Ўзбекистондаги "мухолиф" партияларнинг роли

12 сентябрь куни Ўзбекистон миллий демократик партияси Андижон вилоят кенгашининг пленуми бўлиб ўтди. Унда олий мажлис қонунчилик палатаси, ҳамда халқ депутатлари, маҳаллий кенгаши депутатлари шаҳар ва туман кенгаши раислари, аёллар ва ёшлар қаноти фаоллари иштирок этиб, партия вилоят кенгаши олдидаги масалалар мухокама этилди. Пленумда Ўзбекистон миллий демократик партиясининг жорий йил биринчи ярим йиллик якунлари ва 2012 йилдаги фаолияти асосий йўналишлари белгилаб олинди. Президентнинг "Ўзбекистон мустақилликка эришиш остонасида" маърузасини ўрганиш ҳамда фуқаролик жамиятини янада чуқурлаштириш ғоялари ва устивор вазифаларини хаётга жорий этиш каби масалалар мухокама этилди.

Изох: Ўзбекистондаги бундай "чўнтак" партиялар томонидан ўтказиладиган хар қандай йиғинга назар ташлаган одам, бу партиялар кўтариб чиқаётган ҳар қандай ғоя ва ташаббуслар албатта Каримов томонидан рухсат берилган ёки буйрилган бўлади. Сабаби бу пратияларни номи хар хил бўлсада, ўзларини гўёки мухолиф қилиб кўрсатишга харакат қилишсада, аммо ўзларини рол ўйнаётганлигини фош этиб қўйишади. Каримовга аслида бу партияларнинг кераги ҳам ва уларга эҳтиёжи ҳам йўқ. Бироқ барчага маълум бўлган ўзининг диктаторлигини яшириш ва гўёки Ўзбекистонда ҳам "демократия"ва "кўп партиявийлик" системаси мавжуддек қилиб кўрсатиш учунгина бу партиялардан фойдаланади.

Халқ демократик партияси, Фидокорлар, Либерал демократик партияси, Миллий демократик партияси сингари бундай "мухолиф" партиялар дунё сахнасида кузатилмаган ишни қилиб, хатто президентлик сайловларида ҳам ўзларидан номзод қўймай, бир овоздан: "Биз Ислом Каримов номзодини қўллаймиз" деб, ташаббус кўрсатиб чиқишди, ва бу билан ўзларини ким эканликларини намойиш қилишди.

Ҳизб ут-Таҳрирнинг Ўзбекистондаги медиа офиси Абдуллоҳ

0

0