بِسْمِ اللهِ الرَّحْمٰنِ الرَّحِيمِ

Туркия расмийларининг Шом тоғути билан ярашиш ҳақидаги баёнотлари Туркиянинг Суриядаги асл ролини фош этмоқда

Қудсул Арабий газетаси (ҳижрий 1444 йил 16 робиулаввал, милодий 2022 йил 12 октябр чоршанба куни) нашр қилган хабарга кўра, Туркия президенти матбуот котиби Иброҳим Калин турк ҳукуматига яқин бўлган «TV24» телеканали билан ўтказган учрашувида Эрдоган билан Башар Асад ўртасидаги учрашув эҳтимолига оид саволга бундай жавоб берди: «Ҳозирда бундай сиёсий замин йўқ ва биз бунга интилмаяпмиз, фақат президентимиз ҳар доим дипломатия эшигини бутунлай ёпа олмаймиз, деб келади. Шу боис, унинг топшириғига кўра, разведка хизматлари раҳбарлари даражасида учрашувлар ўтказилмоқда». Калин Эрдоганнинг Сурия режими билан сиёсий алоқа каналларини очиш бўйича кўрсатма бермаганини, аммо буни «захирага қўйиб қўйган»ини таъкидлади. Икки томоннинг учрашуви қачон Туркия манфаатлари талаб қилса бугун ёки эртагаёқ амалга ошиши мумкин, дея қўшимча қилди.

Эрдоган ва унинг расмийларидан тез-тез кузатаётганимиз бундай баёнотлардан учрашувни оддий ҳолга айлантириш кўзланган. Аммо Эрдоганга тобе Суриядаги жангчи гуруҳлар ва ҳукуматлар эса, бир томондан, одамларни маиший босим ва иқтисодий қамал қилиш орқали, иккинчи томондан, бир-бирлари билан уриштириш, террор қилиш ва оғизларини ёпиш орқали уларни режимнинг чангалига қайтариш учун руҳан тайёрлашяпти. Турк режимининг тоғут режим билан ярашишга бўлган хатти-ҳаракатлари ва шу ҳақдаги баёнотлари сир бўлмай қолди. Бироқ, бунга албатта жавоб берилиши керак. Жавоб эса, қўзғолоннинг турк режими билан бўлган алоқасини узиш ҳамда шу режим томонидан тортиб олинган сиёсий ва ҳарбий қарорини қасос эгалари бўлмиш Шом аҳлига қайта олиб беришдан иборатдир. Зеро, Шом аҳли турк режими ва унга малай гуруҳлар бузган ишларни тузатмоқлари лозим. Шубҳасиз, бу режимни ағдариш ва Ислом бошқарувини барпо этишдек қўзғолонни ўз мақсадига қайтариш билан бўлади.

Роя газетасининг 2022 йил 19 октябр чоршанба кунги 413-сонидан