Ўзбекистон яна чоракни профицит (даромад) билан ўтказибди
بِسْمِ اللهِ الرَّحْمنِ الرَّحِيمِ
Ўзбекистон яна чоракни профицит (даромад) билан ўтказибди
“26 ноябрь куни Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди”. Шундай хабар билан бошланди кўпчилик мамлакат ичидаги ОАВ нинг биринчи сахифаси.
Ўзбекистон парламент депутатларига ҳам қоил қолмай иложимиз йўқ, ахир ҳар доим бир хилда, Ўзбекистон фақатгина ривожланаётганини топиб, кейин уни исбот қилишади. Масалан, ушбу Олий Мажлис йиғилиши тўғрисидаги хабарда, Ўзбекистон яна хар доимгидек ривожланишнинг энг олий натижаларини кўрсатагани тўғрисидаги дабдабали рақамлар келтириб ўтилди. Бир эътибор берайликчи.
Хабарда айтилишича, “Давлат бюджети ҳисобот даврида профицит билан ижро этилди. Ташқи савдо айланмасининг ижобий сальдоси 1 миллиард АҚШ долларидан ортиқни ташкил этди. ЯИМнинг ўсиш суръатлари 8,1 фоизни, саноат маҳсулотларини ишлаб чиқариш ҳажмлари 9,4 фоизни, қишлоқ хўжалиги маҳсулотларини ишлаб чиқариш ҳажми 6,8 фоизни, чакана савдо айланмаси 14,7 фоизни ташкил этди. Машинасозлик ҳамда металлга ишлов бериш, енгил саноат, қурилиш материалларини ишлаб чиқариш, озиқ-овқат саноати каби тармоқларнинг жадал ривожланиши таъминланди. Саноат ишлаб чиқаришининг умумий тузилмасида ушбу тармоқларнинг улуши ўтган йилнинг шу даврига нисбатан 47,4 фоиздан 51,4 фоизгача ўсди. Шу йилнинг бошидан тахминан 2,2 минг ишлаб чиқариш объекти ишга туширилганлиги ҳам саноат ишлаб чиқаришининг ўсишига кўмаклашди.
Бундай ижобий кўрсаткичлар иқтисодиётнинг ва мамлакатимиз ишлаб чиқарувчиларининг рақобатбардошлилигини янада ошириш, ишлаб чиқариш, транспорт ва муҳандислик-коммуникация инфратузилмасини ривожлантириш ҳамда модернизация қилиш бўйича инвестиция лойиҳаларини амалга оширишни тезлаштириш, аҳоли бандлиги ва фаровонлигини ошириш ҳисобидан таъминланди.”
Бизга хаммасидан ҳам иккинчи банддаги натижаларимиз ўта таъсир қилди, агар бу ерда айтилаётган гаплар тўғри бўлса, яна бунақа натижаларга расмий хабарларга қараганда, хар 6 ойда тинимсиз эришиб келяётганимизни хисобга олсак, Ўзбекистоннинг 5-6 миллионга яқин фуқароси “чет элга ишлагани кетди” деган гапни уйидагиларга уқтириб қўйиб, ўзи тинимсиз “ривожланаётган”, “фаровон” Ўзбекистоннинг бирон бир ерида жуда катта ойликни олиб ётган бўлади. Демак бизни ёки миллионлаган қувғинда юрган мухожирлар алдамоқда, ёки қўлидаги қўғирчоқ ОАВ орқали хукумат ўзи алдашга уринмоқда. Лекин бу хукумат маддохлари, бир хилда сийқаси чиқиб кетган бу каби гапларни гапиравериб зерикмаганига барибир қойил қолмай иложимиз йўқ.
ЯИМ нинг ўсиш суръатлари хақида тўхталсак, бу ерда даъво қилинган кўрсатгичга(8.1%) қарайдиган бўлсак, хозирда бутун дунёни тайёр махсулот билан таъминлаётган Хитой бу кўрсатигчга зўрға етган десак, демак, Ўзбекистон хозир Хитойдан ҳам иқтисодий жихатдан ривожланганроқ экан-да? Ижобий сальдо ва бошқа бу ерда кўрсатилган рақамлар…, буларни вақт сарфлаб таҳлил қилишга бизнингча хожат йўқ, чунки мамлакат худудидаги одамларнинг аксари хукуматнинг бу каби ёлғонларини таҳлил қилишга арзимас нарса деб хисоблайдиган бўлиб қолишган, бунга яқинда ozodlik.org да чиққан “Халқ сўзи” газетасини бугунги кунда одамлар токдаги узумни ўраш учун олмоқда холос, деган маънодаги мақоласини мисол қилишимиз мумкин.
Советлар давридаги латифани эслатади бу холат. Латифанинг мазмуни: “Леонид Брежнев КПСС мажлисида чиқиб нутқ қилибди, “Хурматли дўстлар, биз ўтган беш йилликда яхши яшадик, биз ушбу беш йилликда ҳам яхши яшамоқдамиз, биз кейинги беш йилликда ҳам яхши яшашни режалаштиряпмиз,…” Шу пайт ўтирганлар орасидан бир одам қўл кўтариб “Леонид Ильич, Леонид Ильич …бизчи” деган экан”. Бу латифа аслида Каримов хақида айтилганмикан деб ўйласак, ундай эмас экан, бу латифа бу каби куфрий тузумнинг устига келган хар қандай бошлиқнинг шаънига мос келаверар экан.
Шу ўринда, Исломий халифалар қандай яшаган эди? деб қизиқиб кўрдим, бутун дунё мўъминларининг амири Хазрати Умар (Аллоҳ у кишидан рози бўлсин)нинг олдиларига чет элдан келган мехмонлар у кишини ахтариб боришганда, у киши бир тепаликда, ерда қўлларини бошларига ёстиқ қилиб, дам олиб ётганларини кўришган. Ўша холда у кишининг эгниларидаги кийимида бир нечта ямоқлар борлигини кўриб, сиёсий ташриф билан келган чет эл вакиллари хайратда қолишган. Хаммага машҳур “Фатовои Оламгирия”(Фатво Ҳиндия) китобини тўплаб жамлаттирган шох Аврангзеб Оламгир, ўша даврдаги ўзи бошқариб турган худуднинг мусулмонлар устидан амири бўлган, ўзининг оилавий нафақасини, олимлар томонидан ёзилган китобларни уйида, қўлида нусха кўчириб, бунинг эвазига олинадиган маош билан оиласини боққан бўлган. Бундай яшаш тарзини ўзига сингдириб, шундай яшай оладими хозирги давлат рахбарлари?
Ҳизб ут-Таҳрирнинг Ўзбекистондаги медиа офиси Муслим
28.11.2013й.
