Ўзбекистонда Рамазон ҳайити ва жиноятни яшириш!
بسم الله الرحمن الرحيم
Ўзбекистонда Рамазон ҳайити ва жиноятни яшириш!
Хабар:
Ўзбекистонда Рамазон Ҳайити 13 май куни байрам қилинади. Бу хусусда президент Шавкат Мирзиёевнинг махсус қарори эълон қилинди. Ҳайит санасини белгилашда Ўзбекистон мусулмонлари идорасининг қарори инобатга олингани айтилди ҳамда 14-15 май кунлари қўшимча дам олиш кунлари сифатида белгилангани ҳам маълум бўлди. Рамазон Ҳайити карантин талабларига мувофиқ, халқнинг миллий ва диний анъаналарига мос равишда ўтказилади.
Қарорда бунинг учун тегишли чора-тадбирлар кўриш вазифаси масъул идоралар зиммасига юклангани кўрсатилган, унинг ижросини эса Ўзбекистон бош вазири Абдулла Арипов назорат қилади.
Изоҳ: Қарордан ҳукумат 2005 йил 13 май Андижонда собиқ президент И. Каримов режими Путин билан ҳамкорликда амалга оширган қатлиом жиноятини халққа эслатмасликни қасд қилган кўринади. Негаки ҳукумат бир неча йиллардан бери бу қатлиомни беркитишга уриниб келмоқда. Ҳатто интернетда машҳур бўлган кишиларнинг оилаларига махсус хизмат ҳодимлари келиб: ўғлингга айт, 13 майни эслаб фейсбукда бирор нарса ёзмасин деб талаб ҳам қилишди.
Маълумки, бу қатлиомда Ўзбекистон қуролли кучлари Россия қуролли кучлари билан биргаликда Андижон халқини ўқга тутиб, минглаб кишиларнинг ёстиғини қуритган ҳамда минглаб гўдакларни етим қолдириб уларнинг ҳолига бефарқ бўлган ҳукумат кўчалардаги қонларни ювиб тозалай олмагани учун ҳокимият ҳодимлари йўлларга улардаги қон изларини йўқ қилиш учун бир кечада асфалт бостиб юборган эди!! Ваҳоланки Ўзбекистонда ҳозир 21 аср бўлишига қарамай, кўплаган шаҳарларда йўллар йиллар давомида янгиланиши у ёқда турсин, ҳатто таъмирланмайди ҳам! Жиноятни беркитишга келганда эса, улар барча нарсага тайёр.
Каримов режимига ювиндихўрлик қилган ўша вақтдаги ҳукумат, минглаб гўдакларни етим қолдириб, уларнинг ҳолига бефарқ бўлган ҳукумат намоишга чиққан халқни бирмабир қамади. Ваҳоланки, ҳукумат ўз тизимидаги ҳеч кимни ҳалигача бу қотилликлар учун жазоламади.
Ҳозирда ҳам бу жиноятни бостибости қилишга уринаётган бу ҳукумат адолат қарор топишини асло истамаяпти. Чунки унинг ўзи ҳам бу жиноятнинг бир қисмидир. Лекин ҳукумат бу жиноят хотирасини одамлар зеҳнидан ўчиришга қанчалар уринмасин, халқ уни асло унутмайди! Бу дунёда жавобгарликдан қочиб қолган мутасадди шахслар охиратда Роббимизнинг жазосидан асло қочиб қутила олишмайди!
Дарвоқе, ҳайит байрамини белгилаш шахсларнинг ҳоҳиши билан эмас, балки Шариат кўрсатмасига биноан белгиланади: Бухорий ўзининг саҳиҳида Абу Ҳурайра розияллоҳу анҳунинг бундай деганини ривоят қилади: Набий ﷺ айтдилар:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلاَثِينَ»
“Ойни кўриб рўзани бошланглар, ойни кўриб рўзани тугатинглар. Агар ҳаво булутли бўлса, шаъбон ойининг саноғини тўла ўттиз кун қилинглар”.
Ҳизб ут-Таҳрирнинг марказий ахборот бўлими учун Ислом Абу Халил ёзди
