куни тиш-тирноқларигача қуролланган ҳолда қайтиб келишди ва кўргазма чодирини бузиб, ерга улоқтиришди… ҳатто Росулуллоҳ САВнинг Уқоб роялари билан оқ ливо-байроқларини ҳам юлиб олиб, ерга улоқтиришди… Ким ҳақ байроғини юлиб олган бўлса, Аллоҳнинг ўзи яқинда Ўз изни ила, уларнинг қудратини юлиб олади! Кейин Ҳизбнинг бир неча йигитларини олиб кетишди. Улар ушбу баёнотимизни ёзаётган пайтимизга қадар ҳамон қўйиб юборилганлари йўқ.

Бундай қилмиш Судан режими ва унинг хавфсизлик хизматининг ўз қарорларини ҳам ҳурмат қилмасликларига, бугун ўзлари имзолаган ҳужжатни эртасига йиртиб ташлашларига яққол далолат қилиб турибди. Ахир, кўргазма ўтказилишига рухсат бериб, кейин қандай қилиб, уни вайрон қилиш ва кўргазмага келган зиёратчиларни қўрқитиш, уни ўтказаётган йигитларни ҳибсга олиш мумкин?! Бундай қилиқ дунёнинг ҳеч бир ерида учратилган эмас. Бироқ Судан юртимизда учраб турибди, унинг ҳукмдорлари берган ваъдаларини ҳам, рухсатларини ҳам ўзлари ҳурмат қилишмаяпти, ваҳоланки, Аллоҳ Субҳанаҳу ва Таоло бундай деган:

وَأَوْفُوا بِالْعَهْدِ ۖ إِنَّ الْعَهْدَ كَانَ مَسْئُولًا

«Аҳдга вафо қилинглар, зеро, аҳд-паймон (Қиёмат куни) масъул бўлинадиган ишдир»                                                                                             [Исро 34]

Бу режим сиёсат, иқтисод, ижтимо ва ҳаётнинг бошқа барча соҳаларидаги исломий маърифатни ўз ичига олган китоблар кўргазмасидан намунча қўрқмаса?! Афтидан, у инсонларнинг Ислом ва унинг аҳкомларини англаб етишларини истамаётган кўринади, чунки англаб етсалар, Ислом асосида ўз ҳақ-ҳуқуқларини талаб қилишади-да! Ўзлари эса инсонларнинг айни ҳуқуқларини еб ҳазим қилиб бўлишди, Уммат молларини ҳам ноҳақ ейишмоқда, унинг устидан Ғарбнинг куфр тузуми билан бошқаришмоқда.

Судан режими ва унинг хавфсизлик хизмати билиб қўйсин: Аллоҳнинг йўлидан тўсишлари ҳам, исломий китоблар кўргазмасини тақиқлашлари ҳам ва йигитларимизни ҳибсга олишлари ҳам Ҳизб ут-Таҳрирга заррача зарар етказолмайди. Чунки ушбу Ҳизб йигитлари инсонлар орасида, шаҳарлар, қишлоқлар ва маҳаллаларда бирга яшамоқдалар, Умматга Ислом ҳидоятини улашмоқдалар. Кўргазмага қўйган китобларимизда мужассам барча исломий фикрлар Ҳизб йигитларида мужассам. Улар бу фикрларни ҳамма ерда тарқатиб, ҳақ ва онгни ҳаво каби ёймоқдалар. Бас, бу режимнинг ҳавонинг ёйилишини тақиқлаш қўлидан келадимикин?! Режимнинг бу қилмишлари Ҳизб ут-Таҳрирга заррача зарар етказолмаса-да, аммо ўзига зарар етказиши аниқ. Чунки у Ислом шиорларини кўтаргандан сўнг, энди, Аллоҳ ва Росули чизган чизиқни очиқдан-очиқ депсамоқда, Росулуллоҳ САВ байроқларини улоқтирмоқда, ким Аллоҳ ва Росулининг чизган чизиғини бузса, Аллоҳ уни бузади, чунки У Қавий-қудратли ва Метин-мустаҳкам зотдир.

وَيُحِقُّ اللَّـهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ

«Ва гарчи жиноятчи кимсалар истамасалар-да, Аллоҳ ўз сўзлари (яъни амру фармонлари) билан ҳақиқатни рўёбга чиқарур»                                 [Юнус 82]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи