Саудия ҳукмдорлари Ислом ва мусулмонларга қарши курашида Америка чизган чизиқдан чиқмайди
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Саудия ҳукмдорлари Ислом ва мусулмонларга қарши курашида Америка чизган чизиқдан чиқмайди
Ҳижрий 1438 йил 14 зул-қаъда, милодий 2017 йил 6 август якшанба куни «Русиял Явм» сайтида қуйидаги хабар келди:
«Русиял Явмнинг Женевадаги махсус мухбири Дина Аби Саъбнинг Сурия мухолафатидаги бир манбага таянган ҳолда маълум қилишича, Саудия ташқи ишлар вазири Одил Жубайр Сурия музокаралари бош ҳайъатига президент Башар Асад қудратда қолиши кераклигини айтган.
Манбага кўра, Жубайр мухолафатга ҳайъат бирор янги фикр билан чиқиши кераклигини, акс ҳолда, давлатлар мухолафатсиз ҳам Сурия масаласига ечим топишга ҳаракат қилишини, билдирган. Жубайр – ўтиш даври бошланишида Асаднинг кетиши мумкин бўлмай қолганлиги воқедан кўриниб турибди, дея таъкидлаб, «Биз ўтиш даври босқичида уни сақлаб туриш муддатини ва айни босқичдаги ваколатларини муҳокама қилмоғимиз лозим», деди.
Яна мухбиримизнинг Сурия мухолафатидаги манбадан олиб хабар қилишича, Риёзда бўлиб ўтадиган конференцияда Риёз Ҳижобнинг даври тугагани тўғрисида ҳам қарор қабул қилинади.
Сурия мухолафати бош ҳайъати, Риёз конференциясини ўтказишга тайёргарлик кўриш ва унинг муваффақиятли ўтишини таъминлаш учун махсус комиссия тузилганини эълон қилган эди.
Роя газетаси шарҳи:
Саудия ҳукмдорлари ўз хўжайинлари бўлган Американинг мустамлакачилик ва террорчилик лойиҳаларини муваффақиятли тарзда ижро этиш учун курашнинг олдинги чизиғида пешқадамлик қилиб келмоқдалар. Улар Американинг Ислом ва мусулмонларга қарши курашида нимани буюрса ўшани қилишади. Мана, бугун ҳам бу мустамлакачи давлат Шом тоғути Башар Асаднинг қолишига қарор қилган эди – чунки ҳамон унинг ўрнига альтернатив тополгани йўқ – саудлар оиласи ҳукмдорлари ҳам дарҳол ўша позицияни эгаллашди. Бу позициялари билан улар оддий исломий қадриятлар ва оддий инсоний ҳуқуқларга тескари иш тутибгина қолмай, балки улардан шармандали равишда бутунлай воз кечишди. Чунки бу кимсалар бутун дунёнинг кўз ўнгида суриялик мусулмонларни қатли ом қилаётган Шом қонхўрига ёрдам беришяпти, хўжайинлари шунга буюргани учунгина шундай қилишяпти… Ер ютсин буларни!
Роя газетасининг 2017 йил 16 август чоршанба кунги 143-сонидан
