بِسْمِ اللهِ الرَّحْمٰنِ الرَّحِيم

Қуръон боғларига саёҳат

ان النَّبِيِّ صَلَّى اللَّهم عَلَيْهِ وَسَلَّمَ قَالَ خَيْرُكُمْ مَنْ تَعَلَّمَ الْقُرْآنَ وَعَلَّمَهُ

Пайғамбар соллаллоҳу алайҳи ва саллам дедилар: “Сизларнинг ичингизда яхшироғингиз, Қуръонни ўрганган ва уни ўргатганингиздир”. Бухорий ривояти.

Муқаддас китоби бўлган Қуръони Каримни бандалари учун дастур қилиб берган Аллоҳга мақтов ва ҳамдлар бўлсин. Ушбу Китоб мўъжизалиги билан Пайғамбарлиги исботланган Муҳаммад соллаллоҳу алайҳи ва салламга саловоту саломлар бўлсин.

Рукнимизнинг аввалги сонида Бақара сурасининг 130-131-132-133-134 оятлар тафсирини ниҳояладик, бу сонда 135-136-137-138 оятлар тафсирини кўриб чиқишни бошлаймиз.

وَقَالُواْ كُونُواْ هُوداً أَوْ نَصَارَى تَهْتَدُواْ قُلْ بَلْ مِلَّةَ إِبْرَاهِيمَ حَنِيفاً وَمَا كَانَ مِنَ الْمُشْرِكِينَ * قُولُواْ آمَنَّا بِاللّهِ وَمَا أُنزِلَ إِلَيْنَا وَمَا أُنزِلَ إِلَى إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأسْبَاطِ وَمَا أُوتِيَ مُوسَى وَعِيسَى وَمَا أُوتِيَ النَّبِيُّونَ مِن رَّبِّهِمْ لاَ نُفَرِّقُ بَيْنَ أَحَدٍ مِّنْهُمْ وَنَحْنُ لَهُ مُسْلِمُونَ * فَإِنْ آمَنُواْ بِمِثْلِ مَا آمَنتُم بِهِ فَقَدِ اهْتَدَواْ وَّإِن تَوَلَّوْاْ فَإِنَّمَا هُمْ فِي شِقَاقٍ فَسَيَكْفِيكَهُمُ اللّهُ وَهُوَ السَّمِيعُ الْعَلِيمُ * صِبْغَةَ اللّهِ وَمَنْ أَحْسَنُ مِنَ اللّهِ صِبْغَةً وَنَحْنُ لَهُ عَابِدونَ

“135. Яҳудий ёки насроний бўлинг, ҳидоят топасиз, дедилар. (Яъни яҳудийлар яҳудий бўлинг, деди, насронийлар насроний бўлинг, деди). (Айтинг: Эй Муҳаммад), балки биз ҳақ йўлдан тойилмаган, мушриклардан бўлмаган Иброҳим динига эргашамиз. 136. Айтингиз (эй мўминлар), Аллоҳга ва бизга нозил қилинган Китобга ва Иброҳим, Исмоил, Исҳоқ, Яъқубга ва ўша уруғ-авлодга нозил қилинган нарсаларга, Мусо ва Исога берилган нарсаларга ва барча пайғамбарларга Парвардигор тарафидан берилган нарсаларга ишондик. Биз улардан бирортасини ажратиб қўймаймиз ва биз у Зотга (Аллоҳ Таолога) бўйсунувчилармиз. 137. Энди агар улар (яъни аҳли китоблар) сизлар имон келтирган нарсаларга имон келтирсалар, ҳақ йўлни топибдилар. Агар юз ўгирсалар, у ҳолда, шубҳасиз, сизларга нисбатан гина ва адоватлари бордир. Уларнинг ёмонлигидан сизга (эй Муҳаммад), Аллоҳнинг Ўзи етарлидир. У эшитгувчи, билгувчидир. 138. Аллоҳнинг ранги-ла (рангинмиз). Аллоҳдан ҳам гўзалроқ ранг бергувчи борми? Бизлар унгагина ибодат қилгувчилармиз“.                                                                                                                        (Бақара:135-138)

1-Аллоҳ Таоло уларнинг Иброҳим, Яъқуб а.с.лар ҳақидаги даъволарини рад этганидан, улар яҳуд ёки насоролар бўлишган, деган гапнинг ноҳақлигини баён қилганидан кейин уларнинг ўз динларига даъват этишларини ҳам рад этиб, уларнинг дини ўзгартирилганлигини, бузилганлигини билдиряпти. Яҳудлар, бизнинг динимизга эргашинглар, энг афзал дин бизнинг динимиздир, дейишарди. Насоролар эса, бизнинг динимизга эргашинглар, энг афзал дин бизнинг динимиздир, дейишарди. Аллоҳ уларнинг бу даъволари ноҳақлигини баён қилиб, уларни рад этиб, Ўз пайғамбари Муҳаммад с.а.в.га, биз ботил динлардан юз ўгириб, ҳақ динга мойил бўлган, ўзи мушриклардан бўлмаган Иброҳим а.с.нинг динига эргашамиз, денг деб ваҳй қиляпти.

Бу ерда яҳудлар ва насороларга таъриз (ишора, қочирим) билан уларнинг дини ботил, ўзлари эса, динини бузган мушриклар экани айтиляпти.

يُحَرِّفُونَ الْكَلِمَ عَن مَّوَاضِعِهِ

• “Улар (Тавротдаги Муҳаммад алайҳис-саломнинг пайғамбар бўлишлари ҳақидаги) сўзларини ўз ўринларидан ўзгартирадилар”.    (Моида:13)

Шунингдек, улар Аллоҳнинг боласи бор, деган туҳматни ҳам қилишди. Аллоҳ улар айтаётган нуқсондан Пок.

وَقَالَتِ الْيَهُودُ عُزَيْرٌ ابْنُ اللّهِ وَقَالَتْ النَّصَارَى الْمَسِيحُ ابْنُ اللّهِ

• “Яҳудийлар: “Узайр Аллоҳнинг ўғли”, дедилар. Насронийлар: “(Исо) Масиҳ Аллоҳнинг ўғли”, дедилар“.                   (Тавба:30)

(давоми бор)

Ҳизб ут-Таҳрирнинг Ўзбекистондаги медиа офиси. Муслим

30.04.2019й.