Ўзбекистон давлати жинс ўзгартиришни юридик ҳуқуқ сифатида тан олди

بِسْمِ اللهِ الرَّحْمٰنِ الرَّحِيمِ

12 июнь куни Вазирлар Маҳкамаси томонидан қабул қилинган қарорга кўра, эндиликда жинсини ўзгартирган шахслар исм, фамилия ва отасининг исмини ўзгартириш учун ариза бериш ҳуқуқига эга бўлди. Бунинг учун тиббий муассаса томонидан берилган расмий тиббий хулоса етарли ҳисобланади. Ушбу қарор “Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида”ги ҳужжат доирасида тасдиқланди.

Бу янгилик ташқи томондан фақат бир қарашда “шахсий маълумотларни расмий ўзгартириш” сифатида кўринади. Яъни гўёки бир одам исмини, фамилиясини ёки жинсини ўзгартирмоқчи бўлса, энди бунга рухсат бор. Аммо масаланинг ички моҳиятига келсак, бу шунчаки ҳужжат расмийлаштириш эмас. Бу жамиятда муайян мафкуравий ғояларга йўл очилаётганини англатади. Яъни аввал “эркак ёки аёл туғилиши” ҳақиқат деб қараларди, ҳозир эса буни “шахсий танлов” дейишмоқда. Бу эса бизнинг диний қадриятларимизга тўғридан-тўғри зид. Шу қарор орқали нафақат бир одамнинг ҳужжати ўзгармоқда, балки бутун жамиятга “бошқа турда фикрлаш” шакли киритиляпти. Қисқаси, бу қарор қоғозда “эркинлик” деб кўрсатилса-да, амалда исломий қадриятларимиз ўрнини эгаллаётган ёт мафкуравий таъсирнинг бир кўриниши. Халқимиз эса бу “эркинлик”нинг қайси томонга бошлаётганини англаб етиши керак.

Жинсни ўзгартириш, яъни биологик хусусиятни рад этиш ва уни ўзгартириш уринишлари XX аср ўрталаридан Ғарбда пайдо бўлган. Биринчи марта 1950 йилда даниялик Эйнар Вегенер жинсни ўзгартирган ҳолда тарихдаги биринчи “трансгендер” шахс сифатида қайд этилган. Бошида бу фақат жуда кам сонли психик муаммоларга эга шахсларга нисбатан тиббий йўл билан амалга оширилган бўлса-да, кейинчалик бу ҳаракат ижтимоий ва мафкуравий агитация шаклига айланди.

Айниқса, XXI асрда ЛГБТ тарғиботи ортидан жинсий ориентацияни ўзгартириш ва жинсни алмаштириш “ҳуқуқ” сифатида илгари сурила бошланди. Бу эса инсоний табиат, фитрат ва оила институтларига бевосита таҳдид соладиган иллатга айланди.

Жинсни ўзгартириш – бу шунчаки танани эмас, инсон фитратини ўзгартиришга ҳаракат дегани. Яъни бу Яратувчимиз Аллоҳ таолога қарши исён демакдир! Инсон қандай туғилган бўлса, ўша ҳолатда яшаши фитрий ҳақиқат. Бу тананинг эмас, балки бутун жамиятнинг бузуқлик ва бошбошдоқликка юз тутишига сабаб бўлади.

Биринчидан, бу ҳолат оила деган муқаддас тушунчанинг пароканда бўлишига сабаб бўлади. Оила – эркак ва аёл асосида қурилади. Агар ким нима бўлишини ўзи танлайдиган бўлса, оила таркиби ҳам, маъноси ҳам йўқолади.

Иккинчидан, болалар тарбияси мураккаблашади. “Бу менинг отамми?”, “Бу онамми?”, “Мен кимман?” деган саволлар ёшлар қалбида шубҳалар уйғотади. Ва бу уларнинг шахсий ҳаётига ҳам, руҳий ҳолатига ҳам жиддий таъсир қилади.

Учинчидан, ёшлар табиийликни йўқота бошлайди. Улар “ким бўлишни ўзи танлайди” деган хато тушунча таъсирида жинсий идентификация, яъни ўзини аниқлашда адашади. Бу эса жамиятда маънавий беқарорлик ва муаммоларни келтириб чиқаради.

Ниҳоят, бу ҳолат халқимизнинг асрлар давомида шаклланган Исломий қадриятларига зиддир. Бизнинг тарихимизда, маданиятимизда ва диний эътиқодимизда эркак бу – эркак, аёл бу – аёл. Бу муқаддас меъёрни бузиш ўзлигимизни инкор этишдир.

Халқимиз шунга ҳушёр бўлиши ва бу иллатга қарши маънавий иммунитетни кучайтириши керак. Эркинлик ниқобида фитратни бузиш ҳалокатга йўлдир.

Ғарбдаги танқидлар: ўзлари ҳам огоҳлантирмоқда

Ғарбда ҳам бу жараённи қўллаб-қувватламайдиган ақлли мутафаккирлар бор. Масалан, машҳур нейропсихиатр Пол МакХью (Johns Hopkins University) шундай дейди: “Жинсни ўзгартириш муолажалари – муваққат руҳий қийинчиликни абадий жисмоний шикастга айлантиришдан бошқа нарса эмас”. Шунингдек, британиялик фалсафа профессори Рожер Скрутон ҳам ЛГБТ мафкурасининг яратиш ва табиат тушунчасига қарши курашаётганини таъкидлаган.

Ўзбек ҳукумати эса, Ғарбдаги хўжайинларини рози қилиш учун халқимизнинг тоза фитратига зид бўлган бундай жирканч қарор ва қонунларни жорий этишдан қайтиши лозим. Бу на ислоҳот, на тараққиёт эмас, балки маънавий ҳалокатдир. Ким Аллоҳнинг яратиш тартибига қарши чиқса, у Аллоҳга қарши чиқибди. Ҳукумат эса шундай хатарли иллатларни “ҳуқуқ” деб халққа сингдиришда ҳаддидан ошмоқда. Аллоҳ таоло бундай йўлдан адашганлар ҳақида шундай деган:

قَٰتَلَهُمُ ٱللَّهُ أَنَّىٰ يُؤۡفَكُونَ

– “Уларга Аллоҳнинг лаънати бўлсин, нақадар адашмоқдалар-а”.     (Мунафиқун:4)

Юртимиз мусулмонлари қалбида ҳалигача исломий қадриятлар барҳаёт, фитратга муҳаббат соғлом, табиийликка садоқат мустаҳкам. Бу жамият ҳеч қачон жинсни ўзгартиришни на ҳаёт услуби, на “ҳуқуқ” сифатида қабул қилмаган ва қилмайди ҳам. Бу қадриятлар оилада, кўчада, масжидда ва халқ қалбида яшайди. Юртимизни ҳалокатдан фақат Исломга қайтиш ва фитратни ҳимоя қилиш асрайди. Аллоҳ халқимизни ушбу фитрий курашда ғолиб қилсин!

Ҳизб ут-Таҳрир Ўзбекистон Матбуот бўлими аъзоси Салоҳиддин

24.06.2025й

+1

0