بسم الله الرحمن الرحيم

Матбуот баёноти

Ўзбекистон режимининг Ҳизб ут-Таҳрир кўтариб чиқаётган Ислом мафкураси қаршисидаги ожизлиги!

Ўзбекистон ички ишлар вазирлиги 2021 йил 28 июнда интернет тармоғида “Террорчилик экстремистик ташкилоти ва унинг ғоявий раҳнамолари ташвиқотидан огоҳ бўлинг!” номли видеоролик тарқатди. Унда ҳар доимгидек Ҳизб ут-Таҳрирга “террорчи”деган тамғани ёпиштириб, хорижга ишлаш ёки ўқиш учун кетаётган фуқароларнинг Ҳизб ғоялари таъсири остига тушиб қолаётгани ваҳимали тарзда тасвирланган!  Унда жумладан бундай дейилади:

“… Айни пайтда ютуб, телеграм, ватцап ва зум дастурларининг ўзбек тилида сўзлашувчи аудиториясида Ҳизб ут-Таҳрир террорчилик ташкилоти сафига фаол ёллов фаолияти билан шуғулланаётган террорчилардан Маҳмуд Абдул Мўмин тахаллусли шахс Қирғизистон фуқароси бўлиб, Украинада яшириниб келади ва Ўзбекистон фуқароси Мансур Амин тахаллусли Шахс ва Швеция қироллигида яшириниб келаётган Ислом Абу Халил ва бошқаларни санаб ўтиш мумкин… Огоҳ бўлинг, Ҳизб фаолияти республикамиз ҳудудида тақиқланган бўлиб, Ўзбекистон республикаси олий судининг қарори билан мазкур ташкилот террорчилик ташкилоти деб топилган. Ҳизб ут-Таҳрирга аъзо бўлиш, фаолиятида ҳар қандай кўринишда иштирок этиш, моддий ёрдам кўрсатиш, таҳрирчиларга тегишли бўлган ҳар қандай маълумотларни интернет тармоғида ва аҳоли орасида тарқатиш тергов ва суд органлари томонидан террорчилик ташкилоти сафидаги фаолият сифатида баҳоланиб, жиноий жавобгарликка тортишига сабаб бўлади …”.

Ўз даврида диктатор Каримов “мафкурага қарши мафкура билан курашамиз” деб жар солса-да, Ислом мафкураси қаршисида ожиз қолган эди. Чунки унда мафкуранинг ўзи йўқ эди. Шунинг учун у 30 йил давомида Исломга ва унинг мафкурасини кўтариб чиқаётган Ҳизб ут-Таҳрирга қарши аёвсиз курашди ва қанчадан-қанча болаларни етимларга айлантирди. Минглаб мусулмонларни, жумладан Ҳизб йигитларини узоқ муддатли қамоқларга ташлаб, ваҳшиёна қийноқларга солди. Каримов режимининг меросхўри бўлган бугунги режим ҳам унинг изидан бориб, ҳақиқий Исломга ва унинг мафкурасини ёяётган Ҳизб ва унинг даъватчиларига қарши ана шундай шаклда кураш олиб бормоқда. Чунки сарой муллаларининг сийқаси чиққан ваъзларидан зериккан мусулмонлар, айниқса ёшлар ҳақиқий Ислом тушунчаларини Ҳизб китоблари, дарслари ва фаолиятларида топмоқдалар. Бундан эса Ўзбекистон режими ва унинг хўжайинлари бўлмиш мустамлакачи Америка ва Россиянинг ташвишга тушиши табиий. Чунки Ҳизб ут-Таҳрир асл террорчи давлатлар бўлмиш Америка ва Россиянинг Ўрта Осиё ва Исломий оламнинг бошқа минтақаларида амалга ошираётган сиёсий ҳийла найрангларини фош қилиш орқали уларнинг бу минтақалардаги  манфаатларини хавф остига қўймоқда. Шунинг учун ҳам Россияда Ҳизб ут таҳрир йигитларига 20 йил ва ундан ортиқ муддатли озодликдан маҳрум этиш жазолари қўлланмоқда. Масалан, яқинда Қримда бўлганидек, рус режими ҳуқуқий томондан ютқазиб қўйганида мусулмонни шафқатсизлик билан отиб ташламоқда.  Мустамлакачи Россия ҳукумати парда ортидан туриб, Ўзбекистон режимига ўхшаган малай режимларни Ҳизб ут-таҳрирга қарши ва Исломни татбиқ қилишга чақираётган ҳар қандай жамоатларга қарши репрессив чораларга ундамоқда. Мирзиёев  ҳукумати ҳам Россия сиёсатига эргашиб, Ҳизб йигитларига қарши курашда айни йўлдан бориб, сайловдан кейин репрессия қилишга ҳозирдан замин тайёрлаб, халқни ҳам бунга кўниктириб боришга уринмоқда.

Шуниси кулгили-ки, Ўзбекистондаги нефт, газ, олтин каби бойликларни мустамлакачи кофирлар чангалига топшириб қўйиб, халқни ўз юртидаги газни шу кофирлардан сотиб олишга мажбур қилаётган, бу етмагандек ана шу мустамлакачиларнинг миллионлаб қарзларни халқнинг бўйнига илиб қўйишига хизмат қилаётган, халқнинг охирги тийинигача тортиб олаётган бу порахўр, золим, террорчи ҳокимлар хоин бўлмай, халққа ўзлигини танитаётган ва зулматдан Ислом нурига олиб чиқаётган Ҳизб ут-Таҳрир йигитлари хоинми?!!

 Ўзбекистон режимининг мунофиқлигини шундан ҳам билса бўладики, илгари бу режим Афғонистондаги “Толибон” ҳаракатини террорчи ҳаракат деб эълон қилган эди. Бугун, Афғонистондаги вазият ўзгарган пайтда эса,  Ўзбекистон ташқи ишлар вазири Абдулазиз Комилов “Толибон” ҳаракатини террорчи ташкилот деб ҳисобламаслигини айтиб чиқди! Бугун Ҳизб ут-Таҳрир кўтариб чиқаётган Ислом мафкураси қаршисида ожиз қолган бу режим “Ҳизб ут-Таҳрирни “террорчи, экстремист ташкилот” деб аюҳаннос солмоқда!

Бугунги кунда “кема”си тешилган капитализм низоми чўкиб бормоқда. Бутун дунёдаги бўлганидек, Ўзбекистонда ҳам аҳолининг норозилиги кучайиб бормоқда. Шунинг учун Ўзбекистон режими Ҳизб ут-таҳрирни қанчалик хунук кўрсатишга уринмасин, ойни этак билан ёполмайди. Зеро, бугун Уммат уйғониб бўлди. Шунинг учун Ҳизб ут-таҳрирнинг Пайғамбарлик минҳожи асосидаги рошид Халифалик Давлатини тиклаб, башариятни капитализмнинг бу зулматларидан Ислом Нурига олиб чиқишига Аллоҳ изни ила яқин қолди. 

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

“Улар Аллоҳнинг нурини (яъни, Исломни) оғизлари (яъни, беҳуда гаплари) билан ўчирмоқчи бўладилар. Аллоҳ эса, гарчи кофирлар хохламаса-да, фақат Ўз нурини тўла (яъни, ҳар тарафга) ёйишни истайди”.                           (Тавба: 32). 

Ҳизб ут-Таҳрирнинг Ўзбекистондаги матбуот бўлими